[Unicode]
'ရှောင်းပိုင်'
43.
ဆရာကြီးပုံစံက အနည်းငယ်မျှ ရှက်ရွံ့သွားပုံပေါ်သည်။ ထို့နောက်မှာတော့ သူ ဆုတောင်းစာ၊ စိတ်ပတီးများ ထုတ်ယူပြီး စတင် ခြေဟန်လက်ဟန်ပြ ရွတ်ဆိုတော့သည်။
တစ္ဆေကောင်လေးပြောတာ မှန်သည်ဟု ကျွန်တော်ထင်သည်။ ဒီပင့်ခေါ်ဆရာက လူလိမ်ပဲ။ ဒီလောက်ကြာနေတာတောင် ကျွန်တော်ရှိနေရာဘက်ကို ကြည့်မလာ။
ကျွန်တော်သာ ဆူးယွီကို စကားပြောခွင့်ရလာပါက ဘာပြောရမလဲဆိုတာ မစဉ်းစားရသေးပေမယ့်လည်း ကျွန်တော် ထူးထူးခြားခြား စိတ်ဓာတ်ကျသွားသည်။
44.
ကျွန်တော် ဆူးယွီကို ပေးထားတဲ့ ငွေပမာဏက များပြားလွန်းတာမို့ သူ တစ်ကြိမ်တစ်ခါလေးတောင် ကျွန်တော့်ဘဏ်ကတ်ကို ထိကိုင်ခြင်းမရှိခဲ့။ ထို့ကြောင့်မို့လည်း သေချာသလောက် ကျွန်တော့်၏လျှို့ဝှက်နံပါတ်ကို သူ သိမှာ မဟုတ်။
ဘယ်လိုပဲဖြစ်ပါစေ ဘဏ်ကတ်ထဲမှာကလည်း ငွေပမာဏ များများစားစား မကျန်တော့တာမို့ ကျွန်တော် မသေခင်က ဆူးယွီကို မပြောပြမိလိုက်သလို ဆူးယွီကလည်း မေးမလာ။
အခု ပြန်တွေးကြည့်မိကာမှ ကျွန်တော် နောင်တရသလို ဖြစ်လာသည်။ ဘယ်လိုပဲဖြစ်ပါစေ၊ ခြင်သားကလည်း အသားပဲ မဟုတ်လား။
ကျွန်တော် ပျင်းရိလာတာမို့ ဆူးယွီ၏ ရုပ်ချောချော မျက်နှာရှေ့ကို စောက်ထိုးအနေအထားနှင့် တွဲလောင်းကျနေပြီး သူ၏ သွယ်လျလျ နှာခေါင်းကို တို့ထိပြီး ပြောလိုက်သည်။
"လျှို့ဝှက်နံပါတ်က မင်း မွေးနေ့လေ၊ ခွေးသားလေး"
ဆူးယွီ၏ အကြည့်စူးစူးက ကျွန်တော့်ကို ဖြတ်ကျော်ပြီး ပင့်ခေါ်ဆရာကိုသာ ကြည့်နေသည်။ သူ ကျွန်တော်ပြောတာများကို ဘာဆိုဘာမှ မကြားလိုက်။
45.
ပင့်ခေါ်သူ ဆရာကြီးက အချိန်အတော်ကြာ ရွတ်ဆိုနေပြီးမှ ဟန်ဆောင်ပန်ဆောင် သက်ပြင်းချပြီး ပြောလာသည်။ "သူ မေ့သွားပြီတဲ့။"
YOU ARE READING
Telling Ghost Stories At My Ex-boyfriend's Wedding [去前男友婚礼上讲鬼故事]
HumorTitle : Telling Ghost Stories At My Ex-boyfriend's Wedding [去前男友婚礼上讲鬼故事] Author : 花间二狗 English Translator : Chipoholic Total Chapters : 13 Genre : Modern,Short