بنات الشحاتة 🔥❤💔

الحلقة الرابعة

(( بنات الشحاتة )) 🙏❤
..
..
🥇 روايات ولد الكاتب   🥇
         🥇 ولد الكاتب 🥇
.
.
( الحلقة الرابعة ) 💛🔥
.
.
🌆 الساعة 5:00 الفجر 🌆
.
طق طق طق طق
نجمة: ياساتر ياساتر
عنود: مني معاي ؟
نجمة: ابعدي على الباب
ورد: تبكي ،،،  اني ياعمتي نجمة افتحولي
عنود: فتحت ونصدمت في منظر ورد،،، خيرك خيره وجهك
ورد: خوي احمد 😭😭😭 ضربني
نجمة: ارتاحي خشي خشي
ورد: هو يلحق فيا بسيارتة هربت من الزناقي 😭😭
نجمة؛ صكري الباب عنود
عنود: فتحت ضي الصالة خشي اغسلي وجهك
ورد: ماما تتصل
نجمة: عطيني نكلمها ،،،
ربيعة: وينك يابنيتي روحي
نجمة: السلام عليكم
ربيعة: وعليكم السلام وين بنتي ياوخيتي 😭😭
نجمة: اني نجمة ام عنود البنت جتني وفي الحفظ والصون مع بناتي
ربيعة: خوها مايتفاهمش يا وخيتي خليها تروح
نجمة: معنديش ولاد بنات بس متخافيش عليها توا يرقد خوها ويهدا
ربيعة: تمام وخيتي ديري بالك عليها
نجمة: نشاء الله في الحفظ
..
..
____________________________________________________
.
.
🌅🌅
..
..
ع طاولة الأكل 🍳🌮
.
برنية: وين خوك !
غيث: صباح الخير يا احلى وحده في حوش ال بالقاسم
برنية: صباح النور وين خوك ؟
غيث: راقد قاعد
برنية: سميررررة
سميرة: نعم للاي
برنية: بري نوضي ولدك وقوليله تبيك حناك ضروري
سميرة: نشاء الله هي
.
.
قيصر: يغسل في وجهه ،،،
سميؤة: طق طق طق
قيصر: خدي المنشف اددخل
سميرة: الله وحد على وليدي غزااال
قيصر: باسلها راسها ،،، صباح النور يمه
سميرة: هي البس وانزل لحناك تبيك
قيصر: انشاء الله
سميرة: متعطلش باش تمشي للشغل
.
.
.
.
.
برنية: وين لتوا راقد
قيصر: صباح الورد ياحاجة
برنية: قعمز افطر
غيث: الله الله ع الاهتمام
برنية: وليداتي اكيد بنهتم بيكم
قيصر: كيف حالك اليوم حناي
بؤنية: الحمد الله غر كان تنحل اموري
قيصر: شافلها ،،،،، انشاء الله خير !
برنية: افطر والحقني  للمكتب
قيصر: تمام
.
.
____________________________________________________

ورد: وجهها منفوخ وازرق
عنود: نوضي افطري
ورد: مخاطريش
عنود: نديرلك فنجان قهوة
ورد: اي اي ياريت راسي بيطربق
عبير: عطيه كسرة خوك هالكلب هذا
ورد: الله يرحمك يابوي والله البنت بلا بوها ماتسوى حاجة
نجمة: اي بالله يابنيتي ربي يهديه ويصلح باله
ورد: بجديات مش عارفة كيف بنشكركم صحيتو على كرم ضيافتكم وعلى ترحيبكم
نجمة: عيب انتي بنتنا راه هههه هي تعالي افطري متشربيش قهوتك ع الخواء
بشرى: محلاه تلفونك ورد 😊
ورد: انتي احلا
بشرى: عندك انستا ؟
ورد: اي
بشرى: عطيني شوية نتفرج
ورد: من عيوني تعالي نفتح الباسورد
بشرى: تمام

____________________________________________________

نجوى: الو اهلين  وينك اليوم
عبير: تاعبة شوية قعدة في الحوش
نجوى: لاباس
عبير: تعرفي مضايقة هلبا
نجوى: خيرك
عبير: نقدرش نتكلم ،،، اسمعي شوية واخطمي عليا نطلعو نهدرزو حتى ع الشط
نجوى: اوك تمام عازماتك ع قهوة
عبير: اشششيه
نجوى: اي والله
.
.
.
ورد: والله ماني مروحتله لين يدير تعهد باش معاش يمسني
ربيعة: يابنيتي والله معاد يمسك
ورد: يسكر يسكر ويجي نهاية الليل يضرب فيا والله لما نوريه هو ومرته الخامرة
ربيعة: الكلبة هي اللي معبيتله راسه
ورد: ماما تبي تشوفيني تعالي حوش عمتي نجمة اني معاش بنروحله الحوش لين تكلمي واحد من همامي يديرله حل
ربيعة: لاحول الله تقطعولي في قلبي
.
.
.
.
.
.
قيصر: نعم حاجة
برنية: قعمز
قيصر: اها تفضلي حناي
برنية:  شن صار ؟
قيصر: في شنو بالزبط
برنية: البوطي اللي بينك وبين جدك
قيصر: نصدم ،، مني قالك انتي ؟
برنية: جدك ميدس عليا شئ
قيصر: اي والمهم ؟
برنية: البوطي شن صار فيه ؟
قيصر: تحرك من غدامس جاي لطرابلس
برنية: بنبعتله  الجماعة يأمنوه
قيصر: مواضيع الرجالة ياريت متخشيش فيها
برنية: شافتله ،،، مش انت تعلمني مواضيع الرجالة ولا النساوين اللي تشوف فيها قدامك برنية اللي ب ستين راجل
قيصر: تحشم ،، منقصدش هكي بس كيف تخشي في مواضيع تهريب وبنزينة
برنية: جدك معلمني الشاردة والواردة فلهاذا كل شي ضروري نعلم بيه
قيصر: تمام توا نكلم كامل والجماعة يستلمو البوطي
برنية: خلاص امالا
.
.
.
.
.
.
عبير: الو وين انتي ؟
نجوى: اهو وصلت اطلعي
عبير: هي هي
نجمه: متعطليش سلم بنتي
عبير: انشاء الله
عنود: وين ماشية هاذي !
نجمة: طالعة مع نجوى صاحبتها
عنود: سعد الناس
ورد: هههه كان مش وجهي ازرق ؤاهو طلعتك
عنود: هههههه
نجمة: وين بشرى
ورد،: تتصفح بتلفوني
نجمة: ههههه هاذي معاش تردهولك
.
.
.
.
.
.
نجوى: هااا قولي فكرتي ولالا
عبير: واقفة ع الكورنيش مقابل البحر ،،،، في شنو !
نجوى: في الشغل قداش مرة بنقولك
عبير: اي اي فكرة
نجوى: اي ولالا
عبير: موافقة بس بشرط
نجوى: شن هو ؟
عبير: في شغلنا منبيش جنس ادم نهااائي
نجوى: اصلا السيارة بتكون بنات بس وصاحبة البوطي تخدم هي وراجلها بس يعني كل شي مضمون
عبير: امتى اول مشية ؟
نجوى: عطيني لليل ونرد عليك
عبير: تنهدت وتذكرت💔 :
.
.
قبل سنوات قليلة 🌥
فيصل: عبير امي مقبلتش
عبير: علاش متقبلش ؟
فيصل: تعرفيني نحبك ونبيك بس امي مش راضية ع الموضوع
عبير: فيصل زي اقنعها كيف يعني
فيصل: ماشي كيف قالت مناخدش بنت امها شحاته 💔
عبير: نصدمت من الكلمة ،، فيصل متخليش الافكار هاذي تاخد بعقلك وشن فيها لو امي كانت شحاته  بعد  3سنوات وتقولي منبيكش تمام
فيصل: منتحملش صغاري  يقولولهم حناكم شحاته
عبير: صكرت الخط وتبكي
.
.
.
.___________________________________________________
.
قيصر: هادي نص المبلغ
برنية: اها والبوطي وصل ولا
قيصر: اي
برنية: نشاء الله ، اليوم شني ؟
قيصر: اليوم سيت
برنية: الاثنين عندي بوطي لوحده نعرفها
قيصر: شافلها ،،، والمطلوب ؟
برنية: المطلوب تأمنهم انت وجماعتك
قيصر: امور النساوين منخش فيها وماعمري أمنت بوطي لمرا ولا لراجل خيرك انتي حناي
برنية: دير اللي قتلك عليه وتوا تفهم مني ؟
قيصر: لاحول الله
برنية: عيب تكسرلي كلمتي راه
قيصر: حاشاك ياحاجة بس
برنية: مابسش دير اللي قتلك عليه
قيصر: تمام وطلع وخلاها
برنية: الله يرحمك يا حاج
.
.
.
.
.
🌥 بعد مرور يومين 🌥
.
عبير: ماما ماشية لحوش نجوى بايتة عندهم وغدوة  نروح
نجمة: وعلاش بتباتي
عبير: هكي تغير جو
عنود: اي بالله
ورد: قداش ستاحشت حوشنا تعرفو
نجمة: علاش بنيتي مقصرين معاك في حاجة
ورد: لا حاشاك بس والله ستاحشت امي
نجمة: برايك بتروحي !
ورد: لا لين تكلم عمي يديرله حل
عبير: يلا اني ماشية
نجمة: بسلامتك بنيتي
عنود: عندي 10 ناخدو بضاعة بسبوسة ونديروها
ورد: عندي 7 دينار زيديهم عليهم
.
.
.
نجوى: جاهزة؟
عبير: خايفة
نجوى: متخافيش مع المغرب نطلعو من هني للجبل ونروح في الليل
عبير: والتأمين
نجوى: المرا متع البوطي تعرف جماعه
عبير: به توا وين بنمشو ؟
نجوى: بنخطمو ع البنت اللي بتمشي معانا متخااافيش
عبير: غر شوفيهم الطريق مأمنه او لا
نجوى: اي شوية ونزيد نكلمها ونقوللها كيف بنتلاقو
عبير: تمام
.
.
.
.
.
برنية: اي اي خليهم يطلعو
صاحبة البوطي: تمام يلا سلام
برنية: على خير انشاء الله
قيصر: الو ياحاجة شن صار
برنية: اهونا كيف بيطلعو خليكم وراهم سيارة فيها ثلاثة بنات وردو بالكم
قيصر: تم وصكر الخط
.
نجوى: يلا يابنات اهو البوطي
عبير: مشاء الله كبير
رواسي: اول مرة تشوفي بوطي ؟
عبير: اي الصراحه
رواسي: اها كويس
نجوى: يلا ع بركة الله
.
.
.
.
عبير: طلعنا وكانت في سيارة خلفنا البوطي بيفرغ في الجبل كنت خايفة بس رغم الخوف والرعب اللي راكبني نقولك سيورها تفراج عارفه اللي ندير فيه حرام وممكن يرفعني لستين مشكلة بس الله غالب ظرفنا هو اللي يحدد مصيرنا 💔 في طريقنا وصلنا في بوابة كبيرة نزلو الشباب اللي في سيارة اللي ورانا :
.
نجوى: متخافوش هادم يعرفو بعضهم
رواسي: شوفو هذا متع العضلات
نجوى: 😦😦 يهبببل
عبير: تلفتت وشفته الوجه هذا مش غريب عليا في لحظة اتذكرت يوم العزي متع بالقاسم كان واقف البرا 😦💔 هذا ولد عمي قيصر لالا ياربي مش هو 💔
.
#يتبع 
..
وصلوها لل400 لايك ❤