بنات الشحاتة 🔥❤💔

الحلقة التاسعه❤

(( بنات الشحاته )) ❤🕊
..
..
🥇 روايات ولد الكاتب 🥇
     🥇 ولد الكاتب 🥇
.
.
.
( الحلقة التاسعة ) 🔥🔥
.
.
.
عنود: لالا مش معقولة اللي سمعته حي حي ياربي شن هالعيلة هادي
قيصر: خش بيغير ملابسه ،،،،، خيرك مقعمزة بروحك ؟
عنود: ااه لالا شي شي مافيش شي  انت مش بتمشي للخدمة ؟
قيصر: بنبدل وبنمشي
عنود: اها به
.
.
.
.
.
.
.
.
بشرى: ناضت فتحت باب الغرفة لقت امها قدامها
نجمة: تعالي قعمزي
بشرى: منزلة راسها ،،،، نعم
عبير: الله الله صحة الوجه اللي عندك ياريتها عندي ربعها بس
بشرى: نعم ماما
نجمة: منين تعرفيه ولد نبيلة احكيلي من الاول
بشرى: يكلم فيا ليه فترة
نجمة: اني هكي ربيتكم ؟
بشرى: ماما مافيش شي بيني وبينه
نجمة: امالا كيف الولد هكي حالته ؟
بشرى: سكتت
نجمة: كملي شهادتك وبعدين ساهل مدامه الولد يبيك وبالحلال مرحبتين بيه
بشرى: فرحت ،،،، تبصري
نجمة: منبصرش اهم شي شهادتك وبعدين ساهل
عبير: سعد الناس ياحنة  بتاخد ولد نبيلة الكدابه
نجمة: عيب قصة وتمت
عبير: هي نوضو وتو روحكم شوية وبنمشو
نجمة: اي هي نوضو
.
.
.
.
.
.
قيصر: الو وين انت
غيث: في الشركة
قيصر: تعالى مكتبي توا
غيث: شن في ؟
قيصر: تعالى توا تعرف
غيث: تمام
.
طق طق طق
غيث: اها ان شاء الله خير
قيصر: قعمز
غيث: شن في !
قيصر: شن في بينك وبين غالية
غيث: سكت 
قيصر: متتحشمش على وجهك هادي مرت بوووك كيف يصير هكي
غيث: هي اللي تجيني ولصقت فيا
قيصر: وانت خفيف عاد
غيث: نزل راسه
قيصر: البنت مصوراتك فيديو وفي اي لحظة يشوفه بوك
غيث: اي فيديو وشن تحكي انت ؟
قيصر: اااخ وخلاص
غيث: اسمع البنت حامل
قيصر: انصدم كيف كيف
غيث: اي زي ماسمعت
.
.
.
.
.
.
نبيلة: لأمتى بنقعد متحملاتك ومتحمله قرفك وهمك
حسام: ههههههه هذا مستواك تتحمليني
نبيلة: حتى ولدي كرهته فيا
حسام: قصدي مش جديد عليك الوضع هذا
نبيلة: بديت ننقرف منك بديت نكره حتى في اسمك خلالاص طلقني
حسام: لو بنطلقك منقدرش نعيش انتي كل شي عندي
نبيلة: لو كل شي عندك راك مش كل يوم مع وحده وسكران طينة خزي
حسام: خزي على منو 🙄
نبيلة: عليك
حسام: ضربها كف ،،،،، مش اني اللي تقوليلي هكي ياكلبة
نبيلة: قعدة تبكي ،،،،،والله لما تشوف
طاهر: خاش للحوش ،،،، خيرك يمه شن في
نبيلة: مافيش شي ،،،وين كنت !
طاهر: حوش جدي  ضربك الكلب هذا
نبيلة: لالا غر مشكلة عاديه هي تعالي نديرلك فطورك
طاهر: ااااخ وخلاص علاش متطلقيش وتسكني معاي
نبيلة: انهينا من الموضوع هذا
طاهر: ديمه وانتي انهي انهي امالا امتى بتتكلمي راجلك 24 ساعة وهو سكران
نبيلة: خلالاص صكر الموضوع
طاهر: طلع من الحوش وخلاها 💔🔥
.
.
____________________________________________________
.
عنود: مقعمزة ع الصالون وجنبها اختها بشرى ،،،، انستونا انستونا
نجمة: الله يأنسكم ويهنيكم
برنية: بصوت واطي ،،، مشاء الله ماليهاش يوم متزوجه وتتكلم هكي
عبير: كانت مقعمزة وساكته وتشوف لغالية
غالية: مسألتوش العروس تهنيتي ولالا
برنية: تحشمت
نجمة: يح يح يح موقحها
عنود: وجهها بدي احمر ناضت خشت للمطبخ
برنية: حاجات زي هادي متدخليش فيها تسألها امها وبس
سميرة: شافت لنجمة  وحبت تغير الموضوع ،،،،، اي بالله لبنات مسوولية
نجمة: اي والله  الحمد الله البنت نعمة من ربي حن وام واخ وكل شي
غالية: سمعت انك من تونس حق ؟
عبير: شافتلها،،،، وتحديدآ من بن قردان في مانع حبيبتي
برنية: ابتسمت لقوة بنت ولدها
غالية: اها لالا مافيش شي
عنود: جاية بسفرة القهوة تفضلو
برنية: خليتي صافية تجيبها
عنود: لالا عادي
.
.
.
.
.
.
قيصر: ضرب ايده ع طاولة المكتب ،،،، تي كيف يصير هكي كيييييييف
غيث: منيش عارف ياراجل متزيدنيش
قيصر: انت عارف ان اللي في بطنها ولدك بدل مايكون خوك
غيث: اني عارف الغلط اللي درته لاكن قولي توا كيف ندير
قيصر: خليني نفكر ابعد عليها حاول تتجنبها الايام هادي
غيث: تم تم
قيصر: اني طالع توا ردددد بالك تخليها تستفزك
غيث: تمام
.
.
.
.
.
.
.
.
.
نجمة: ربي يهنيك يابنيتي ويصلح بالك
عنود: ان شاء الله ماما
عبير: هي بسلامة يا عروسة
عنود: سلامات عاودو الزيارة والنبي
بشرى: خليتي مكانك 💔😔
عنود: هههه توا نجيكم متخافوووش
نجمة: هي سلامات
عنود: سقدت اماليها ورجعت خشت
قيصر: السلام عليكم
عنود: وعليكم السلام
قيصر: خيرهم روحو بكري
عنود: هذاكا هو ليل عليهم
قيصر: ماهو بيروح بيهم السواق
عنود: ماما متحبش تتأخر
برنية: قامت عكازها ااااه ياظهري
عنود: بصوت واطي ،،،، مش منك من دعاوي الناس
قيصر: ركب لغرفته
عنود: لحقاته
.
.
.
.
.
.
غالية: حبيبي
ابراهيم: نعم
غالية: عرفته الحوش اللي بأسمك في تاجوراء
ابراهيم: تقصدي الفيلا ؟
غالية: اي اي الفيلا
ابراهيم: خيرها
غالية: اكتبها بإسمي 
ابراهيم: وعلاش كيف يعني
غالية: تعرف انت الدنيا فيها حياة او موت ونبي حاجة تكون بإسمي
ابراهيم: خليني نفكر
غالية: جت من وراه ديرله في مساج ،،،،، فكر كويس ياقلبي
ابراهيم: اااخ ظهري يوجع
.
.
.
.
.
.
.
.
.
طاهر: تبصري
بشرى: والله والله
طاهر: اول ماتاخدي شهادتك بنجي نخطبك طول
بشرى: اي اي واخييييرا
طاهر: اليوم امي تعاركت مع حسام
بشرى: هما ديمه يتعاركو غر امتى امك تطلق منه
طاهر: امي كاسرتلي ظهري يا بشرى هلبا
بشرى: الله غالب هادي امك
طاهر: تعرفي لا عشت بين ام لا بين اب ديمه مع جدودي بس منقدرش نسيب امي
بشرى: امك حتى هي مش هوينه
طاهر: كيف كيف
بشرى: منقصد شي بس امك علاش متحملاته لتوا
طاهر: منعرفش يابشرى منعرفش
بشرى: حبي معاش نقدر نكلمك يلا غدوة نتكالمو
طاهر: تمام تصبحي على خير بشيرتي
بشؤى: وانت من اهله
.
.
.
.
.
.
قيصر: شن تفكري
عنود: تمشط في شعرها اللي كان طويل واسود زي ظلام الليل ،،،، ااه لالا شي
قيصر: ناض وقف جنبها ،،،، تعرفي انك حلوة
عنود: عارفه ياعمري بس مش احلا منك
قيصر: ابتسم وضحك ،،،، مهبولة  ع فكرة
عنود: محلاك مش زي العيلة هادي كنت واخده عليك فكرة مش حلوة
قيصر: هههههه
عنود: بس مقتليش !
قيصر: شنو 🙄
عنود: تذكر في يوم اللي خطفتني فيه اني وصاحبتي وردة ؟
قيصر: اهااا اي به
عنود: من كنت تبي تخطف وعلاش وكيف
قيصر: في بنت في شغلنا كانو عليها ديون بأرقام كبيرة
عنود: شغل شنو
قيصر: انتي مرتي وضروري نحكيلك
عنود: احكي
قيصر: تهريب بنزينة
عنود: طاح من ايدها المشط ،،،، كيييف
قيصر: خيرك انصدمتي ؟
عنود: كمل به
قيصر: والبنت بوها اكبر مهرب بنزينة وعليهم ديون هلبا  ونفس سيارتكم كانت
عنود: وهل رجولتك سمحتلك تخطف بنت ؟
قيصر: جدي هو اللي قال الله يرحمه وكانت كلمته تمشي ع الكل
عنود: وقاعد تشتغل في التهربب
قيصر: لالا منخدمش
عنود: اها تمام
قيصر: شنو نرقدو ؟ 🙄
عنود: ابتسمت ،،،، اوووك
قامها وحطها ع السرير و 🔞🔞🔞🔞😊 كانو يهبلوو طالعين ع بعض كانت عنود قزمة شوية وهو عضلات وجسم كانو كوبل مش عادي بس الظروف تغير هلباااااا احوال 💔😔🔥
.
.
.
.
.
.
.
🌥 ثاني يوم 🌥
.
.
نجمة: وين ماشية ؟
عبير: للمشغل
نجمة: اها به ربي يعاونك
بشرى: هي اني وقت عليا سلام
نجمة: افطري قبل
بشرى: لالا مش ح نقدر وقت عليا
نجمة: اني بنمشي للسوق بناخد شوية حاجات
عبير: هاك 30 دينار
نجمة: سلم بنيتي
بشرى: يلا بااااااي
نجمة: استودعتكم الله بنياتي ،،، وناضت تكمل في حوسة الحوش
.
.
.
.
.
.
طق طق طق
غالية: ادخل
عنود: اهلا اهلا اهلا
غالية: تفضلي
عنود: كيف حالك ياحلوة
غالية: بخير شني تفضلي
عنود: لالا غر قلت نشوف مرت شيبانية واللي حامل بولد سلفي 😂😂
غالية: عيونها نفتحو من الصدمة ،،،، شن تقولي انتي ؟
عنود: طلعت ورقة الحمل من جيبها ،،،، وهادي شنو ؟
غالية: منين جبتيها
عنود: الطرق الخاصة تبعي حبيبتي
غالية: شن المطلوب ؟
عنود: المطلوب منك تبعدي ع راجلي وانتي وغيث تفاهمو تي وراس من خلقني ماتقدريني راني عنود بنت نجمة شوفي روحك
غالية: خافت وفي نفس الوقت متبيش تخرب خطتها
عنود: يلا سلام
.
.
.
.
.
.
.
.
.
.
.
عبير: اني معاش نبي نخدمها الخدمة هادي مستحيل مزال نخدمها
نجوى: حتى اني تعرفي خااايفة
عبير: يلا تجربة وعدت والحمد الله ع سلامتها  ممكن هاذي علامة من الله باش نبتعدو من الطريق هاذي 😊
نجوى: اي والله مقتلكش ؟
عبير: شنو ؟
نجوى: ولد جيرانا طلب ايدي
عبير: اها ربي يهنيك ياقلبي
نجوى: سلمك والعقبة ليك
عبير: هههه اني مزال اللي في بالي مجاش لحد الأن
نجوى: ان شاء الله ربي يسخرلك ويعطيك ع قياس نيتك ياقلبي
عبير: اي والله تعرفي خايفة
نجوى: من شني
عبير: من ولد عمي قيصر يعاود لأختي عنود
نجوى: لالا مستحيل يقوللها
عبير: يارب سترك وعفوك
.
.
.
.
.
.
.
.
ترن ترن ترن 📞📞📞
نجمة:  تبكي ،،،،، الووووو    يابنيتي الحقيني
عبير: شن في يا ماما خيركم شن في
نجمة: حوووشنا يابنيتي حوووشنا انحرق
عبير: #يتبع
....
تفاعلو في حلقة الصبح 🌥🌥🌥🌥