بنات الشحاتة 🔥❤💔

الحلقة الثالثة 🔥🔥

(( بنات الشحاتة )) 🌥🔥
..
..
🥇 روايات ولد الكاتب 🥇
        🥇 ولد الكاتب 🥇
..
..
( الحلقة الثالثة ) 🔥
..
..
..
نجمة: صحيتي وريدة سلم بنيتي
ورد: ولا يهمك عمتي نجمة
عبير: هي سلامات ورد
عنود: كلميني بعدين
ورد: اوك تمام
..
نجمة: خشت نحت عبايتها  وقعمزت
عبير: ماما خيرك ؟
نجمة: لالا  شي
عبير: قالتلك حاجة
نجمة: مني !
عبير: برنية
نجمة: قولي حناي شن برنية هاذي
عبير: شن قالتلك ؟
نجمة: تبينا نسكنو معاهم غادي
عبير: طبعآ لا والف لا مستحيل نمشي نسكن عندهم خلونا سنين بروحنا وتوا يبونا نسكنو معاهم
نجمة: اني معاش قادرة لا نخدم لا شي وانتي بروحك في الشغل وخواتك يقرو ومصاريف يابنيتي
عبير: لالا توا نخدم ايام اضافية تادي اهم شي بقدرنا وكرامتنا
نجمة: شافتلها الله يرحم وبيك يابنيتي
عنود: خشت ،،،، محلاه حوشهم صح ولا
نجمة: اي مشاء الله كان قصر
عنود: بس مشفتش بنات
نجمة: اكيد حناك مخليتهم الداخل يعولو وهكي
عنود: وعلاش !
نجمة: حنااااك طاغية
عنود: نحس في روحي طالعتلها
نجمة: بعيد السو ههههه
.
.
____________________________________________________
ترن ترن ترن 📞📞
قيصر: الو يمه
سميرة: هي انزل فاضية الطريق
قيصر: نازل من الدروج ومتحشم
سميرة: سلم وليدي طول وعرض الله وحد الله وحد
قيصر: متحشم ،،، طلع بجري
.
.
غيث: وينك ياراجل !
قيصر: كنت نبدل في حوايجي
غيث: طلع عندنا عم
قيصر: غر نخشو توا للخيمة ونقعمزو جنب الناس وبعدين نتكلمو
غيث: هي
..
..
طبعآ غيث وقيصر يشتغلو مع جدهم في الشركة العامة و  قيصر ييخدم في خدمة بروحها توا نعرفوها 🔥
.
.
.
.
🌥 ثاني يوم 🌥
.
.
برنية: تي والله والله كلمة الحاج بالقاسم الله يرحمه ماطيح يوم قالي  جيبي بنات ولدك يعيشو معاك لما نموت
ابراهيم: الله يرحمه باهي ياحاجة خلي تفضى الزحمه والناس  ونديرو راي نشاء الله
برنية: اي قولي 
ابراهيم: نعم ياحاجة
برنية: شن صار في المرا الثانية ؟
ابراهيم: خاف ،، اسكتي يا يمه لا حد يسمعنا
برنية: و الله شرع محلل 4 وتاني شي بنت خالتك اللي واخدها مش برانية
ابراهيم: مصار فيها شي يا حاجة مزال نحدد ونقولك نمشو نجيبوها
برنية: به هي اطلع خليني نشوف الزحمه والنساوين
ابراهيم : طلع وهو يفكر مش معقوله بعد العمر هذا ويتزوج الثانية على سميرة اللي تحملت كل شي 💔💔💔
.
.
.
عبير: مقعمزة ع ماكينة لخياطا وتخدم
نجوى: وقفت جنبها ،،، شن صار قاعدة مصكرة راسك
عبير: شافتلها ،،،، في شنو خيرك
نجوى: في الخدمة اني لمصلحتك راه
عبير: وخيرك مخشيتيش انتي !
نجوى: حتى اني بنخدم معاهم والله نحصلو فلوس
عبير: لالا حرام ونخاف
نجوى: علاش حرام هو بوطي واحد لوحده نعرفها بيتحرك وحني بنمشو وراه
عبير: لوين ؟
نجوى: مش بعيد للجبل
عبير: يحححح لالا والله مانقدر
نجووى: فكري راهو عليها 6 الاف المشية شوفي روحك
عبير: خليني توا نرظ عليك
نجوى: طلعت وخلتها
.
.
____________________________________________________
.
قيصر: الو اهلين
الشاب: اهلا معلم شن صار ؟
قيصر: خليكم جاهزين غدوة في دفعة من السلاح بترففعوهم للجبل
الشاب: اها تم نقول للجماعه وتلقانا واتيين
قيصر: تم تم  ورجع للخيمة
.
.
.
.
.
.
نجمة: خشت بدير لغدي ملقتش شي الثلاجة فارغة والبمبلي فارغ ،،،، يارب فرجها عليا وعاون بنيتي ياربي ياربي ارزقنا من عندك 💔💔
عنود: ماما ماميتو
نجمة: مسحت دمووعها ،،، اني هني تعالي
عنود: صباح النور
نجمة: صباح القايلة الساعة 12 خيرك ممشيتيش للجامعة ؟
عنود: معندناش محاضرات
نجمة: به خشي ديري دورة ع صالة
عنود: جعانه
نجمة: اهو بنمشي للدكان بنشري دحي
عنود: غدي دحي
نجمة: نعمة ربي الحمد الله امشي يلا
عنود: به
.
.
.
.
.
.
عبير: اني جيييت
نجمة: مرحبتين خشي بنيتي
عبير: هاك يمه
نجمة: شن جايبة
عبير: سندوتشات طعمية وين بشرى
نجمة: سلمك جيابة
عبير: عنووود تعالي
عنود: وااو نشم في رحية طعمية
عبير: ههههه اي تعالي
نجمة: بشرى تعالي
بشرى: اني جيت وسعولي
عنود: هاللصقة هادي
عبير: هههه هي كولو كولو

.
( لاتيئس فالحياة  لازالت امامك )) 🌥🙏
.
____________________________________________________
.
بعد مرور ايام 🌥
..
..
طق طق طق
بشرى:  هي هي اني جاية مني !
ابراهيم: افتحي عمك ابراهيم
بشرى: عمي براهيم 🙄 وفتحت
ابراهيم: انتي بشرى
بشرى: اي
نجمة: لبست حجابها ،، براهيم كيف حالك
ابراهيم: الله يبارك فيك
نجمة: تفضل نشاء الله خير ؟
ابراهيم: منزل راسه ،،، شن صار وتيتو روحكم ؟
نجمة : لشنو بوتو رواحنا !
ابراهيم: بتسكنو غادي معانا 😐
نجمة: براهيم بناتي اني اللي تعبت عليهم ووصلت للشحاته على خاطرهم وشبحت لبشرى وتجو توا تبونا نسكنو معاكم
ابراهيم: تحشم من كلامها الوالد كان مسيطر وانتي تعرفي
نجمة: بناتكم نرضى يجوكم مرة مرة لاكن نسكنو غادي لا سامحني
ابراهيم: ديري رايك
نجمة: بشري جيبي لعمك فنجان شاهي
ابراهيم: لالا بنمشي صحيتو في الافراح
عنود: مرحبا مرحبا عمي ولا 🙂
ابراهيم: اي عمك انتي عبير ؟
عنود: لالا عنود غريبة مش من عوايدكم ال بالقاسم تجونا
ابراهيم: شاف لنجمة ،،، والله قلنا نزروركم
عنود: شافتلها باستفزاز ،،، اي اي انستنا ياحنة وخشت للمطبخ
ابراهيم: طلع وصكر الباب
نجمة: حشم حالك حشمتيني مع عمك عيييب
عنود: تي اما عم واما هم بالله مرررض  صدق من قالك تفكر عظام العيد ناض ينوح
نجمة: الله عطيك قصة في لسانك
.
.
.
.
.
برنية: والله ماقعدة غير الشحاته تتأمر عليا اني برنية
ابراهيم: هذا كلامهم
برنية: توا نعرف كيف نجيبهم
ابراهيم: يمه مش ح تقدري لان بناتها ميبوش راهو
برنية: خليها عليا اني نجمة كان مخليتهاش تجيني برجليها مايبدا اسمي برنية مكحلة العين 😈

.
.
.
.
عبير: مصح وجهه غر كان نايضة راهو عطيته كلمات باهيات
عنود: هههه
نجمة: عيب هذا عمكم في الاخير
عبير: افتحي مسلسلي قريب يجي
نجمة: اي اي توا يجي هي
.
.
.
.
.
.
🌆 الساعة 5:00 الفجر :
.
طق طق طق طق طق
نجمة: ياساتر ياساتر
عنود: منوووو
#يتبع
.....
اسف هلبا للتقصير والله قراية ومانفضى ومنبيش نكتب ع السريع لان نبي تخميم وتفكير للسرد ،،، الحلقة 2 معجبنيش تفاعلها حرام نتعب ونكتب وتفاعل شوية ❤💙