بنات الشحاتة 🔥❤💔

الحلقة الخامسة ❤

(( بنات الشحاته )) 🕊🔥
..
..
🥇 روايات ولد الكاتب 🥇
      🥇 ولد الكاتب 🥇
.
.
.
( الحلقة الخامسة ) 🕊🌥
.
.
عبير: تلفتت وشفته الوجه هذا مش غريب عليا في لحظة اتذكرت يوم العزي متع بالقاسم كان واقف البرا😦💔 هذا ولد عمي قيصر شن يدير هني لالا ياربي مش هو 💔
.
نجوى: شن تقولي انتي ؟
عبير: بخوف ،، ااه لالا شي شي هي امتى بنطلعو
نجوى: اهو البوطي مشي هي
رواسي: خيرك خايفة هكي انتي !
عبير: منيش خايفة خيركم
رواسي: يجلط الولد هذا
عبير: كحت ،،، اها مرات

.
قيصر: ركب للسيارة بدون مايركز وكان واضح عليه انه متعصب
.
عنود: تي ورحمة بوي كان في مكانك ضربته بالمهراس ولا بكرسي
ورد: تعرفي تعبيله في راسة عليا
نجمة: حطت فنجان القهوة،،، ماعندك ماديري بنيتي حسبي ربي
ورد: عيني توجع فيا تعرفي نحس فيها تقول تصك في الضي 💔😞
عنود: عطيه ضربه انشاء الله
.
.___________________________________________________

برنية: الو شن صار !
قيصر: اهو مروحين
برنية: به على خير
قيصر: صكر التلفون ،،،، واااك الله يسامحك ياجدي 😠
.
.
سميرة: عمتي
برنية: خشي خشي
سميرة: شن نديرو ع العشي
برنية: قولي للخدامة توتي الغرفة اللي فوق تنظفها وتبخرها عندنا ضيوف جايين ،،، والعشي ماتنقصو شي
سميرة: مني الضيوف !😕
برنية: هذا ماقعد والله ديري اللي قتلك عليه
سميرة: انشاء الله عمتي
برنية: كناين العازة هاذي غبية طول عمرها والثانية شحاته مرض يسبلكم
.
____________________________________________________

عبير: الساعة كم عندك ؟
نجوى: تسوق ،،، الساعة 9
عبير: بنروح معاك قلت لأمي بايتة عندك
نجوى: تمام ،،، روااسي روااسي
رواسي: راقدة ،،، همممم
نجوى: نوضي قريب نوصلو
رواسي: اوووف باهي
نجوى: شن نقول اني اللي من بكري نسوق
عبير: تلفتت وقاعدة السيارة اتبع فيهم اوووف
نجوى: خيرك ؟
عبير: شي شي
.
.
.
.
ترن ترن ترن
عبير: الو ماما
نجمة: كيف حالك
عبير: الحمد الله كيف حالك انتي والبنات
نجمة: بخير شنو بايتة ؟
عبير: اي مش قتلك
نجمة: خلاص امالا غر قلت نشوفها
عبير: تصبحي ع خير
نجمة: سلميلي ع نجوى
عبير: يوصل ،، وصكرت الخط نحت عبايتها تعبت اليوم تعرفي
نجوى: اسكتي اني ظهري خلالاص
عبير: يلا بنخش ندوش اني
نجوى: شن نديرو لعشي ؟
عبير: توا نطلبو من برا شن رايك
نجوى: تمام
.
.
.
ع سفرة الاكل :
برنية: عندنا ضيفة جايتنا متبدوش
سميرة: اها به نشاء الله
غيث: مني الضيفة هاذي ؟
برنية: توا تعرفها لما تجي
قيصر: شاف لحناه وفتح تلفونه قعد يتصفح
ابراهيم: السلام عليكم
برنية: وعليكم السلام هي تفضلو تفضلو
غالية: السلام عليكم عويلة صحه صحه
برنية: وعليكم السلام ببنيتنا خشي
سميرة: هاذي غالية بنت بنت اختك صح ولا عمتي
برنية: اي
غالية: كيف حالك سميرة
ابراهيم نزل راسة
سميرة: الحمد الله تفضلي ع العشي
غالية: صحتين وعتفية
ابراهيم: شاف لأمه بمعنى: متقوليش توا
برنية: هي تفضلو
غالية: كيف حالك خالتي
برنية: سلمك ويهنيك كيف حالك كنتي الغالية 
سميرة: شرقت ،،، كح كح كح
برنية: سلامتك اشربي اميه
سميرة: عاودي شن قلتيلها توا عمتي
برنية: كنتي مرت ولدي
سميرة: شافت لأبراهيم
برنية: والشرع محلل 4
سميرة: حق لكلام يا ابراهيم ادوي تكلم
ابراهيم: شاف لقيصر وغيث كيف مصدومين
سميرة: ولادك من طولك وبنتك براجلها تجي تتزوج عليا اخر العمر شن منقصة عليك
ابراهيم: نزل راسة
.
.
.
.
.
.
.
عبير: الله قصدك 6 الاف هادم حي اول مرة نشد هكي مبلغ
نجوى: اي بالله
عبير: بناخد هلبا حاجات للحوش وملابس ليا ولخواتي وامي
نجوى: و امك شن بتقوليلها منين جوك !
عبير: من الخدمة علاوات او اي شي متنكديش عليا خليني فرحانه بيهم
نجوى: براحتك شن نطلبو
عبير: نبي كباب
نجوى: اوك ناخدو وجبتين كباب وبطاطا
عبير: اي متنسيش الصوص هذاكا
نجوى: اوووك به
.
.
.
.
.
.
سميرة: حسبي الله ونعم الوكيل
برنية: على منو تتحسبي يا كلبة نسيتي روحك ولا شنو اللي قدام الحاجة برنية فااااااهمه
سميرة: ركبت لغرفتها طول
قيصر: نوض الحق امي غيث
غيث: نشاء الله
غالية: مكنتش نبي ننحط في موقف زي هذا
ابراهيم: ولا يهمك عادي
قيصر: شاف لحناه وناض،،، سفرة دايمه
غالية: قعمز قيصر تعشا
قيصر: طلع وخلاهم
.
.
.
.
سميرة: والله ماني قاعدة فيه
غيث: صلي ع النبي يمه وحطي عقلك في راسك
سميرة: تبكي ،،،، اني بعد هالعمر هذا كله يجيب عليا وحده ولا ومش اي وحده ند بنته
غيث: قعمزي وانتي صاحبة الحوش مش هي متعطيهاش المجال تاخد مكانتك
سميرة: تفكرر،،
غيث: بدون تفكير قعمزي انتي مرت الحوش هذا مدامه حني ولادك
سميرة: حضناته والله لما نوريهم
غيث: متعصبيش روحك يرتفعلك الضغط
سميرة: ااااه ياوليدي
..
..
..
..
..
🌥 بعد مرور يومان 🌥
عبير: اي عطوني علاوة
نجمة: مشاء الله به يدوم عليك
عبير: ورد اليوم بنطلعو باش اطلعينا
ورد: اي عادي ليا ايام مطلعتش
عنود: تبصررررررو
عبير: اي
عنود: حي بنطلعو رورووروري
بشرى: شن في خيركم
عبير: بدلي حوايجك شوية تانية وبنطلعو
بشرى: متطلعوش الا وقت امتحاناتي
عبير: مش ح نعطلو هي
بشرى: اوك تمام هي
عنود: بنخش نجهز روحي
ورد: هي عنود تعالي ديريلي حل في عيني اللي قعدتلي زرقاء هكي
عنود: ساهل شوية مكياج ويمشو
.
.
.___________________________________________________
.
.
قيصر: طلع من غرفته نزل لمكتب جده
طق طق طق
برنية: خش منو
قيصر: صباح الخير
برنية: صباح النور
قيصر: شن قصة زواجة بوي
برنية: مافيش قصة تعرف بوها صاحب شركات وصفقاته مليحة وهكي مخططه اني وبوك
قيصر: اني مش ح نتكلم وكلكم ديرو اللي تبوه لاكن امي خط احمر
برنية: ومن وصل فيها امك
قيصر: يلا نستاذن ماشي للعمل
برنية: نبيك في موضوع قعمز
قيصر: اها تفضلي
برنية: بنزوجك
قيصر: ههههههه
برنية: مقلتش شي يضحك
قيصر: شن تقولي ياحاجة شن زواج ما زواج خيرك !!
برنية: بنتك عمك وانت اقرب ليها شن فيها
قيصر: من بنت عمي ؟
برنية: بنتك عمك ابراهيم
قيصر: وعلاش خص نص هي
برنية: بنتك عمك ومن ندك وحلوة خيرها ومعندهم حد تستر حتى عليها
قيصر: قعد يفكر ،، يلا اني تأخرت
برنية: فكر وردلي جواب
قيصر: ان شاء الله ،،، وطلع
برنية: نجيبك نجيبك يانجمة 🤨😑
.
.
نجمة: مشاء الله ع المحلات
بشرى: شن رايكم فيه السبيدرو
ورد: تسووق ،،،  يهبل يهبل طلع عليك
عنود: اسمعي خديته السروال ولا نسيته في المحل
نجمة: اهو عندي في الكيسة 
ورد: وين نمشو ؟
عبير: نمشو لمطعم ،،،،
ورد: اوك هي
بشرى: مشاء الله وبتغدينا عبير،؟
عبير: ههههه ريتي قداش كريمة
عنود: احم احم ههههه

____________________________________________________
.
قيصر: مقعمز في المكتب متاعه ويفكر ،،، قصدي نفس البنت اللي خطفتها طلعت بنت عمي وامي تبيني نتزوجها شن القصة الغريبة هاذي
السكرتيرة: استاذ قيصر
قيصر: اهاا امتى خشيتي
السكرتيرة: توا اهم وراقي ياريت توقع عليهم
قيصر: اها تمام
.
.
.
.
غالية: صباح النور
برنية: صباح القايلة
غالية: خالتي كيف حالك
برنية: بخير الحمد الله عاد بنيتي عروس وقلنا لاكن تنوضي الساعة 12 الظهر عيب راه
غالية: سامحيني خالتي والله غر تعبب
برنية: اي والله خشي افطري وديريلنا فنجان قهوة
غالية: حاضر هي
ابراهيم: السلام عليكم
غالية: انست
ابراهيم: الله يأنسك هاذي النوضة
غابية: اي قعمز بندير قهيوة اشرب معانا
ابراهيم: لالا بنركب بنبدل وبنطلع عندي شغل ضروري
غالية: ان شاء الله ربي يعاونك
برنية: صااافية ياصااافية
صافية: نعم هاجة
برنية: يهججو ايامك اسمي الحاجة مش الهاجة
صافية: اها
برنية: بري نوضي ماما سميرة وقوليلها قتلك برنية انزلي
صافية: ماما سميرة نايصة موش راقد
برنية: قوليلها انزلي تبيك عمتك بري
صافية: تمام
.
.
.
.
.
.
سميرة: نعم ياحاجة
برنية: قعمزي
سميرة: اها
غالية: القهوة جاهزة هي تفضلي
برنية: قعمزي حتى انتي
سميرة: تبيني توا نجيك لما تكوني بروحك ياعمتي
غالية: اها عادي توا انوض اني
برنية: نبيكم الزوز قعمزو
سميرة: اااه يالقهر اااه
برنية: برا اتمتيم سميرة
سميرة: مقلت شي بالعقل يا حاجة تبيني نفرح راجلي متزوج عليا
غالية: نزلت راسها
برنية: مافيهاش باس الحلل مشرع 4 وولدي قاعد صغير
سميرة: في خاطرها ،،، تي والله لما تشوفي انتي وولدك
برنية: منبيش مشاكل وكل وحده في حالها والله اللي بدير مشكلة ماتلوم الا روحها واللي كانلها معاد يكون 🤨 فاهمات
سميرة: ناضت طلعت للجنان
برنية: اشربي قهيوتك غالية
غالية بخبث: ان شاء الله
.
.
.
.
.
.
عنود: تعبت اليوم مشينا هلبا
ورد: لاكن غيرنا جونا
عنود: يهبلو الملابس
ورد: اي تعرفي
نجمة: يلا اني نرقد بكري تصبحو ع خير
عبير: خشت تقيس في البلوزة
بشرى: اني بنخش نراجع بنقرا
عبير: شن رايكم !
عنود: تهبببل
ورد: طالعه عليك خياااال
عبير: حتى عبايتك عجبتني عنود
عنود: حتى هي اني كل شي يطلع عليا
ورد: هههههههه
عبير: هي بنخش نبدل ونرقد وراي شغل الصبح تصبحو ع خير
ورد: وانتي من اهله
.
.
.
.
.
.
.
.
برنية: قيصر
قيصر: خاش للصالة،،، نعم حاجة
برنية: تعالا قعمز
غالية: يلا نستاذن خالتي
برنية: تصبحي ع خير
قيصر: خش قعمز وشاف لغالية
غالية: 😉😉
قيصر: قعد يشوفلها
غالية: تصبحو ع خير
برنية: شن صار !
قيصر: في شنو
برنية: بنت عمك ؟
قيصر: اللي بتشوفيه ياحاجة
برنية: تم على خير
قيصر: لاكن
برنية: لاكن شنو ؟
قيصر: #يتبع
..
..
تفاعلو ع الحلقة حاولت نطول في الحلقة ❤ وصلوها لل400لايك و300 كومنت 💛💛💛🙏