فاطمة: وجان اشوفة هوى بطولة الحلو كاعد كبالي وكل عادة رافع حاجبة مستغرب من تصرفاتي لابس قميص بيجي مخطط بخطوط سود بل طول وبنطرون اسود ..
بشرفي طالع جنة كيكة قطع سلسلة افكاري صوت اُمي وهيُ تسأل :
شنو هي َ عيني ام حسين كل شي مفهمت ؟
ام حسين: ام رحمن خيتي كل شي ماعرف حالي حالج اجاني كال يُمة اكو بنية عاجبتني اريدج تُخطبيهة الي اجيت مكيفة بي .
ام رحمن: اهااا يصير خير خيتي.
ام حسين: يُمة فطومة ام طول الحلو روحي اكعدي يمة تعرفوا وخيتي آم رحمن خل نروح نُكعد هناك بل هول خل ياخذون راحتهم
ام رحمن:هاااااا مو ش..
آم حسين:امشي خية همى كبال عيونج شبيج .
فاطمة:طلعن وعافونة وحدنة حرام كلبي ماعرف شلون اوصفلكم شنو صــار بي هيج هيج احسوا طلع من مُكانة.
فززني صوته وهوَ يكول تعالي هنا ويأشر على مكان قريب عليه .
فاطمة:توجهت كعدت على الكرسي واني كلبي احسة خدران من الخجل.
حسين:شلونج ؟
فاطمة: تمام الحمد لله.
حسين:اكيد عرفتيني ..خلِ اعرفج على نفسي اني حسين خريج قانون وعلوم سياسية شُغلي حُر بل محمكة يعني مكتبي خاص بيه واضافةً اساعد اخواني بل محلات والله رازقني الحمد لله .
فاطمة: صافنة وعيوني على الطبلة الي كبالة احسةبارد يحجي من ورة خشمة كتهن كُلهن ، منو كال اني اقبل بي .. شلون مااقبل بي ردت اكُلة گبع واخذ بس استحيت.
حسين: عرفيني عنج بوية.
فاطمة:هوى كال بوية لو اني. سحت (احجي بكلبي)
_احمم فاطمة طالبة وبس .
حسين: تمام، يُمة يلا تعالي .
فاطمة: اجتِ امة ملهوفة
_ها شبيك يُمة
حسين:يلا حجية احنا نتوكل
ام رحمن:ليش يُمة صاير شي ؟
حسين: لاحجية بس خلصنا تعارف وأتمنى تردون النى جواب باقرب وقت.
فاطمة: طلعت امي وياهم للباب صفنت هذا ليش هيج بارد شبي هيج يربي طفة لهفتي بشوفتة فاتت امي كعدت يمي
نوال: يُمة فاطمة بنيتي اني ماريد اجبرج على شي كُليلي اذا ما حابة السالفة كولي عادي.
فاطمة :ها يُمة بكيفج بعد ( هذا فرصة مو مال اضيع حب حياتي من ايدي) احجي بكلبي.
فاطمة: عفت امي وصعدت فوك مستحية منها
كل عادة نطت علية هُدى مثل القرد:
ها فاطمة بشريييي ؟؟؟
فاطمة:شنو شبيج؟
هُدى: ولج لا تشلعي كلبي احجي حلو لا ؟
فاطمة: لا بس حبيت اكُلج هذا نفسة الي تهمتيني ويا .
هُدى : جذااااابة حلفي كولي وداعة فيصل احجي.
فاطمة: ههههه وداعة فيصل.
هُدى : اسمعي لج اذا متوافقين عليه اتهمج بعرضج والله.
فاطمة: مادري هُدى خايفة.
_اجتي كعدت يمي وكالت كومي صلي صلاة استخارة اذا حسيتي راح هذا الخوف صيحني وبس كولي موافقة وعوفي ڪُل شي علية .
فاطمة: عافتني وراحت كمت اتوجهت للحمام اتوضيت فرشت سجادتي وبديت اصلي كملت و ماحسيت بشي مدري ليش توجهت للقران فتحتة وبديت اقرة حسيت براحة مو طبيعية سديت القرآن وكمت للچرباية حطيت راسي على المُخدة وبجيت
_ اايي فاطمة انتِ تحبي ليش تضيعي من ايدج هذا تعبج سهرتي كل الليل تبجي عليه هذِ قُدرة الله يعني ربي جان يسمعني من اناجي بليل يعني هاي مو صُدفة لا هاي قُدرة رب العزة كامت دموعي تنزل مثل الشلال حسيت براحة وخشوغ جسمي كزبر توني اريد انام فاتت عليه هُدى:
ها فاطمة بالي وكلبي يمج احجي ؟
فاطمة:ابتسمت وكلتها اي ومن كُل كلبي ٲي .
_طكتها بهلولة خفيفة
هُدى: حبيبتي مبروك يكلبي بهل مُناسبة السعيدة اليوم اني اسوي عشة واغسل المواعين هم .
فاطمة: لعد شكد فرحانة بروحتي.
هُدى ؛ هههههه كوممممة .
_نزلت هُدى تسوي عشة واكيد لاح تبشر اُمي الي فهمت من خجلي منهة انو اني موافقة
_
شوي وصعدت هُدى كالت: عمو يريدج.
فاطمة : شنو يريد ياستار.
هُدى: ههههه امشي امشي .
فاطمة: نزلت وياها واني صُدك احس روحي ضخنت .
الاب (كريم):تعالي بابا تعالي يمي.
فاطمة:توجهت يمة
كريم:بنيتي انتِ موافقة بدون ضغط من اُمج؟
_باوعت على امي الي مبتسمة ومطمنة وتعرف جوابي.
بكيفكم يابة رائكم اهم من رأيي.
كريم:ههههه يعني تكول مبروك.
فاطمة نزلت راسي خجلانة.
هُدى : ككككككككللللللللوووووووش.
بوكتها نزل عبد الرحمن هواي تحارش بيه بل شِقة وكضيت هل ليلة ضحك وجهة هل حسين خير عليه.
مر اسبوع وابوية ورحمن سئلو علية وكانوا خوش ناس ابوهم شيخ وسمعتة حلوى بل منطقة.
اجتي امة اتفقوا على المهر والحاضر والغايب
صارت المشية مال زلم والسيارات ترسوا الفرع كومة زلم وكُلسع جاي جاي محد وكع بيها غير هُدى المكرودة
جان يوم المهر يوم جمعة هوى مهر هوى خطوبة هوى عقد سيد بدينة نجهز حجزت امي صالون وفُستان بسيط ردت ماحب البدلة جان كريمي من الصدر ومن الخصر لباقي الجسم اسود يعني الجزء العلوي شفاف وبدون كتف بدى البيت نخبص بل خُطار وكلها تشتغل
كعدت يوم الجمعة من بعد سهرة مستهترة وي البنات كُبل رحنا للصالون شعري أمي مقبلت اصبغة سويت تسريحة وحفيت شورابي الي كانوا اثخن من شوارب رحمٰن وسويت حواجبي فرحانة بيهم كانوا ثخان من حفيتهم صاروا كُلش حلوين
وبهل يوم ماكو داعي اكول شكد طلعت حلوة اي بنت بهيج يوم تطلع كُلش حلوة شي طبيعي
********************************
اليوم (700)كلمة
ماكو مبروك بوصول القصة ١٠٠٠
احبكُم من اعماق قلبي 🫂🤍
مُشاهدة مُمتِعة......
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
