_شوية واجتي البنية كالت يلا تعاي فوتي للقاعة
وكفت باب القاعة ..نفتحت الي الباب بدى يطلع دخان من جوى الستيج وشغلوا اغنية لراشد الماجد قديمة بس حلوة شفتهم كلهم جوة الا اكثر اثنين احبهم ابوية وحسين فتت للقاعة و اشمر بوسات بل هوى لكل الي اعرفهم بطلعان الروح وصلت للكوشة بدوا كرايبي وكرايب حسين يترددون عليه حتى يسلمون وخالة وكلسع تجي يمي تكول شدعوة هيج طالعة حلوة تريدين تجيبين العين يا أمي ورى تقريبا ١٥دقيقة كال ابو الديجي:
هدوء رجاءً العريس حيفوت اتحضروا اجتِ يمي نفس البنت كالت:
كومي عروستنا الحلوة ؟
_ليش ورفعت الهة حاجبي ؟
_حبيبي ليش تدوخي راسج هيَ مراسيم لازم تسووها علمود التصوير اولاً .. وثانيا حتى متنسين هذا اليوم .
_بصراحة خجلتني بردها الحلو
كمت وكفت انتظر سي السيد يفوت ..
فجأة نفتح الباب واكف حسين ببدلتة اللونها رصاصي طالع كُلش حلو حبيبي ..لفت انتباهي من رُفع ايدة يم حلكة بيها مايك.
بدى يهز كتف وي اللحن و..
حسين:
عُمرها حصلتلك دي تبقى لسة شايف حد وانتَ لسة متعرفوش ؟
ايوى متعرفوش
بس نفسك تجري عليه تحضنة وتنام في عنيه وانتَ لسة متعرفوش
ايوى متعرفوش
انا بقى حسيت دى معاك
انا بقى طلبني هواك
انا بقى من يوم مشفتك مش متخيل غير عمري معاك.
اللقطة الاخيرة كل الي بل قاعة غنوها ويا .
_يهز بكتفة ويركص على الخفيف واني فرحانة كُلش هواي تقدم يمي وهوَ يكول:
ياتاعبني يواكع قلبي من حبي مش قادر اخبي
تقدم يمي حضني ضليت معلكة بركبتة من الفرح همس احبج يبت قلبي..
طرررت من الفرح بجيت كبل اجني عليه امهات التصوير ضلن يسكتن بيه كوة سكتت المراسيم كانت عبارة عن ركص عمامة خلو بل نص ويركصون بيه وهوَ الفرحة هذيج وينها مبينه بعيونة اجتي فرقة بصراوية وهم سوو هواي هوسات تعشينا اني وياه وامي خطية هم تعبت البنات خواتي لبسني الذهب وخالة ام حسين هم جايبة الي كلادة .
اجتي خالة ام حسين وكفت يمنة وكالت:
يُمة حسين طلعت رومانسي ؟
اجت رُسل وراها وكالت :
اييي يُمة ابنج غومانسي "رومانسي"بس مو يمنة يم فطومة ست الحسن والجمال الي غيغت (غيرت) ابنج ١٨٠ دغجة (درجة).
اباوع على خالة ام حسين راحت الديجي شوية وكال ابو الديجي :
ام العريس تكول عمت عينها الي متصلي على نبيها .
كاعدين شابك ايدة بأيدي كال:
شلونة البارد اليوم؟
عجبج؟
_باوعت عليه كتلة من شوكت ؟
_من نُكعد وحدنة اكُلج.
ساعة ٩ بدوا يخلصوا بقوا بس اهلي واهلة
فات علينة سندي ابوية وروحي هوى ورحمن تقدموا لبسوني محبس كُلش نازك اعرفة هذا ذوق رحمٰن ابوية كال :
يا عيون كريم ويا شمعة بيت كريم البيت بدونج مابي روح وضحكة ..
باوع على حسين وكال: بوية حسين هاي قطعة من كلبي شلتها وانطيتها الك لا تكسرني بيها وعيوني غرغرت بل دموع بس لزم روحة
:تقدم عليه حسين كال افى عليك عمي هاي روحي شلون اكسرها.
ما اتحملت كمت اناشغ بل بجي الموجودين كلها تبجي ويانة امي ال شبعت قهر
كآل رحمٰن: يلا عاد سويتوها فد مرى يلا خل نزفهم مو هلكو من التعب
_ابتسم حسين وهمس يمي:
ايييي بعد اخوك محد حس بية غيرك .
نزلنا لتوجهنا لسيارة حسين الي كان مزوقها وكاتب بچام السيارة حبيتها من اول دمعة.. من ركبنة جان ﭑخو محمد يسوق ام حسين كانت بل صدر واني يمي حسين على اليمين وهُدى على اليسار نعست نمت على كتف هُدى كُبل دفعت راسي وهمست
:لعد حسين شنو شغلة هنا؟
باوع علية كال:
تعالي بوية نامي هنا واشر على كتفة..
نمت وعُطرة يتخلخل بخشمي يخَبُل فزيت على صوت رمي لزمت ايد حسين حيل وكتلة :
عفية لا احد يموت لحد يرمي حباب حسين اخاف ممن الصوت الله عليك احجي وياهم
_هاي عود وصيتهم فتح الجامة مال سيارة وكال:
الي يرمي انزل اخلي طلقة براسة وعلي كواويد اني مو وصيتكم شأ اكلت خر*** قبل ما اطلع
_عصب كُلش فتح قميصة من البداية خالة كلتلة يُمة صلي على نبيك شبيك كول يالله.
وصلنا بطلعان الروح هنا اشتغل عندي الثول نزل قبلي عود ينزلني ،، عثرت همزين لماني بحُضنة جان صرت مضحكة
_الله الله بوية شبيج ليش ترجفي ؟
_دمعت وكتلة خايفة لايرمون بعد( جذب اني خايفة من الساعة السودة والمصايب الي لاح تصير وياي).
_بوية لا تبرطمين شفايفج، محد طيح صُبغي غيرهن.
_يُمة شصار بية انثولت اكثر.. نقذتني هُدى من اجتي وكالت
:يلا فطوم خلِ نصعد ،،هوى ضل جوة عود جماعتة يزفوا وهُدى اخذت المفتاح مال عرفة وصعدنا
فتت لكيتها معلگة السيت هيَ وويانا ضُحى
_هُدى؛ يلا طمطم تعالي نبدل .
اخذتني للحمام غسلن جسمي بس ماخربن التسريحة ولبسني السيت الابيض اشو هذنِ طلعن
:تعالن يولي والمكياج ؟
هُدى : يولي خلي حلو.
-لا عفية وجهي اختنك تعالي نمسحة .
خطية هم ما كالت شي مسحت عيوني وغسلتي وجهي ورجعت خلتلي حمرة ورسمت عيني بل كُحل بدى عندي الخوف ضُحى كالت:
فاطمة حبيبتي لتخافين حسين يحبج خوش.
_ضُحى لاح اموت ولج كُلش خايفة .
هُدى: اصلا تتعايرن اني رحمٰن هوى خاف مني وكلي على كيفج وياي بس انتن عيارات وربي.
اتذكر من تم كل شي اني كتلة مبروك واني بست راسة مو هوى وشكد جنت فرفوشة وما شلع كلبي خطية يسمع الكلمة .
_ضلت هُدى تحشش نستني كل شي هل انسانة احبها كُلش
شويةوسمعت احممم حممم بـٰاب الغرفة يبس دمي هذن كُبل كالن يلا مع السلامة
فات للغرفة نازع الرباط وقميصة نُصه مفتوح ابتسم من شافني هيج وكال
...........
حرفياً هذا البارت اكتبه واني مبتسمة من الفرح يمكن هذا اجمل بارت اكتبه.
"ها كُل يوم حُبكم يزيد في قلبي احبكُم ."
مُشاهدة مُمتِعة😻🦋..
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
