.........بقلمي (ريمي)..........
كعدت الصُبح على بوسات على خدي
_صباح الخير ياخيري.
_صباح النور.
_عيونج ؟
_شبيها!
_بهذلن حالي .
_ابتسمت بوجهة كُبل طُبع بوسة على خدي وكال :
بوية خدود لو كيمر السدة؟
_شكد قديم انتَ؟
_ضحك بصوت عالي وكام من الجرباية توجه للموبايل مالته ..ضل يكلب بيه شوي وتوجهة للمراية كان عليها مثل الضوة بس بي سماعة فتح البلوتوث و شغل اغنية لحد الان حافظة اسمهة بدت اللحن مالتهة هم صــار يهز كتف عل خفيف وكال وي المُطرب
_انتِ عُمري وانتِ روحي وانتِ كلبي وكل غرامي
يا غرامي بس الك يُبقى اهتمامي
ياا غرامي انتَ من تصير يمي اسكت وانسى كلامي
تقدم للجرباية وكال:
يا غرامي انتَ بايك كلبي مني حيل احبك يل حرامي
_ قاطعتة وكلت
يااااا اني حرامي ..وبرطمت شفايفي كُبل اجة طُبع بوسة عليهم وكال:
اتخبل على هل حركة يول.
_شكول شحجي سحت ماضل بية قطرة دم
اخذني بحُضنة وخلى راسي على صدرة وصلت الاغنية لمقطع
كال:
_يا حلالي تبقى وحدك عندي غالي
يا حلالي غير صاير بيك مُدمن مَددّ ونايم بِبالي
لككك ياحلالي الياخذك مني اموتة تُبقى طول العمُر مالي
فاطمة: كان صوته قريب مني كُلش حلو بي بحة تخبل
شددّ ايدنة على ايدي وكال هذا المقطع بل اغنية
رفعت راسي على وجهة صافن بل سماء مال غرفة باوع علية وكال:
يول نزلي عيونج شليتي حال حالي
كمل كلامة وكال:
اني تالي عُمري اسمع اغاني يول شسويتي بحالي.
تريكنا ورجعنا لبيت اهلة كل شوي بايس ايدي بل سيارة يعيط ويكول فرحان يفطمتي فرحان
-اني مثل الثولة بس اتبسم كل شي ماكول وصلنا للبيت وعيوني تضحك اهلة استقبلوني احلى استقبال فعلاً جانوا الي اهل رُسل وهيام استلمني ايييي فاطمة شصار اييي خبصني الايام السبعة الاولى كانت احلى ايام بس كانت غصتي على اهلي
_بيوم من هاي الايام كعدت الصُبح على حسين وهوَ يفتح التليفزيون
_صباح الخير
_صباح الحُب يحُبي.
_ابتسمت بس ضايجة.
_اجى يمي واخذني لحُضنة كُبل بجيت.
_شبيج لا لا ليش البجي باعليلي فاطمة احد حجة وياج شي بيج شي ؟
ولج بوية احجي وياج كافي بجي.
_حسين اشتاقيت لاهلي.
_ سودة عليه يابوية هو باعيلي باجر اخذج الهم ها متفقين ؟
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
