بقلمي (ريمي)..
حسين بعياط: صوتججج لج صوتج لا تعلي وتخيليني اتصرف وياج غير تصرف .
_هاي اول مرى يعيط عليه حسين كوة حبست دموعي وطلعت برى الغرفة ما جان اكو مكان غير الحمام ابجي بي رحت دخلت وقفلت الباب عليه ونهديت يجي شعور الغيرة يُكتل اكبر واحد مثل سم الحية يتنشر شوي شوي بل جسم و يأذي حيل شبعت بجي لحد ما اختنكت طلعت لكيته مطفي الضوة ونايم ولا مهتم الي طلعت بطانية ومُخدة ونمت بل كاع على الحصير ضليت ابجي بس بدون صوت اختنكت حيل مدري وين اروح نوب هاي يم رُسل ونجلاء يعني شلون هسة شوي وحسيت عليه اجى - يـَمـيٰ صار بصفي كُلش خلى وجهي بوجهة وكال:
بوية انتِ هم الله يهديج هم رفعتتي صوتج وهل شي مو. حلو مو صح تعرفين شكد اكرة الصوت العالي .
فاطمة: ضميت راسي بصدرة وضليت ابجي رفع راسي وكال
كافي عاد مو لاح تموتين بجي كافي يا بوية
سكتت كام شالني واخذني على الجرباية وصالحني بطريقتك الحلوة.
مرت باقي الايام كُلها حلوة ما فد يوم شكى مني ولا قصر وياي ملازم دروس خصوصية بل سادس وولا حجة على طفل كان يكول كملي دراستج وراهة عود نسوي طفل كام يسهر وياي حتى يراجع الي وبفترة المراجعة وهوَ يوديني للمعهد ويضل ينتظر لحد ما اكمل بهاي الفترة هواي كُبر بعيني
وبأيام الامتحانات هوَ يكعدني يسوي ريوك ويصعدة للغرفة كان سندي بهاي المحنة مال سادس قريت وعميت عيوني حتى بس ارفع راسة.
وفعلا طلعت معدل صح ما دخلني حلمي الطب لكن دخلت قسم تخدير وهل شي فرحةيمشي ويصيح ماضاع تعبي وياج يبعد هلي وناسي وبعد تقريبا شهرين رحت يمة فاطمة:
حسين ؟
جان يگلب بفايل ازرق رفع راسة وكال
:عيون حسين.
_تقربت من عندة وكتلة :
اريد طفل.
_ضحك وكال شوكت ؟
_بكيفك.
_تعاالي هسة لعد صارت ليلة كُلش حلوة
_حاضني كال:
بوية شوكت تبطلي خجل ترى صار هواي وضحك سكت بعدين كال بس لو تعرفي شكد احبج من تخجلي.....
حياتنة نوعاً ما هادئة وحلوة
الى ان يوم من الايام رحت يم اهلي ضايجة العصر هُدى راحت لعمتي مرضية راحت تداريها خابرت صديقتي تعتب دَ تسولف فَ كالت ليش ماتجيني اني كنت ضايجة كبل خابرت حسين كتلة خطية ما عارض كال روحي والله ورحت يمهة تونست كان يمهم خطار بنات فَ تحمست احجي الهم قُصتي بديت اسولف الهم وفرحانة وكل شوي يكرصني لان خدودي تصير حُمر فَ شفت وحدة ضاربة صفنة رحت يمها كلتلها مريمة بيش جاي تفكرين كالت كومي وياي للمطبخ وبدت مريم تحجي الي عن تطبيق الواتباد بصراحة بديت اقرة بي بس ماعجبني محبيته رجعت للبيت واني احب اسولف بشكل على الرغم هي اصغر مني بس احبها
_بيوم من الايام واكفة اشتغل بل مطبخ واكفين يسوون سمج خالة تنظف بل سمج كبالي بس اني مدري شمالي لعبت روحي كوة تحملت المنظر تكررت هواي الحالة الى ان خالة سألتني وكالت:
يُمة حالتج مو طبيعية اخاف حامل ،
_بعد عيني خالة اكيف اني صار ٣سنوات متزوجة وما صــٰۨار عندي حمل اول سنيتين احنا ما جنى مقررين حسين كال دراستج اهم وسنة كاملة انتظر اني وماكو وفعلاً العصر طلعن هيام ورُسل جابلي تحليل بيتي مال حمل وصار خطين بل جهاز بوكتها كمت اكمز بل حمام وكعت على وجهي مثل الثولة بس مع هذا طلعت مُنتصرة واضحك وفرحانة لان حامل هيام كالت حسين انتِ كولي الى بعد ما نحلل اجى بليل كتلة حسين باجر هيام تروح للسوك عادي اروح وياها؟
_ياسوك وغمز ؟
_حسين بطل هاي سوالفك .
_ضحك وكال بشرط.
_وهوَ؟
_غمز وكال نسوي حرب عالمية.
-شبيك شتحجي انتَ؟
بدون اي مقدمات اخذني للجرباية بشرفي صاير فد مُنحرف لو باقي ذاك الي يستحي احسن بس مع هذا احبة بكل حالاتة
رحنا ثاني يوم العصر المستشفيات لعبان نفس ريتني مرايحة ريحة تُكتل وفد مرى ذبيت من راسي هاي اول مرى تصير وياي فتت حللت والحمد لله طلعت حامل هيام كامت تركص بل شارع من الفرح
حايرة بليل وحسين ماكو اريد فكرة حلوة وجديدة حتى اكول الى اني حامل انسطرت اخر شي كلت خلي اكول وشيصير خلِ يصير فعلاً اجى بليل فات شافني صافنة كال :
شبي صافن ابو عيون .
_ابو عيون في بيبي بطنة.
صفن وعكد جواجبة وكال:
شنو؟
_انتَ سويت طفل ببطن الماما وماما لاح يطيح حظها من ورى انتَ .
ضل صافن شوي وكال :
فاطمة انتِ حامل ؟
_لا عندي فلاونزة خنازير شبيك حسين وضحكت من كل كلبي .
اباوع عليه افتر بل غرفة لازم راسة ويضحك ضل يفتر بحلول ال١٠ثواني واجى يمي لزم خصري وصفطني على الثلاجة وكال:
يولي احبج احبج اموت بروحج هاي المرحة وحضني فرحان لساعة كلت حسين تخبل صفن بوجهي وكام يطبع بوسات عشوائية على وجهي فرحان كال
:المُحامي حسين الثكيل الي ميتحاجةصار خفيف من وراج.
صــار عندي ولد سميته علي بطلب من حسين وابوية وعمو هم راد هذا الاسم بس اني وخالة كُنة رايدين مهدي بس مقبلوا .
الى هُنا وانهي قُصة حُبي وي حسين ومشواري صحيح هاي مو نهاية حياتنا لكن مريم حبت تختم القُصة بسعادة لان احنا العراقيين ما ناقصنا هموم على الرغم من انو عشنا هواي فرح لكن ماكو حياة خالية من الحزن لكن حبيت اذكر اجمل اللحظات بحياتي
كل يوم اقرة تعليقاتكم وتفاعلكم على القُصة على الرغم هواي تحجون على حسين بس مع هذا كل حُب الكُم وطبعاً ماانسى مريمي الي هواي أبدعت بل قُصة على الرغم من ظروفها ماقصرت لا وياي ولا وياكم
::::::::::::::::::::::::::::::::::::::::::::::::
هاي نهاية قُصة دولاب الخبايا كُنت افرح مع فرحهم واحزن مع حزنهم كانت اول قُصة الي واجمل قُصة حرفيا كل بارت اكتبه الابتسامة معتليه وجهي كُل الحُب لفاطمة الي كانت انسانة لطيفة خفيفة على قلب من يتعرف عليهة وكل الود والاحترام للاُستاذ حسين الي وافق بِنَشر القُصة على هل برنامج الجميل شكراً لهُدى الي كانت شي جدا لطيف بل قُصة شكرا لكل كلمة وتحفيز منكُم الي يا اجمل بنوتات لاح اشتاق لكلامكُم الجميل وي كُل بارت ادعولي بل توفيق والنجاح
:ألتقي بيكُم بِقُصة جديدة :
دُمتُم في أمان الله احبابي..
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
