_ اجة اليوم المُنتظر من بعد سهرة وي بنات عمامي وعماتي هلسني تهلس وماكو ٲي حل الى الشيرة طلعت روحي الف مرى علما كملني كعدت الصُبح على صوت امي وهيَ تكول كومي فاطمة يُمة خل اسبحج
كعدت افرك عيوني من النعاس عبالي تتشاقة
صدك تحجين؟
نوال: اشاقة وياج لعد تحركي يلا ما ضل وكت كمت تريكت واني ببالي امي جاي تتشاقة وياي حتى اكوم اسبح فعلاً اول ما مكلت ريوك اجتني شايلة المنشفة والليفة مالتي وكالت
:يلا يُمة كومي ماضل وكت .
فاطمة: يُمة يم الغيرة على بختج اني اسبح والله استحي.
نوال: كومي فاطمة جزعيتيني.
_كمت وياها فتت للحمام لو ساعة السودة جلفتني جلفة تكول عبالك دَ تجلفح بحايط مليان دهن واني كل شوي عيوني تدمع من الخجل اخر مرة سبحتني كُنت بل رابع ابتدائي .
_يوم جسمي ياذيني كام لخاطر الله على كيفج.
ماكو رد ضلت ساكتة
يُمة مو احاجيج
هم ساكتة رفعت وجهة عيونها حمر دم وكعت اول دمعة على خدها .
_شبيج يُمة شبيج عادي اجلفيني بعد ما اعاند والله بس لا تبجين وحضنتها كامت تشهك من البچي كعدت على الدچة مال حمام خيلت خاولي على روحي ورحت يمها
.حضنتها وكتلها ماما حبيبتي شبيج منو وياج ؟
_بجت وكالت :
ولج يُمة فراكج مو هين عليه مدري شلون انام اليوم.
_بدت دموعي تنزل واني اتذكر ان اليوم اخر يوم الي هنا البنات حرفيا نسوني البارحة من الضحك والسوالف شبعت قهر من شافتني هيج حضنتني كل قوتها وكالت :
بنيتي شكد قهرتج اخر ايام اعذريني بس خايفة عليج ردتج تستقرين حتى اموت واني مرتاحة يبعد روح امج وحق علي ابن ابي طالب انتِ اعز وحدة لكلبي انتِ تچايتي وعكازتي وضحكة البيت وروحة المرحة ولج مدري شلون اليوم تُغفة عيني بليل .
فاطمة: احس الكلام تبخر مني بس دموعي مجاي تتبخر بجيت واني بحُضنها، لملت روحي كوة وحجيت
..اُمي يروحي و نبض گلبي وربي احبج ادري بيج شنو تحسين بس اني يمج بكُل وكت كُل ما اشتاگ الج اجي حسين ميقصر بس فدوة كافي مو شككتي گلبي .
ضلت حاضنتني وتبجي بصوت عالي لحد ما تعبت وطلعت .
طلعت بدن البنات خواتي وهُدى وبنات عمتي وعمامي بل غدة والبيت اني صعدت بدلت ونزلت بس اسولف واكُلهم ،،يلا يلا اشتغلوا عَدل اني اليوم عروس مُدللة ..وهُدى كل شوية جرت الي زيج تغار مني ههههه.
عزمنة بس الكرايب الي يمنة بل مُحافظة على غدة كانوا مو هواي يمكن فقط٣ عوائل تغدينا وكملنا بقت المواعين خطية تكفلت بيهم اختي ضُحى لان عدها اطفال
كالت اني هنا امكيج الي وللبنات انت اخذي هُدى ﯠ دُعاء وروحي
صارت ب١ ونص الضُهر اجتي اُمي كالت يلا يُمة كومي بدلي هُدى ودُعاء اجنِ وياي الطريق كُلة هُدى تكول عيني اني لاح اطلع احلى وحدة بيكُم يُفضل انو متخلون شي لان هيج هيج اني حَ اطلعكُم كلكُم كسر.
نوال: حتى اني ولج؟
هُدى : لا لا عمة انتِ الخير والبركة انتِ السحن والجمال كُلو.
فاطمة ودُعاء: شكدددد لوكية.
وصلنا محد جان قبلي كُبل بدت بيه سوتلي بل بداية عناية للبشرة كريمات مُرطبات سوتلي فيكة حلوة بحواجبي هواي يلا خلصت كُلش تعبت اني جيت انام على روحي من التعب كملت كالت :
حبيبتي ارتاحي ونفوت نلبس البدلة البنات أشتغلت الهن غير وحدة بس هاي الي اشتغلت الي امي طُلبت منها هيَ تسوي الها المكياج هُدى كان مكياجها حلو وفُستانها لون اصفر متسورة وطبعاً حجاب بس ودُعاء كانت عيونها خضر طلعت تموت كلش حلوة اما امُي فَ هذا ست الحِسن كانت گُمر اول ما خلصت لاُمي كالت:
يلا تعالي اللبسج البدلة حتى نرتب الحجاب قبل متطلعي
كمت وياها البدلة كانت كُلش حلوى من اختيار امي وام حسين كانت ردن بس الردن كُلش جميل الصدر كان مكشوف بس فوكاه شيفون يستر علية ،،ونفشتها طبيعية حلوة مو اوفر لبست وطلعت يم البنات.
هُدى: يولي ذاك اليوم جنا نتعارك شوكت كُبرتي
_دمعت عيونها وهيَ تحجي رفعت عيونها ليفوك تقاوم دمع عينها كالت:
يولي متسوين اخرب مكياجي عليج..
_ حضنتني بجيت ما تحملت كوة ستنكوني على مود المكياج ورى شوية خابر رحمٰن كال جاي اخذكم تحظروا.
لبستني الحُجاب كأن كلش حلو متوقعت هيج يطلع حلو
نوال: اللهم صلي على محمد وال محمد.
دُعاء: الحيوانة طلعتنة كسر.
هُدى اكتفت بل ابتسامة بوجهي محجت شي ادري بيها مقهورة لان لاح اعوفها تعودت عليها وهيَ كذلك
شوية واجى رحمٰن اول ما طلعت الى هلهل
:عمي شهل جمال مو لاح ينجلط هل حسين.
_بالغت هواي يول .
-صعدنا والطريق كلة ساكتين رحمن كُلش ضايج حتى ما اتحارش بهُدى وتغازل بيها مثل عادتة ولا هيَ حجت شي وصلنا للقاعة كانت سيارات هواي كبالها وكانت سيارة حسين من ضُمنهن كلبي وكف من الخوف مدري شبيه
نزلت هوَ ماكو صعدنا فوك للغرفة كانت واكفة بنت كالت:
حبيبي انتظري هنا حتى تفوتي.
_ليش وحسين وين مو لازم نفوت سوية ؟
البنت:لا حبيبي هسة انتِ شعليج خليها علية ...
_ما ارتاحيت للبنت ولا حبيتها يعني حسين اكيد حجة وياها وشافهة اهوو روحي طكت وهيَ هواي حلوة فارت روحي من الغيرة .........
*******************************
احبكُم من اعماق قلبي
.مُشاهدة مُمتِعة 🦋♥️..
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
