_ فاطمة:رجعت للبيت واني ما مامصدكة فات رحمن بنُص النسوان وكال:
اكلكم وين فاطمة شنو نسيتوها هناك ؟
هُدى: يا رحمن مو هاي كبالك!
رحمن:جذاااابة هاي فطيمة ام شورارب شو تعالي وين شواربج يولي ؟
فاطمة: حفيتهم صاروا بعد ميفيدن شواربكم مكفيات ودرت وجهي ضايجة من عندة.
رحمن: يُمة كبرت حبيبة اخوها وصارت عروس وتخلي مكياج ولج تعالي فرحان بيج بكد السمة.
فاطمة: حضني وباس راسي وراح اباوع على هُدى شايطة من الغيرة لان كامن النسوان يحجن على رحمن عشتووو تغار الخايسة.
_ورى شوية صارت هوسة برى عرفت اجوي يماي كلبي كام يدُك بكُل سرعته احس خدر من الخجل بدوا اهلة يفوتون جانوا كلهم حلوين بناتهم يخبلن اجتي يمي بنوتة بكدي يمكن وكالت
:هلاو فطوم اني غُسل(رُسل)اخت حسين .
فاطمة؛ فدوة كزكزت عليها عدها لدغة باوستها وشوي واجت وحدة ثانية هم باوستني وكالت:
اني نجلاء اخت حسين الوسط وابتسمت من ورى خشمها.
بدوا العالم يتعرفون عليه بدن البنات بل ردح هواي حاولن وياي بس اني من زمان حتى واني وحدي استحي اركُص نوب كومة عالم شوية وكالو يلا وين العروس خلِ يعقد الهم الشيخ مزعل عندة شُغل
_هنا صارت صدك كلبي كام يوجعني ..اخذتني هُدى من ايدي وكعدت بباب الصالة بدى الشيخ يحجي وهوة يردد وراه واني هم لحد ماتم العقد الحمد لله انتظرت يفوت يلبسني الحلقة لكن امة كالت صارت النى شغلة لازم نروح صدك هنا كسر خاطري .. كُبل صعدت للغرفة نمت مرت ايام وهوَ ماكو ولا حتى اهلة
فارشة كُتبي احضر للخامس اعدادي فاتت عليه هُدى كل عادة جنها قرد
_هُدى: ولج فطم هسة ام حسين خابرت على عمة وكالت الهى باجر العصر نجي حسين يريد يشوف فاطمة ويلبسون حلقات .
فاطمة: ٲي عود خوش.
هُدى:فُكيها فطم الرجال لاح يجي بعد كافي عاد .
فاطمة:نزلت وعافتني حرت شنو اللبس ..باجر هم لاح يكسر فرحتي ببرودة ؟ ضليت افكر لحد ماغُفيت كعدت الصبح نشطة بشكل بحيث سويت البيت كلة بساعة بس هُدى ما خلتني بحالي كلُ ساعة جاية
:ايييييي فاطمة النادرة المعدلة الحبابة نظفي نظفي خلِ يشوف النظافة خلِ وتغمز ...
_محجيت شي بس اضحك مثل الثولة صارت ساعة اربعة صعدت لبست تراك جديد ومستور خليت حمرة سحرية وكل عادة هيَ على حلكي هي على خدودي عدلت شعري سويت ظفيرة هندية توني اخلي ريحة اندك الباب كلبي صــٰار طبل من الفرح بس الفرح بس الخجل متت بدمي شوية وصعدتلي
هُدى :يلا عيني كل هل حِسن ومتريدين تنزلي امشي كباااالي .
فاطمة:نزلت وريتني منزلت اباوع عليه صاير كيكة و يخَبُل لابس قميص سمائي وبنطرون قماش نيلي قُربان لهل حِسن ثولني يالكعبة ..
فززني صوت أمة وهيَ تكول :
تعاي فطومة شبيج يُمة خدوج صارت طماطة فوتي بنيتي .
أنت تقرأ
دولاب الخبايا
Romanceفَتاة تعيش قُصة حُب من رجُل رأتهُ مرىٰ واحدَ ماذا سَـيحصُل ؟ ............. اول رواية إلية القُصة قصيرة يُمة والبارتات ايضاً لاح تكون قصيرة أتمنىٰ مِنكُم الدعم وَ قراءة مُمتِعة ..
