Fool game

Chapter -15-

🎮🎮🎮🎮🎮🎮🎮🎮🎮🎮🎮🎮🎮🎮🎮🎮🎮🎮🎮

အားလုံး၏အာမေဋိတ်သံတွေက ခန်းမထဲ ပွတ်ညံသွားသည် ။ ဟုတ်ပါသည် ။ ကျွန်မချစ်သော ကောင်မလေးက Fool ဖြစ်နေသည် ။

သူမ နိုင်သွားခဲ့ပြီ ။  သူမ ချစ်သူအပါအ၀င် အားလုံးကို လှည့်ဖျား၍ အနိုင်ယူခဲ့ပြီ ။ မျက်နှာဖုံးခွါလိုက်သော Jane မျက်နှာပေါ်က Fool အမှတ်တံဆိပ်လဲ တွေ့နေရပြီ ။ ယခုဆိုလျှင် နောက်ဆုံးအချိန်အထိ Fool အဖြစ်အပျက်အတိုင်းအတွက် Jane က စကားတစ်လုံးမျှ ၀င်မတိုက်ခိုက်ဘဲ အနိုင်ရခဲ့ချေပြီ ။

" ကျွန်မ Fool ဖြစ်နေလို့ ရှင်သိပ်အံ့ဩသွားလား Lisa ။ တစ်ကယ်တော့ ကျွန်က ဒီအဖွဲ့အစည်းကြီးရဲ့ Master Fool ရဲ့ချစ်သူပါ ။​ Fool အစစ်က သူပေ့ါ ။​ ကျွန်မရဲ့ နာမည်အရင်းကိုတော့ ရှင်စဉ်းစားရင် သိလာမှာပါ ။​ "

သူ Jane ကို ပါးစပ်အဟောင်းသားဖြင့် ငေးနေမိသည် ။​

" တမင််တကာ မေ့ထားခဲ့တဲ့ အတိတ်ဆိုတာ လူတိုင်းပြန် မမှတ်မိကြပါဘူး ။ ကျွန်မ နားလည်ပါတယ်​။ ဒါပေမယ့် ရှင်ကတော့ မတူဘူး ။​ သတိရမှ ဖြစ်မယ့်လူ ။ ရော့ ဒီမှာ Fool ဆိုတဲ့လူရဲ့ Notes ။ အားလုံးသိချင်နေတဲ့ Fool ကို ရှင်သိနိုင်အောင် ဖတ်ကြည့်ပါ "

Jane ကမ်းပေးနေသည်က ဒိုင်ယာရီစာအုပ်လေး ။​ စာအုပ်ကို ကြည့်လိုက်သည်နှင့် ဤစာအုပ်ပိုင်ရှင်သည်  အတော်ကြီးကျယ်ခန်းနားသော ဓနရှင်တစ်ဦး ဖြစ်မှန်းသေချာနေသည် ။ သူ မဝံ့မရဲဖြင့် စာအုပ်ကို လှမ်း ယူကာ အထဲသို့ လှန်ကြည့်လိုက်လျှင်....... ဖောင်တိန်ဖြင့် ရေးသားထားဟန်ပေါ်သော English စာလုံး ခပ်သော့သော့များကို တွေ့လိုက်ရလေသည် ။

မိဘတွေက သားသမီးတွေကို ရှင်သန်ကြီးပြင်းအောင် မွေးမြူတဲ့အခါမှာ မရှိမဖြစ် ပါ၀င်ရမယ့် အမွေကောင်းလေးတစ်ခုကိုပါ တစ်ခါတည်း မွေးဖွားပေးခဲ့ရင် သိပ်ကောင်းမှာပဲ ။ အဲ့ဒိအရာလား ... စိတ်ဓါတ်ကောင်းပါ ။

🎮🎮🎮🎮🎮🎮🎮🎮🎮🎮🎮🎮🎮🎮🎮🎮

ငါတို့တွေ တစ်ယောက်ချင်းစီမှာ
မွေးရာပါ ဗီဇကိုယ်စီနှင့်
ကြီးပြင်းလာခဲ့ကြ......
ဒါကြောင့် ဒီကမ္ဘာကြီးကို
အားလုံးရဲ့ ငရဲဘုံအဖြစ်
ဖန်တီးခဲ့ကြ........