صار وكت النهوه

بارت الاول

الكاتبه دينا البدر....

كعدت الصبح حياة جديده شعور جديد لاول مره حسيت اني كبرت راح اعيش حياة الجامعه بعد طول انتظار واخيرا جنت اتمنى هاي اللحظه تصير وياي كعدت وجهزت روحي وركض ع سياره وصلني ابوي ودخلت باب الجامعه يالله شكد حلوة ضليت واكفه مغمضه عيني واشتم جو الجامعه حتى الهوه هنا يختلف بعد تعبت نقبلت كلية ادارة ماليه جان

اني اسمي غلا عمري ١٨ جبيره مال ابويه ومدلله مالته مايسميني غير شيخه اي طلب يطلبه مايرفضه اليه وامي اسمها روح تزوجت ابويه من جانت بلجامعه حبها وحبته واخذها جانو امي تسولفلي ع قصتهم شون اجى ابويه خطبها هو وعمامه ورادو يكعدوها يمهم بس ابويه رفض يعيش وياهم وبتعد منهم لان جانت حياتهم عباره عن ضلم بضلم وماراد يبقى وياهم راد يطلع من مجتمعم الي جان يسمي ابويه عشائري صرف عشنا بغداد عندي اخوه صغار ٣ امجد واحمد وعلي
ماجنا نروح ع عمامي ولانعرفهم غير من جنا صغار اخذنا كم مره وشاف عيونهم عليه كامو يردون يحجزوني لولدهم وابويه ماقبل الي ادري بي عندي عمام خمسه وهو السادس جدي شيخ عشيره عدهم مزارع ودوواوين يعني حياتهم تختلف عنا كلش
جانو ابوي يحجيلي مايخلون بناتهم يدرسون ويكول ناس ظلام حيل يزوجون بكيفهم وينهون بكيفهم مافهمت شنو حجيه لان مشايفه هيج شي اني حتى افهم كلام ابوي عمي الجبير جان يجي ع ابوي وافوت اسلم عليه بس احسه مايطيقني يشوفني ما البسه حجاب وفاتحه شعري واطلع يكله لابويه شون عايف بنتك هيج ابوي دائما يكله بنتي محد اله شغل بيها بنتي اني اعرف تصارفتها واخلاقها ماتطلع منها عيبه او تسوي تصرف غلط شوكت ماهي تقتنع وتكلي بابا اريد اتحجب يله البسها حريتها بيدها طبعا مايعجبه عمي هيج كلام لان ماعدهم هيج شي ابوي جان اكثر شي يروحلهم يضل اسبوع ويرجع لان مرات يصيحون لابويه بلكعدات ابوي مايحب هاي شغلات بس يفشل من جدي

دخلت لكليتي اختاريت ستول اليه وكعدت خلصت اول محاضره رحت استنسخت ملازم وكتب كلش فرحانه بحياتي الجديده خلص دوام ورجعت للبيت ومرت فتره لدوامي قرابت الشهرين رجعت مره من دوام لكيت امي وابوي يحجون سلمت عليهم وبستهم

بابا حبيبي شونك

الحمد الله بنتي وانتي شونج وشون دوامج

كلش حلو دوامي والله مرتاحه وعندي صديقات خوش بنات نطلع نكعد بلسنتر ونسولف ونحجي وناكل ونرجع لمحاضراتنا نحلص ونرجع للبيت وصرت وياهم بلخط كلش متونسه

الله يديم الفرحه بعيونج بابا

ماما يله كومي بدلي وساعديني نصب غده

اي ماما كمت

صبينا الاكل وكعدين نتغده ابويه كال بنيتي جدج كال جيبو غلا والولد وتعالو نتعرف عليكم الولد كبرو ومشايفيهم وتعالو فدمره لعرس ابن اخوك راح يزوج اني متردد شتكولون ترحون اني كيفت اشوف الناس الي اسمهم عمامي ماعرف اذكرهم من جنت صغيره اريد اشوف الناس الي يحجي عنهم ابويه الولد كيفو يشيفوهم وامي كالت والله يا ابو امجد اني ممرتاحه للروحه بس بكيفك بعد