صار وكت النهوه

البارت الثامن

محاضرات هواي وحياتي رجعت وطلعاتي ويا صديقاتي وكعداتنا بس جنت كلما اطلع اتذكر المصطبات الي جان ينتظرني عليها ذياب تذكرت الاحرف الي حفرها عليهن رحت عليهن كعدت تلمست حرفه شكد بذاك الوكت جنت احبه كمت منها ماريد اتذكر خلاص ذياب ماضي....
جنت اداوم احس احد يشبه ذياب يخطف معقوله هوو لا مستحيل لا اصلا دوامه هو بلبصره تحول كافي ذياب طلعي من حياتج خلاص اصلا من يذكرون اسمي يكلهم لاتذكرون اسمها كبالي خلاص غلا خليج ناسيه وعايشه ساره كامت ماتحجيلي كلشي مجرد سلام وعادي واني هم ماحب اسالها جان اكو ولد دائما يباوع عليه اكول بروحي هذا شديحس من كل عقله راح اباوع عليه وكلما افوت الكا صافن بوجهي نتبهن عليه نور وريم يكعد بلمكان الي اكعد بي يضل يراقبني ويسمنه المعجب اني اضحك لان ادري اني مستحيل بعد افكر احب او اتزوج او ارتبط فديوم خلاص حياتي دراسه وابدي اشتغل اذا صارت عندي وظيفه
ضل هذا الولد يباوعلي هواي ضل اشهر بس لافديوم شفته تصرف تصرف غلط او حاجاني جنت اتمنة يجي يحجي حتى اكله اني مطلقه وينهزم وبعد مايباوع ولا يتأمل
مره احنا بالامتحان وجان اشوفه دخل ويا الدكتور ووكف علينا

ولا عبالك هذا الي جان يراقبني ولا باوع عليه ولا عبالك اني موجوده كلت يجوظ سال وعرف اني ملطقه يله همزين خلصت منه سلمت الورقه اله وماباوع بوجهي اني بقلبي فرحانه خلصت منه ومن نور وريم لان يسالني عليه رجعت كعدت بلسنتر وره ساعه كعد كبالي وباوعلي رجع لطبيعته ياخذ نظرات

اهووو ياربي ماصدكت خلصت منه شنو يعني كبال الطلاب شوفوني اني ماباوع ع بنيه من هو وحده يسوي هيج سوالف بكل برود طلعت ومايهمني خلاص خلصت السنه ومتحنت باخر يوم كاعده انتظر السايق يجي ياخذني كعد يمي شخص باوعت هذا الولد مد اايده سلم عليه

مرحبا اني عماد.... ست غلا تشرفت بمعرفتج لاتقاطعيني خليني اخلص كلامي لان اتوتر كلش

غلا.... ضليت صافنه وهذا بعده ماد ايده ماسلمت عليه ضليت اباوع ع ايده هو فشل ورجعها... كتله تفضل احجي

عماد... غلا اريد اعترف بشي اني احبج ومراقبج السنه كامله وصراحه اخلاقج عجبتني هدوئج تصرفاتج عدم اختلاطج ويا الزملاء كلش حذره ويا صديقاتج بس سالت عليج هواي وستفسرت هواي

غلا... استاذ عماد اني ماريد ارتبط

عماد... اني مو كتلج لاتقاطعيني خليني اخلص

غلا... استاذ اولا اني مطلقه ثانيا اني ماريد ارتبط ..نطيته كلمة مطلقه حتى يسمعها وينهزم ومايعلق روحه بعد

عماد... ادري بيج وادري القصه كلها نور سولفتلي ..

غلا... ؟؟؟؟ شنو نور وزين شوكت حجيتها لنور

عماد .... اني ابن عمها

..ضليت مصدومه مافديوم نور كلتلي وجانت تشوفه تسمي المعجب زين ليش ماكلتلي نور هذا ابن عمي اصلا هي طلعت عليه اللقب وتضحك عليه من يباوع