صار وكت النهوه

البارت السابع

الدنيا ضلمت بعيني الانسان الي جنت تعتبره كل حياتك وسند طلع يغدرك بضهرك نزل ذياب وجرها وكتلها لان خربت بيته بس شنو الي يفيد متزوج وعنده ولد يعني هو مخليني يتونس بيه لان حلوة  ويضحك عليه ويغصبني لان بنت عمه لازم اتحمل لا اني ماتحمل

ابجي واملخ بروحي شسويت بروحي اني ليش هيج سويت ضلمة روحي وقشمرت ع نفسي هو يحبني تاليتها ذياب يضحك عليه
تاليتها يكلي تتقبليها لا والله مابقى مو اني الي تتقبل هيج مو اني ااي اصير ضره وحده هيج مو اني الي تصير بدليه لوحده بس شنو الفايده لما تزوججته ياربي حياتي جانت كلها راحه وسعيده ساعة سوده الي جيت بيها للبصره ساعة سوده الي شفت بيها ذياب ونهى عليه
صعدت عمتي تقنعني وصاحو لساره وجنان بس اني مقرره اروح وابجي بحركة كلب

كافي معليكم بيه اني مابقى يم ذياب لحظه بعد تردوني اعيش ويا هاي

جنان... لج والله يكول تزوجتها متعه قبل ماخطب غلا ووطلكتها ماعرف جنت حامل اصلا وبعدنا ممتاكدين اذا ابنه اولا

جنان كافي ليش ماكلي من البدايه اني مزوج ليش ضمها عليه وشنو هسه يريد اكعد وياها ويكلي مرتي غصبا عليج وابني لا جنان لا مستحيل ما اقبل

ابجي بحركة ومحد يفهم حركة كلبي شنو ذياب خاني اي خاني جذب عليه اسمع صوت ابوي جوه ويعيط اخذت جنطتي ونزلت وجنان تبجي تجر بيه ابويه اخذ الجنطه مني وصعدني بلسياره وذياب يصيح اذا طلعتي عتبة الباب انتي طالك ماعندي مره تكسر كلامي فهمتي لو لا وتذكري انتي ناهي عليج اني ابويه كام يصيح

اسمع اكلك ذياب مره ماعندك يمي امشي لمرتك وابنك بنتي ماتنزل ع راسها ضره يله امشي وتمالخ ذياب وابويه والرجال لزمتهم صعدت للسياره مقهوره زواجي مادام غير ٨ اشهر ما لحكت تمر سنه عليه طلعت من الباب اني طليقت ذياب غفيت من البجي الطريق كله وابوي يمسح دموعي وصلت بغداد اووف ياريحة بغداد شتميها وصحيت وابجي طلعت منج عروس رجعت مطلقه من الي احبه وصلت بيتنا وامي تلكتني تحضني وتغلط ع ذياب صعدت غرفتي مثل ماهي ماتغير بيها شي نمت من التعب واني اذكر زواجي ولحظاتي ويا ذياب جنت من البدايه رافضه شجاج قبلتي وضحك عليج ووافقتي وحبيتي فوكاها لو ضاله مصره من البدايه ومازوجتي تاليتها رجعتي نفس الشي مرت اسبوع واسمع صوت سياره اي اعرفها هاي صوت هذا جنت اسمعه واني بغرفتي اعرف حبيبي جاي من دوام باوعت من الشباك اشوف ذياب لبس ملابس العسكريه وبيده ابنه

فات للبيت وصيح غلا نزلي  ابويه تعارك ويا يكله معليك بنتي اطلع من بيتي ماعندك بنيه يمي

ذياب... اني اصلا بعد ماريد بنتك لاخاف عبالك مان عليه بنتك اوكع شعرايه مني توكع ع ١٠ بنات نزلي بنتك اطلقها الي طلعت من بيتي وداست ع كلامي ماصيرلي مره بعد نزللها

غلا... اسمعه يعيط واسمع كلامه مسحت دموعي ونزلت

يله ذياب طلق ....

باوعلي اعرف عيونه اني اقراهن من يباوعلي هيج يعني اني اعلنت الحرب عليج اباوع شايل ابنه مامصدك صاير عندك ولد جبته وياك تريد تشمت بيه ذياب وكفت مثل الي يردون ينطوها حبل المشنقه ويكلولها روحي شنقي روحج

ذياب... انتي طالق طالق طالق ماتصيرلي مره وبعدني ناهي عليج دربالج اسمعج مزوجه اخلي امة محمد تبجي ع حالج

غلا... لفظهن ال٣ كلمات وروحي تطلع ويا كل حرف الانسان الي بنيت احلامي عليه ابن عمي وسند مالتج يفضلج ع غريبه لان خلفتله ولد ويكلي دربالج اسمعج تزوجين ولك شزوج وانت اخذت روحي وياك انت اخذت غلا وطلعت شون تريد اباوع ع غيرك شلو

صعدت ع غرفتي ابجي بي هاي المره بجيتي بهدوء مو غلا الي تخبلت قبل اسبوع وملخت روحها ضليت كل ليله اباوع ع صور اني ويا شون جنا سعيدين شون جان يضحك عليه ويقشمرني بحبه كمت انام واني دموعي ع خدي اكلي قليل

كمت ماحجي ويا احد ابويه يحاول يحاجيني ويعتذرلي لان ذبني بايدهم وضلمني وماكدر ياخذني منهم من البدايه استسلم لابو بس مايكدر يبقون اهله ويبقون الولد محتاجين عمامهم  ابوي قرر ارجع اداوم السنه جايه راح تخلص سنه هاي ويمتحنون واني ع جايه ابلش ثانيه اكملي حلمي اني مامهتمه لكلشي حياتي اعتبرها دمرت بدت نور وريم يجن عليه كل اسبوع شويه يوخرن الضوجه مني من يرحن ترجع عليه ليالي مرت واني ابجي قررو اهلي يدزوني لبيت خالتي بسليمانيه لان ماطلع من غرفتب وماختلط باحد اني ماريد بس ابويه جبرني هناك اروح ضليت شهر بس ابجي يمهم ورجعوني لان ضليت اتوسل بابوي يرجعني لغرفتي ماتحمل بعد اشوف احد شهر كامل ماطلعت ولا شفت احد ع كد الدرب ابجي ع ذياب بده كمت اذكر لحظه بلحظه اني ويا تخابرني جنان تسولف وياي ماتجيب ابد طاريه جنت اتمنى تذكره كبالي

مرت ثلاث اشهر بديت شويه اتعود ع غياب اتقبل حياتي هيج بدونه بس احلم بي هواي ابوي قرر نطلع لبنان سياحه اسبوعيني احنا قبل ماشوف ذياب مقررين وصار الوقت الي نريد وجتي بوقتها ضليت سبوعين يم البحر اصفن رتاحت نفسيتي هوواي تعرفنا ع اصدقاء هناك وكعدنا بشاليهات بس وكت الغروب نكعد كلنا نلتم نباوع ع شمس ونشوي تحسنت وضعيتي كلش بديت ارجع لحياتي اشتري ملابس ومكياج صح بعده بالي بس صار طبيعي الموضوع رجعنا للعراق واني بلطياره قررت ويا نفسي خلاص عوفي الماضي خسرتي وقت من حياتج عوضي خلي حياتج ترجع مثل قبل ارجع لدراستي واحقق احلامي وره شهرين سمعت ذياب مطلكها وماخذ الولد ولكاها عدها علاقات وسوالف حجتلي ساره حسيت روحي نتصرت عليها اخذت حوبتي من ذياب ماتهنيت وولد معلك بركبتك ذياب اتمنى ماتشوف راحه بديت احضر ملابس الدوام وسنه جديده وحياة جديده وبديت دوام من جديد ولكيت نور وريم ورجع كلشي طبيعي طلبوني هواي من ابوي جان يرفض بدون مايكلي مايريد يعيد الماضي وياي

يتبع....