صار وكت النهوه

البارت التاسع

غلااا... نمر ذياب ماعليه بيه اني مو ع ذمته مايخصه حياتي الي ولتخليني اغلط عليه

نمر... خلاص خلاص جنج رشاش بس احد يحركج ماتسكتين كافي يله فوتي يله عاب الوجه طلع ذياب من بيت جدي وصاح ع ابنه رااامي فزيت اني ليش ذياب ليشش حتى اسم ابني اخذته جنت تصيحلي ام رامي تاليتها تاخذه ذيج مانداريت مشيت وفتت ضليت يم بيت عمي لثاني يوم وبيبي زعلت لان مرحت سلمت كلت اسلم وارجع مدام كلهم بلديوان فتت حضنتها وبجيت يمها وبستها وهي تبجي عليه وتمسد ع شالي وجان اسمع صوته فات تقرب يمي

حضرتج زعلانه ماتفوتين الا من ذياب ماموجود لازم كصينا من لحمج ست

عفت ماجاوبته
بيبي اني رايحه اشوفج بعدين ان شاء الله قبل ماروح اجي اودعج بستهاوطلعت

بقلبي لو تموت ذياب مانطيك وجه بعد خلاص حياتي وياك نتهت وانت خلاص ماتت مشاعري تجاهك طلعنا اني والبنات للبستان طبعا ذياب لحكنا ورزلنا شي اكيد لان طالعات محد ويانا هو راكب ع حصان ويعيط وابنه مكعده كباله اني كاعده ع شجره والعب بلموبايل سويت روحي ماسمعه واجى نمر وره كله اني اكعد يمهن معليك روح

حذره مايعوفنا وحدنا وراح للمغرب رجعنا للبيت وضلينا سهرانين بلحديقه كلنا نسولف ونضحك نمر عليه سوالف تموت ضحك  مرات يلحكنا ويضربنا لو يحجيلنا قصص على اهل الكيعان القريبه يمهم ويضحك مرات ع سوالفهم لو يخوفنا بقصص ع اساس هو صايره بي من يطلع للعرب

ثاني اليوم الصبح ركبنا السياره وطلعنا لبغداد وماشفت ذياب بعد ارتاحيت منه ومن خلقته مرت العطله وكلشي ماكو جتي المرحله الثالثه نسيت عماد كلت هذا هسه نسى بس من داومت صدمني لكيته واكف بلقسم مالتي تقرب مني وسلم عليه

عمادد ... شونج غلا شتاقيتلج العطله كلها انتظر يوم يوم حتى يجي دوام واشوفج
غلا.. اهلا استاذ شونك الحمد الله اني زينه

اترخصت منه وصعدت كثرت نظرات عماد اليه هواي وكام وين ماروح اشوفه وكام يجي من يشوف نور يمي واني اغلس اسوي روحي ممهتمه يجيب مرات عصاير اني استحي اخذ اترخص منهم واكوم بحجة محاضره ولو اني نص وقتي محاضرات لان ثالثه وريم ونور مرحله رابعه وملتهيات بلتخرج
مره اني بليل كاعده ودك تلفوني رقم غريب ووصلت رساله منه اني عماد

دزيت رساله لنور ورزلتها لان منطيه رقمي وكلتلي هو جبرني وكلي ارسبج بلماده لان ياخذهم ماده بلرابعه وجبرت ونطيته

دزيتله رساله لاتحاول كافي اني ماريد افهم ماريد اتزوج ولا اريد علاقات وحضرته داومت ثاني يوم ماشفته صراحه ستغربت بي مو من عادته معقوله زعل من الحضر

يله الحمد الله خلي يزعل خلصت شكد فهمته مافهم

ثاني يوم وماكو ضليت ادور عليه بعيوني  ومر ثالث يوم ونفس الشي جتي نور سالتها عليه كالت ماكو صار يومين وسالتني شعجب اسال كتلها تعودت ع مضايقات مالته وبلعكس خلصانه