صار وكت النهوه

البارت السادس

اباوع ع عيونه وضلينا صافنين واحد بوجه الثاني مامصدكين احنا سوه
ذياب... غلا يله كافي صارت ب ١٠ واحنا صافنين امشي ننزل
غلا... فتت سبحت وبدلت ونزلت وااهلاهل تلكتنا وبيبي تحضن بينا ومرت هاي الايام اني وذياب سوالف حب وغرام ويشيلني ويحضني تنظيف طبخ والدوام بعده مابادي بس اصلا ذياب كلي اجليها السنه ونشوف وراها انقلج للبصره ماهتميت لكلشي اهم شي ذياب وياي تزوجت جنان وساره وصرت بلبيت وحدي جانن ماليات عليه الجو وخديجه شاده وياي وتسمعني حجي ومرات تحرض بيبي عليه وذياب واكفلي مرات ومرات ويا اهله كل ساع يميل الكفه اسمع مرات رزايل من جدي لو من ذياب واسكت واني بلشغل فاهيه وعمتي تتخبل لان اضل اشتغل ع راحتي وكامو يلحون وياي ع طفل اخذني فتره ذياب لمزرعه قريبه واخذ البيت منهم واني ويا تونسنا كلش اسبوع كامل وحدنا بدون اي احد لان شافني تكئبت من اجواء البيت ونفتر بلبساتين ونلعب مرات طوبه لو نكعد ع نهر  لو نشوس اسبوع ونسه جان مرت ٣ اشهر وذياب دوامه بغداد ويرجع للبصره وماكو نقل سبوع يمي وسبوع بغداد اشتاقله مرات كلش واريد اشتكيله  بس اكول يعني هو الدوام مكفي نوب سوالف البيت ضلت عمتي تلح ع طفل زين اني شسوي امر الله مو بيدي ماصار عندي وذياب يكلي لاتخلين احد ياثر عليج شوكت مايصير هله بي تزوج صكر وتزوج عمي الصغير وصرنا هواي بلبيت خف عليه الشغل اني وخديجه ولو خديجه كله ويا ابنها لان فهد صار عنده ولد مرت ٧ اشهر ع زواجنا اهلي اشوفهم هم يجوني للبصره ماروح لبغداد ابوي كل شهر يجيبهم من يجي اضل نايمه بحضنه وذياب يغار منه رجعو هم وذياب لبغداد اوووف شكد مشتاقه لبغداد شكد مشتاقه لغرفتي الصغيره والشباك مالتي المطل ع حديقه وبردتي البيضه الي من اكعد الصبح تتحرك من الهوه يله هاهيه اني تزوجت واستقريت حياتي هنا صارت بس جو بغداد مايتعوض زادت سوالف شوكت تحبلين وشوكت يصير عند ذياب ولد رجع ذياب هل مره وجنت مقرره اشوف دكتوره لان الموضوع طلع عن حده ويا اهله كامو يكولون هاي ماوراها خلفه خاصة مرة عمي احمد تحرك عليه اجى ذياب من دوام سلم وفات مو مثل كل مره ذياب الي جان يبوسني ويحضني ويتامل تفاصيل وجهي ذياب راسا نام ومن كعد عصبي ومايحجي وكله يشمر الغراض هذا شبي يا الله ليش هيج صار

صرت اخاف احاجي كلمه ومر الاسبوع واني ماشايفه منه كلمه اجى النقل مالته للبصره كلت يجوز يرتاح بس ذياب زاد خلاص مايهتملي ولا ذاك الحب الجان معقوله ذياب نطفى حبنه بعد مامرت سنه علينا شجاك

اسمع بلديوان حجي ذياب ويا جدي ويكله راح نففضح من وراها وجدي يكله من جبتلي هاي المصيبه ياربي شصاير ذياي شمسوي ومنيه هاي تفضحنا معقوله ذياب خايني لا لا غلا شيلي من راسج هذا رجلج يحبج

لعد شنو شصاير ويا كاموعمامي يجتمعون بلديوان ويطلعون وذياب نسمعه يعيط ويتعارك شصاير كل البيت مايفهم شصار بس الرجال

مره احنا دنطبخ للغده دكت وحده الباب ابد شكلها مو راحه فاتت لبسه عباية راس جان تصيح

ذياب اطلع تعال هاك ابنك اني لهنا وبس لو اجي اعيش وياك لو اسوي عليك دعوه

غلا....ياربي شنو ابنك شنو ذياب هاي منو لك ذياب هاي منو

طبعا ذياب ساكت واجى جرها من ايدها

انتي شسوين هنا فهميني شجابج منو دلاج ع بيت

باع اسمع اكلك اعيش وياك هنا اني وابنج لا والله افضحك بكل مكان واكلهم عايف ابنه ومايريد يعترف بي فهمت لو لا
تاخذ ابنك يله وتسجله باسمك وعندي بيان الولاده وباسمك هم

ذياب شنوو يثبت ابني هذا

لازم تريد افضحك 😏شيخ ذياب استر ع روحك ولاتضل تشكك بيه وكلش زين عندي عقد زواج مال سيد

غلا.... اني اسمع ومصدومه ذياب مزوج؟؟؟؟وعنده ولد نوب عزه العزاني كمت اصرخ وابجي واملخ بروحي واخرمش بوجهي واصيح مزوج عليه ذياب لك مزوج عليه شمقصره وياك اني وشون ماكتلي عليها ليش ضلمتني واخذتني اذا انت متزوج

كمت اصيح لحد ماتخربطت فقدت الوعي فتحت عيني بلصاله ويرشون عليه مي ووهاي المره واكفه تباوع عليه ماعجبها ولزمه ابنها رجعت ابجي واعيط واصرخ واصيح

كلكم ضلمتوني اول واحد انت جدي ضلمتني ويا هءا الخاين الحقير

ذياب يريد يلزمني كمت اصيح وخر مني اخر واحد انت تلزمني وخر لك اتحملت اعوف بغداد لخاطرك واعوف دراستي وحياتي وكلشي يخصني غيرت روحي لخاطرك وحبيتك حتى ارضيك وجيت للبصره ووعشت بتقاليد مو تقاليدي كله حتى تكضي العمر وياك تلي تجازيني تجيبلي وحده ساقطه مدري منين وعندك ولك منها

كمت اخرمش بروحي واملخ بشعري ونزعت الحجاب

مابقى عندك اريد ابويه صيحولي ابويه
لميت غراضي وابجي وصعد ذياب

اذا طلعتي من هذا البيت انتي طالق من هسه وماترجعين ع ذلمتي

مابقى عندك لو تموت خلي تفيدك ام شوارع الي ملفيها

كام وهد عليه ضربني ويكفخ بيه واني اعيط نهاريت

خلاص تريد تكتلني اكتلني شتريد سوي سوي مابقى عندك لو تموتني اني خابرت ابويه وجاي بلطريق

اني حجيت كلمتي المره الي تطلع من بيتي ماترجع غصبا ماعليج هذا ابني تتقبلي ومرتي وتعيش هنا هم وتسكتين

لااااا مو اني الي ينداس ع راسها بعد وتسكت خليك يم مرتك اني رايحه وماتشوف شعره من حاجبي بعد

يتبع.....