صار وكت النهوه

البارت الثاني

لاتنسون تصوتون

غلا ....فكرت بكلام ساره يمكن اني اكثر وحده محضوضه بهذا المكان لجان حياتي مثلهم طبخ تنظيف غسل خطار صار وقت الغده وكلها التمت واني اكل خفيف وبهدوء ومنزله راسي اجتي ام ذياب كعدت
شونج خيه شون صحتج سلمت ع امي يا يمه هاي بنيتج شو رفعي راسج ولج يمه انتي تكليله للبدر وخر واني اكعد بمجانك شهل الجمال هذا ام امجد شكد حلوة صاير غلا

ام امجد .... هههههه حبيبتي ام ذياب تسلميلي هذا من ذوقج غاليه

بيبي... جا بنت سالم شون مجان غير طالعه حليوه عليه

غلا... طبعا سالم تقصد ع ابويه اي اني غلا سالم عزوتي ورفعة راسي ابويه حسيت روحي كاعده ملكه بينهم بسببه مدلله وتحجي بنت سالم شونها وكبرانه وكلها تكول هنيالها ماخذه حريتها اووويلي بابه الله يحفظك اليه

ام امجد ... شونهم الولد ام ذياب زوجتيهم لو لا.

ام ذياب... والله ياخيه ذياب مايقبل يزوج يكول مو هسه محد فاتت كلبي من بنات عمامي واخذها ولا عاجبني اخذ غريبه وفهد خطبناله بنت احمد الجبيره خديجه وصكر يريد اختها يريد فاطمه بس قرينا فاتحتهم بعدنا ماخطبين

غلا...باوعت ع ساره تضحك وخجلانه يبوو هاي واكعه بلحب ويا صكر 😅خطيه مكيفه

ام ذياب ... جا شوكت زوجين الولد خيه
ام امجد ....هههه والله ام ذياب بعدهم صغار ذوله شمعرفهم بلزواج بعدهم لحد الان معتمدين ع ابوهم خلي يفوتون كليات والله كريم ذاك الوكت اذا حبو ورادو من جامعه نخطبلهم

ام ذياب ... والحلوه مامخطوبه قصدها ع غلا😉وتغمز

ام امجد ... هههه لا والله خلي تخلص جامعه والله كريم ذاك الوكت ابوها يفكر ينطيها يكول بعدها صغيره ماتعرف تلزم بيت

ام ذياب.... يا صخام مره شكبرها مو البنات بكدها راح يزوجون واصغر منها لا تفتح بيت وتعرف نطوها مجال لاسدوها فدمره بوجه البنيه

ام امجد.... هههه ان شاء الله من يجي نصيبها

غلا... امي سدت الموضوع حسيت امي تغير شكلها وكامت عيونها يلمعن امي حست اكو شي راح يصير من هاي الجيه اني ضليت ويا ابنات شلنا الغده ونضحك ونشاقه اني وساره وجنان وذيجن يباعن عليه بغيره وحقد ماهتميت عفتهن
مر اليوم حلو ومتونسين ورجع بابا من ديوان والولد ضلو يم الولد بره كلها ملتمه ولد عمي وولد عماتي هم اجني كومه غدهن ولد وبنات يعني هم وحدهم صايرين عشيره واقاربهم جوي يعني ولد عم بابا وولد ولدهم هم كلها تلتم بليل الشباب يضلون يسلفون

ساره... غلا امشي نطلع للحديقه تعاي ..

غلا... يله امشي يله جنان تعاي ويانا طلعنا بره اني متونسه كلش وفرحانه شفت اهلي شكد حلوو الجو وشكد جان هوه حلو كعدما ع مرجوحه وفاتو الولد كلهم وذياب فات وسلم واجى ع اتجاهنا وهو يباوعلي مانزل عينه عيني واني صافنه هذا شبي