فصليتي بغداديه

البارت السابع

سمعنه صريخ فوگ گبل احنه گمنه ركضنه صعدنه فوگ
صعدنه وجان اشوف سند نايم فوگ نيرمين ويضرب بيها

وهي تصرخ نلزمه ويرجع عليها يضربها نريد نفهم شكو ماندري
عاد انوب وهو ديضرب بيها وصاحت بي الجده

الجده بصيااح::ولكك سنددد شنهييي هااااي تاليتها تضرب اخيتك

سند بعصبيه::جده انتييي ما تعرفين هيي شمصخمه ولكممم هايه عاررر

الجده::هسه گول شنهي مسويه البت

سند وهو يمسح بوجه::استغفرالله ياالله هايه العارر مسويه مكسوره ويااا اخو شام النذلللل

الكل:شنوووووووو

شام وهي مدمعه::لااا لا مستحيل واحد من اخواني هيج يسوي مستحيللل منوو منهم گلي يوسف لاا يوسف مزوج وعنده مرته يمان لاا مستحيل يسويها

سند::ايي هووو اخوج يمااان العاررر النذلللل اخوووج سوه المكسوره وياا اختيي تعرفينننن يعنييي شنوووو

من گال يمان مااعرف شصار بيه حيلي انهد ورجليه ميحملني وگعت بالگاع ولزمتني ريهام ونسرين وضليت ابجي

شام ببجي::لااا يماان ما يسوي هيج لاا هئ هئ هئ

ضليت اعيط والطم على وجهي هذا اخوي الي جنت احارب الدنيا كلها علموده تالتيها هيج يسوي لاا يا ربيي لاا

گمت رحت على نيرمين شفتها تبجي لزمتها من ايدها واني ابجي وهي تبجي

شام ببجي::نيرمينن ولجج گليلي يماان هو الي سوه هيج بيج هاا احجيي گولي لا تخافين

نيرمين بخوف وبجي::ااااا ايي هوو الي سوه هيج بيه اغتصبنيي والله اني ماالي ذنب والله لا تفهموني غلط بس هذا الشي صار مو بارادتي

ام سند:ولججج يمه تاليتها اخوو الفصليه هيجج يسوي ابتي يماااااا

اجه سند دفعني وگعت بالگاع ورجع ضرب نيرمين رحت وگفت گدامه وگتله...

شام::الله يخليك لاا تضربها هي مالها علاقه اخووي هو الي سوه هيج والله اخوي

سند بصيااح وعصبيه::شااااام وخررري لاا اضربج وياها وخريييي

شام وهي تبجي::اضربنيي انييي لاا تضربهاا هيه الله يخليك

نيرمين::لااا شاام وخري خلي يضربني وخرييي

جرني من ايدي حيييل واني لازمه ايدي اگله عوفني ميقبل ويصيح امشيي اني خفت گلت لا يسوي شي بيه

والبنات يصيحن والجده تصيح عوفها بس هو ولا هامه

جرني للغرفه واني اسحل بنفسي سحل مااريد افوت للغرفه
دخلني للغرفه وسد الباب وقفله

اني هنا دم ما بقه بجسمي خفت كللش منه عيونه صايرات حمرر وجه احمر وشراينه طالعات هلگد ما صاير عصبي