فصليتي بغداديه

البارت الثالث

#جابوها دفع للدار لا ديرم ولا حنه ولا صفگه...

#ولا دف النعر بالسلف لا هلهوله لا ملگه...
#نشدت الناس عن قصه هالبنيه..

#عجب جارو عليها بغير حنيه 😢
#ورديت بگلب حزنان من گالولي فصليه 💔
___________________________________________________
شام:حسيت على واحد جر ايدي وكفخني على وجهي بس شنو من كفخه خلت حتى خشمي ينزف

ام حمزه بصياح:لجججج الله لاااا ينطيكم اخذتووو ابنيي منييي ولكمممم

ام سند:ام حمزه خيه اهدددي لاا تصيرين عصبيه

ام حمزه:ولججج خيه شلون اهدي وابنيييي جووووه الترررااااب

ورجعت عليه لزمتني من ايدي وكفخ على راسي بس اريد اگوم مااگدر ايدها شگد ثگيله خرب يومها ضربتني على وجهي وخشمي گام ينزف

اني ضليت اصيح بس محد معبرني وعادي عبالك حيوان جاي ينضرب مو انسان واكفات يباوعن ولا جنهن شوي واجتي بنيه هيج حلوه وضلت تصيح على هاي المره الي ضربتني..

ريهام:يمااا شبيج عوفيي البنيه راح تمووت

ام حمزه:ولججج ريهاممم الي كتلت اخوووج وجايه تدافعين عنهااا

ريهام:يمه البنيه مالها ذنب ابن عمها هو الي كتل اخوي وهذا قضاء وقدر

ام حمزه:لجج تسكتين لا احطج وياها واكتلج

ريهام:گومي حبيبتي گومي

اجتي هاي البنيه وطلعت بنتها واجتي حجت وياها وهذيج بس تصيح ولا جنه ابنها الميت انوب تگلها هاي كتلت اخوج اني شكوو شعليه استغفرالله ربييي

اجتي گومتني من الگاع واني خاله ايدي على خشمي وايدي انترست دم
اخذتني للمطبخ مالهم
يخبلل فتنه جوه شنو الكاونتر الي خالي شنو الثلاليج والطباخ والسنك
والحايط كله سيراميك هو والگاع....

المهم شافتني البنيه خشمي ينزف راحت وجابتلي كلنكس وفص مال ثلج
اخذته وخليته على خشمي

ريهام:حبيبتي والله اسفه على هذا التصرف الي تصرفته وياج امي

شام:لا گلبي عادي يجوز لان ابنها ميت وهيج سوت لان محروگ گلبها

ريهام:لا حبيبتي بس هم هو اخوي وهم اني محروگ گلبي عليه بس هي امي اول مسمعت راح يجبون فصليه گبل جابتني واجت لبيت عمي
صدگ نسيت اسئلج انتي شنو اسمج وشگد عمرج وتشتغلين لاا??

شام:اسمي شام وعمري 24 واشتغل بشركه مال سياحه. وانتي شنو اسمج

ريهام:الله اسمج حلو والعمر كله يارب

شام:تسلمين حبي

ريهام:اني اسمي ريهام وعمري 22 وما كملت مدرسه وصلت للصف الثالث متوسط وبطلت ابوي واخوي مجانوا يقبلون بس حمزه الله يرحمه جان مساندني بكلشي الله يرحمه