فصليتي بغداديه

البارت الرابع

خله ايده على حلگي وحصرني على الحايط
واني گلبي يدگ ضليت مغمضه عيوني ولا فتحتهن

سند بصوت حااد:افتحي عيونجج

شام:سندد

سند:گووولي الشيخ سند مو اخوج الصغير اني

شام:اسفه شيخ سند

سند:شعنددج واكفه برااا وشعرج طالع هاا

شام بخوف:ووو والله جنت اذب الزبل وماادري شالي واگع

جرني من ايدي وگال..

سند:مرره ثانيه خلي اشوفج طالعه براا وحجابج واگع حسبي الله ما خلقج فهمتتتي

شام:مااشي

سند:مااشي شنووو گولي صار

شام بخوف:صارر شيخ

عافني وراح اووي شگد مكروه هاي بعدني اول يوم وهيج يحجي وياي لعد لو اضل سنه شيسوي بيه يكتلني خلاص اووف يا شام اووف حضري نفسج للضيم والقهر

قبل لا اطلع من المطبخ عدلت شالي لفيته عدل وطلعت وطبعا النسوان نصهن راحن بقوا كم وحده وطبعا باجر اخر يوم للفاتحه مسويها بس يومين

طلعت من المطبخ وگبل صعدت للغرفه وسديت الباب
نزعت شالي ورحت طلعتلي دشداشه قصيره لونها اسود وبيها خيوط ناعمات من جوه

دخلت للحمام سبحت وطلعت ونشفت شعري وخليته مفتوح شعلت المكيف وطفيت الاضويه وتمددت على الجربايه طلعت تليفوني گلبت بي شوي وطفيته ولفيت راسي ونمت...

سند:بعد ما شفت الفصليه برا وجان شالها مفتوح واگع واني عيوني صارن بگصتي جانت تذب الزبل طبت للمطبخ واني رحت وراها جريتها من ايدها ودخلتها للمطبخ وحجيت وياها بس شنو خرب يومها شگد حلوه بيضه على حنطاويه وشفتها ورديه وانوب لابسه فستان اسود
طالعه تطگ بالگاع المهم حجيت وياها ورزلتها وانوب هي خافت ودمعن عيونها انوب من حجت عبالك جنها بلبل جاي يغرد
عفتها وطلعت رحت للديوان انوب ورا شوي وراحو الزلم اني گمت طبيت للمطبخ ما لگيت الفصليه بالمطبخ وين راحت?
طبيت للصاله ملگيتها بس امي والبنات گاعدات
صعدت فوگ طبيت للغرفه فتحت الباب وجان الاضويه طافيه والغرفه باارده
شعلت الضوه واشوف ملاك نايم شنو هلجمال شنو هذا الشعر الي يخبل
اهووو سند اصحى على نفسك تره هي مجرد فصليه رحت يمها

سند:فصليه گومييي

شام:هاا شنو شصاير

سند:جاي اگلج گومي يلا نزلي ويا البنات اشتغلي

شام:بيش الساعه هسه

سند:لججج گومييي تسئليني على الساعه مو هااي گبالج شوفيهاا

گمزت من العيطه مالته گبر شبي هذا اني شگلت حتى يصير هيج عصبي بس سئلته سؤال..

گمت من الجربايه وباوعت على الساعه شفتها الساعه ب7 ونص
عدلت شعري ولميته طبيت للحمام غسلت وجهي وطلعت شفته واگف ينزع بالساعه مالته