دنسولف ودخلو اهلي علينه رحت سلمت على امي وخالتي
والبنات
زينه:لج عيني مشتاقين شونج
شام:بعد روحي والله اني اكثر مشتاقتلكم الحمدالله يم الكريم
نسرين:دمشن خلي نفوت جوه تعالن
رحنه كعدنه بالصاله جانت جبيره كللش ماشاءلله سولفنه شوي واجو الزلم كالو صبو الغده كمنه اني وريهام ونسرين ويانه بنات خالتي وخواتي
واجو اخذو الغده اول شي صبينه للزلم ونوب صبينه للنسوان نگلنه الاكل ورحنه ناكل اني خليت قوري الجاي عله النار وحضرت الاستكاين ورحت كعدت يم البنات
ورا شوي كملنه وشلنه المواعين عفت البنات بالمطبخ نص يفرغن بالاكل ونص يغسلن بالمواعين واني رحت امسح الصاله لان توصخت شوي
دامسح بالصاله واسمع هذني كرايبهم يباوعن عليه ويتبسبسن
اني خفت من عدهن لان يباوعلي بنضره كلها حقد وكره وكلشي يجي ابالكم المهم اني كملت وعفتهن ورجعت للمطبخ يم البنات....
شام:اكول بنات
البنات:كووولي
شام وهي خاله ايدها على كلبها:: وجع شبيجن ملكوفات دصبرن حتى بعدني محاجيه شي
زينه:اهووو هسه غير تحجي شكو
شام:شوفن ليش ما نروح نحجي ويا الجده نكلها خلي تجي نيرمين هي ويمان..
شام:هيييي شبيجن سكتن يلا امشن نروح نگلها
البنات:اوك يلا
رحنه كعدنه يم الجده وحده تبوس بأيدها والثانيه تبوسها بخدها وبراسها ومدري شسوي
الجده:خايبات شمالجن شبعتني بوس شو وخرن عني
نسرين:جده جده جددددده
الجده:وسم الحسن شمالج هاا مو طروشتيني احجي شتردين
البنات بصوت واحد::جدده خليي تجي نيرمين
الجده:اسم الله الرحمان كبور تلفجن كلجن شني عود تصيحن بوجهي
ريهام:يووو جده طلبنه منج طلب لا تردينه عفييييه
شام:اشششش سكتن اني احجي وياها.. جده باعي احنه نريد نيرمين تجي هنا يمنه لان خطيه ضاله وحدها هسه فدوه اروحلج جده خليها تجي
الجده وهي تبوس شام:يمااايييي فدوه لهاي العيون الحلوه تدللين يا بعد شيبي هسه انه احاجي هشام واخلي يدك عليهم ويجون خوش
شام:فدوه لكلبج الطيب جده شكرااا
الجده:بعد طولي تدللين
كلللش فرحت من كالت رح تخلي نيرمين تجي..
رجعنه للمطبخ شوي واسمع واحد يصيح شام
رحت فتحت باب المطبخ وشفت سند واكف بلباب فدوه لمحمد شكد حلو حتاريت عليمن اباوع على عيونه الحادات والمكحلات لو على عضلاته البارزه وكلشي بي حلووو.... صحيت على سند يندهني
أنت تقرأ
فصليتي بغداديه
Mystery / Thrillerفتاة تذهب فصليه الى احد الشيوخ ولكن لن تكون كأي فصليه كيف سيحدث ذلك هذا ما سنعرفه في باقي الحكايه...
