فصليتي بغداديه

البارت العاشر

من بعد ما رجعنه من الزياره كبل دخلت للحمام وسبحت ونمت
يعني بأختصار البيت كله نايم

فزيت الساعه ب6 ونص العصر باوعت لسند نايم كمت من الفراش رحت غسلت وجهي حتى اصحصح لان بعدني نعسانه

اباوع لروحي بالمرايه شصاير بيه ضعفانه كللش وجهي شاحب عبالك وحده تتنسه نوب ضليت افكر شوكت راح اواجه سند واكله انو اني عندي سرطان كم مره حاولت اكله بس ما كدرت معندي الشجاعه حتى اكله

المهم طلعت من الحمام فتحت كنتوري طلعتلي ملابس وبدلت وكملت وتعطرت وخليت شوي حمره خفيفه على شفتي

ورا شوي وكعد سند باوع عليه بتك عين لان بعده نعسان ورجع نام اني عفته ما كعدته نوب نزلت جوه لكيت البنات هستوهن كاعدات
-------------------------------
شام:هلاوو

البنات:هلاوات عيني

شام:والله راسي لحد هسه يأذيني من الطريق

نسرين:ايي والله الطريق كلش يتعب هسه بس نسوي عشه واريد اصعد انام نومه عميقه

شام:لاا والله ما ضنتي نرجع انام

نسرين:عزه ليش شعدنه

شام:سند گال نروح للبستان مالتنه هناك نشوي ونتعشه

زينه:اللللله والله تحمست حتى نرووح

شام:اشش صوتج شبيج

نسرين:لج دعوفيها كلنه متحمسين حتى نروح يعني هسه مرح نسوي عشه موو

شام:اييي مرح نسوي وامشن يله خلي نبدل هسه يجي سند يخبصنه خبص

نسرين: ايي صدگ على گولتج يجي يخبصنه خبص

شام:وهااا نسيت اكلجن تره اني خابرت ريهام رح تجي هي واهلها

البنات:هااا ماشي
-----------------------------------
صعدن البنات حتى يبدلن كل وحده راحت لغرفته

اني صعدت فوك لكيت سند كاعد ويكلب بالفون مالته

شام:هاا گعدت

سند:لاا بعدني نايم شتشوفين يعني غير كاعد

شام بأحراج:اسفه تره مگلت شي بس سئلتك

سند:اششش كافي بله حجي زايد وامشي نزلي گوليلهم رح نروح للبستان

شام:هاا نزلت كتلهم

سند:مااشي ويله روحي بدلي حتى ننزل

شام:صارر

رحت عسريع دخلت للحمام سبحت وطلعت ونشفت شعري بالسشوار ورحت للكنتور حتى اطلع ملابسي واني جاي ادور وهو صاح من الحمام مااريد ملابس ضيگه فهمتي..كلت اووي كبر شبي هذا يدقق على كلشي اووف امري لألله شسوي

المهم بدلت ورشيت عطر وخليت كحله خفيفه وحمره
وحضرتله ملابسه طلع من الحمام شوي وسمعت اصوات بره كلت يمكن اجتي ريهام