فصليتي بغداديه

البارت الثامن

عظم الله اجورنه واجوركم بمصاب ابا عبدالله الحسين
وبحلول شهر محرم الحرام....
////////////////////////////////////////////
اول مره احس گلبي يوجعني... واول مره انام وروحي مهضومه

اصيح وما لگيت انسان ... وعليه صارت ثگيله الگعده والنومه

تحب المايحبك وما طاوعني... روحي تعلمت مو خوش تعلومه

اذا وجوه الاحبهم هيج تخدعني... تره الثعبان حقه يغير هدومه

واذا اعز الاحباب لگيته بايعني... هو عادي الغريب يبيع ماالومه

وهذا المانسيته وگاعد ابالي... اجه غيري بثواني استوطن اباله

وگفت ويا رغم تعبانه احوالي... وتكبر عليه من صعدت احواله

غلطانين من گالولي هنيالي... تره القاسي گلب بالدنيا هنياله

على ظهري وكلوني وانكسر حالي.....

نبدي البارت'''"""""""
-----------------------------------------------------------------------

شام:ولك خويه ليش هيج سويت ليش هاا ولك مو انه الي جنت احارب الدنيا كلها علمودك وتاليتها هيج تسوي ويامن ويه اخت رجلي لييش ولك كسرتني يا خووويه كسرتني

يمان بحزن:والله مو قصدي اسوي هيج والله بس جنت بوكتها مو بوعي واسف ولا تبجين تره دموعج سجاجين بگلبي

شام ببجي:ولككك يمااان مو قصدك انييي هسه شلون رح اطلع گدام عيالي وكلهم يدرون اخوي مسوي المكسوره ويا بتهم ولكك مااگدر اصدگ انت مسوي هيج استغفرالله ربيييي

شبگني وضليت ابجي بحضنه هو يبجي واني ابجي اخر شي كتله كافي امشي خلي نطلع رحت اني يم البنات وهو راح للديوان

ريهام:هاا خيه شفتي اخوج

شام بحزن:ايي خيه شفته وعاتبته ونطيت من البجي

ريهام:سوده عليه يروحي ميخالف كله بيد ربج بعد امشي خلي نصبلهم چاي.

شام:يلا امشي...

رحنه صبينه جاي للزلم كلساع جايبين الصواني ونصبلهم جاي حتى اديه گامن يوجعني من القوري شثگله المهم گعدنه نسولف شوي

واجوا وگالوا اجه الشيخ گومو جيبو العروس حضروها
رحنه يم نيرمين بس تبجي ومتقبل تنزل

شام:نيرمين حبيبتي گومي فدوه اروحلج

نيرمين ببجي:مااريددد عوفونييي اخاف منه يكتلني ويعذبني اهئ اهئ

شام:لاا حبيبتي لا يمان يدير باله عليج واوعدج مرح يسويلج شي واني رح اوصي عليج زين بس گومي

نيرمين:يعني مرح يأذيني ولا يضربني

شام:لاا مستحيل يسوي هيج انتي بعد رح تصيرين مرته يلا گومي

گامت نيرمين وهي تبجي نزلنه جوه والجده هلهلت على كيف حتى ميسمعوها لان مقبلو گالو منريد لا هلاهل ولا مدري شنو