Love Between Serpent Beastman & Cuttie Hamster

💖သွေးအေးပေမဲ့ နှလုံးနွေးတဲ့မြွေပါလေ💖/💖ေသြးေအးေပမဲ့ ႏွလုံးႏြေးတဲ့ေႁမြပါေလ💖

ကျင့်ကြံခြင်း- 2

(Unicode)

ဤနေရာရောက်ခါစတုန်းက ရှုရှုမှာ အချိန်တိုင်းအလွန်ကြောက်နေခဲ့ရ၏။ ကောင်းကောင်းလည်းမအိပ်နိုင်သလို ကျင့်ကြံဖို့ပင်မဝံ့ရဲခဲ့ချေ။ ထို့အပြင် မမျှော်လင့်ပဲ ရုတ်တရက်ဆန်စွာ လူသားအဖြစ်​ပြောင်းသွားခဲ့ရ၏။ သူ၏ကိုယ်ထဲမှ ပင်ပင်ပန်းပန်းစုဆောင်းခဲ့ရသော စွမ်းအားများမှာလည်း ပျောက်ကွယ်သွားခဲ့၏။ သူကစွမ်းအားဆက်ကျင့််ရာတွင် မည်သို့မှန်မှန်ကန်ကန် ကျင့်ကြံသင့်သည်ကို ယခုထိသဘောမပေါက်သေးသည့် ငတုံးလေးဖြစ်နေ၏။

မည်သို့ပင်ဆိုစေ သူ့ထံ၌အစာရေဆာအလုံအလောက်ရှိနေပြီး နေ့တိုင်းအသားစားနေနိုင်လေပြီ။ ထို့အပြင် အန္တရာယ်ဟူ၍လည်းမရှိ။ ထို့ကြောင့်သူက ကျင့်ကြံခြင်းကိုသာ ဆက်လုပ်နေတော့၏။

သူမြန်မြန်ကျင့်ကြံပြီး သူ့ရဲနားရွက်နဲ့ အမြီးကို တတ်နိုင်သမျှမြန်မြန်ဖျောက်ပစ်ရမည်။

သို့မှသာ လူသားများအကြားနေထိုင်နိုင်မည့်ဖြစ်ကာ လူသားတို့၏အစာနှင့် စပ်စပ်ရှိန်းရှိန်းအချိုရည်(ကိုကာကိုလာ)တို့အား စားနိုင်ပေလိမ့်မည်။

ထိုလူကြီးအားလည်းတွေ့ရဦးမည်။ ရှုရှုသာ လူသားတစ်ဦးအဖြစ်လုံးလုံးပြောင်းသွားလျှင် ထိုလူလည်း သူ့အားတွေ့ချင်လာနိုင်သည်။

ဂူထဲတွင် ရက်အနည်းငယ်ကျင့်ကြံပြီးနောက် ရှုရှုကနေရာပြောင်းကာ ကျင့်ကြံကြည့်လိုက်၏။ ညတိုင်း..သူကအကြိမ်အနည်းငယ်ပြေးကာ တောင်ကုန်းငယ်လေးတစ်ခုထိပ်သို့တက်ပြီး ကျင့်ကြံ၏။

သူက နေ၊လတို့၏စွမ်းအားကိုစုပ်ယူကာ ကျင့်ကြံကြည့်ရင်း ညအချိန်တွင် လကိုအမှီပြုကာကျင့်ကြံသည်ကရလဒ်ပိုကောင်းကြောင်း သိလိုက်ရ၏။

သူပြန်လည်ကျင့်ကြံသည့်အစပိုင်းရက်များတွင် မည်သည့်စွမ်းအားမှမခံစားရသော်လည်း နောက်ပိုင်းကျင့်ကြံမှုကြာလာသည်နှင့်အမျှ အပူစီးကြောင်းလေးကသူ၏ကိုယ်အား ရစ်ပတ်လာ၏။ တစ်ချိန်တည်းမှာပင် ဤတောထဲမှ စိတ်စွမ်းအင်များမှာ အံ့အားသင့်ဖွယ် အလွန်ပေါများနေကြောင်းတွေ့လိုက်ရ၏။