Love Between Serpent Beastman & Cuttie Hamster

🐍🥓ခင်ဗျားက အစားကြီးလွန်းတယ်🥓🐍/🐍🥓ခင္ဗ်ားက အစားႀကီးလြန္းတယ္🥓🐍

🐍🥓ခင်ဗျားက အစားကြီးလွန်းတယ်🥓🐍

(Unicode)

ရှုရှုက ကလေးလေးများအတွက် သင်ထောက်ကူဗီဒီယိုအားကြည့်ရင်း၊ကြည့်ရင်း တစ်စုံတစ်ခုမှားယွင်းနေသလိုခံစားလိုက်ရ၏။

 သူက နှစ်ပေါင်းရာချီနေထိုင်ခဲ့ဖူးသော ကမ္ဘာပေါ်တွင်သာ ရှိနေသေးသည်ဟု အမြဲတမ်းတွေးထင်ခဲ့၏။ သူနှင့်မျိုးတူ​သားရဲလူသားများနှင့်တွေ့ဆုံစဥ်ကလည်း မျိုးနွယ်တူသားရဲလူသားများက ကမ္ဘာပေါ်ရှိတစ်နေရာတွင် အတူတူစုဝေးနေထိုင်ကြသည်ဟုထင်ခဲ့၏။ ယခုဗီဒီယိုများကိုကြည့်ရင်းကြည့်ရင်းဖြင့် သူ့အထင်မှားနေကြောင်း သိလာရလေသည်။
........

ရှုရှုက ဘယ်ကစ၍မှားမှန်းမသိသော်လည်း အရာရာတိုင်းမှာ သူတွေးထားခဲ့သည်ထက် ကျော်လွန်နေခဲ့၏။

ရှုရှုက တွေးတောကာ ဗီဒီယိုဆက်ကြည့်နေရင်း ကလေးငယ်လေးအားချီပိုးထားသော စုံတွဲက အာကာသယာဥ်ပျံပေါ်တက်သွားသည့် မြင်ကွင်းအားတွေ့လိုက်ရလေသည်။

"ကိုကိုးက🎼🎼 အာကာသယာဥ်ပျံကြီးပေါ်မှာပါကွယ်...🎼🎼 ကိုကိုးကအာကာသယာဥ်ကြီးနဲ့ ခရီးလဲသွားမယ်🎼🎼 ကိုကိုးတို့ခရီးသွားတော့မယ်...🎼🎼 ကိုကိုးတို့ခရီးထွက်တော့မယ်...🎼🎼" ကာတွန်းပုံ ကိုကိုးစေ့ကလေးငယ်က နောက်ခံသီချင်းလေးနှင့်အတူမြူးကြွစွာကနေလေသည်။ (ကိုကိုးစေ့=ကိုကိုး 😅)

အာကာသယာဥ်တဲ့!!! ဒီနေရာမှာ တကယ်ပဲ အာကာသယာဥ်ရှိတာတဲ့! ရှုရှု့ကြည့်နေသည့်ဗီဒီယိုများက လက်တွေ့ဘဝတွင်အသုံးဝင်နိုင်သည့်အကြောင်းအရာများဖြစ်ကြပြီး ဗီဒီယိုထဲတွင် အာကာသယာဥ်ပျံအကြောင်း တကယ်ကြီးပါလာ၏။

 ဒီနေရာက သူနေခဲ့ဖူးတဲ့ ကမ္ဘာကြီးမဟုတ်ဘူးပေါ့။

ရှုရှုကတောထဲရောက်စဥ်က တောတွင်းနေအတွေ့အကြုံများစွာရှိ၍ ကြောက်ရွံ့ခဲ့သော်လည်း အရာရာအဆင်ပြေခဲ့၏။ သို့သော် ယခုပတ်ဝန်းကျင်မှာမူ....။

ရှုရှုမှာ လောကကြီးကသူ့အားစွန့်ပစ်သွားသည်ဟု ခံစားနေရတော့သည်။

ဤနေရာကား...သူနေထိုင်ခဲ့သော ကမ္ဘာမြေမဟုတ်။

ကမ္ဘာမြေပေါ်မှ စိတ်ဝိညာဥ်စွမ်းအင်ကနည်းပါးပြီး ပတ်ဝန်းကျင်ညစ်ညမ်းမှုရှိကာ သူနှင့်မျိုးတူအားမတွေ့ရသော်လည်း ကမ္ဘာမြေမှာ ရှုရှု၏မွေးရပ်မြေဖြစ်၏။ ကမ္ဘာမြေပေါ်တွင် နှစ်ပေါင်ရာချီနေထိုင်ခဲ့သော်လည်း ဤနေရာကား.....ဘယ်လိုနေရာမျိုးလဲ။ ရှုရှုက တောင့်တင်းကာ အနည်းငယ်တုန်ယင်လာ၏။