Love Between Serpent Beastman & Cuttie Hamster

🙈🐍တံတံလေးနှစ်ခုက ချစ်စရာလေးလို့ ရှုရှုကပြောတယ်🐍🙈/🙈🐍တံတံေလးႏွစ္ခုက ခ်စ္စရာေ

🙈🐍တံတံလေးနှစ်ခုက ချစ်စရာလေးလို့ ရှုရှုကပြောတယ်🐍🙈

(Unicode)

သူ၏သားတော်လေး ဗိုက်ဆာနေပြီဟု မပြောခဲ့သည်မှာ နှစ်များစွာကြာမြင့်ခဲ့ပြီဖြစ်၏။ သူ၏ကျန်ရှိသောဘဝတစ်လျှောက်လုံး ထိုစကားကိုမကြားရတော့ဟု တော်ဝင်ကြင်ယာတော်က ထင်ခဲ့မိ၏။ ယခုတော့ သူ၏သားတော်က တစ်စုံတစ်ယောက်အတွက် ဗိုက်ဆာပါသည်ဟု စကားကြောင်းပေးနေလေပြီ....။

သေချာပြီ....ဒီထမင်းတနပ်က အရသာအရှိဆုံးဖြစ်တော့မှာပင်....။

 ရှုရှုက စားသောက်ရသည်ကို အလွန်ခုံမင်၏။ထမင်းစားပွဲမှ အခြားလူသုံးယောက်က ပျော်ရွှင်စွာ​စားသောက်နေသော ရှုရှုကိုကြည့်ရင်း စားချင်စိတ်များတိုးလာကြလေသည်။

 ဤတစ်ကြိမ်တော့ရှုရှုက သူ၏အစာအိတ်ထဲ အစာများမသိုလှောင်တော့ပေ။ သားရဲတစ်ပိုင်းလူသားအများစု စားသုံးသောပမာဏထက်ရှုရှုပိုစားနိုင်သော်လည်း အများကြီးမစားမိအောင်လည်း သူ့ကိုယ်သူထိန်းချုပ်နေရ၏။ စားသောက်ပြီးနောက် ရှုရှုက သူ့အပေါ်အလွန်ဖော်ရွေလှသော အီယန်အား သိချင်စိတ်ပြင်းပြစွာဖြင့် မနေနိုင်ပဲ မေးလိုက်တော့၏။ "အက်ဂါက တောထဲမှာ ဘယ်လိုလုပ်တစ်ယောက်ထဲနေနေခဲ့ရတာလဲဟင်..။ ဖေဖေကသူ့ကိုမလိုချင်တော့လို့ အဲ့မှာသွားပစ်ထားတာလား..."

 အီယန်က တစ်ခဏခပ်ကြောင်ကြောင်ဖြစ်နေပြီးမှ ရယ်မောရင်းပြောလိုက်၏။ "သေချာပေါက်မဟုတ်ဘူးပေါ့ကွယ်...။ ရှုရှုလေးက ဘာကြောင့်များဒီလို တွေးလိုက်မိတာလဲ"

 ခရစ်ကလည်း ရှုရှု့အား အံ့သြတကြီးစိုက်ကြည့်လိုက်မိပြီး ချက်ချင်းပင် ရှုရှုအပေါ်အမှတ်တိုးပေးလိုက်တော့၏။ ဤသားရဲတစ်ပိုင်းလူသားလေးက သူ၏စိုးရိမ်ပူပန်မှုကို မဖုံးကွယ်နိုင်ခဲ့ပေ။ သူ၏အသွင်အပြင်က ရိုးရှင်းလှသော်လည်း သူတို့အား​ဆန့်ကျင်မိမည်ကိုပင်မကြောက်မရွံ့ ဤကဲ့သို့မေးခွန်းကို မေးရဲခဲ့၏။ ထို့ကြောင့် ဤကလေးငယ်က အက်ဂါ့အပေါ် စိတ်ရင်းအမှန်ဖြင့်ဆက်ဆံကြောင်း သိနိုင်လေသည်။

 "တောထဲမှာ တစ်ယောက်ထဲနေခဲ့ရတာဆိုတော့ သူ့ရဲ့အခြေအနေက အရမ်းမကောင်းခဲ့ဘူးဗျ" ရှုရှုက ပြောလိုက်၏။ "ဘယ်လိုပဲဖြစ်ဖြစ်ပါလေ.....ဒီကိစ္စက ဖေ​ဖေတို့နဲ့မဆိုင်ဘူးဆိုတော့ ကောင်းတာပေါ့..."