قصة حياة

بارت 5

بأسم الله الرحمان الرحيم

___________&

لاتنسو التصويت و التعليق بين الفقرات
___________

سنة 2008 تسجلت اختي بلمدرسة وبابا صار ياخذهة ويجيبهة واني اضل بلبيت ابويه ابد میرید عماتي يجن

او ياخذنه يمهن لأن يدري بيهن بس ساکت لخاطر امه ويكول كولشي ولا امي تغضب عليه اختي تروح وترجع كل يوم بس مو على بعضها مدري شبيهة ترجع شعرها مهلس وملابسهة متروسات تراب

وعيونهة حمر ردت احجي وياها ماكو اشو متحجي كاعدين عله العشه اشوف اختي تريد تبجي كلت الا اشوف شكو

حياة: بابا ایات كل يوم ترجع تبجي ومتقبل تحجي هو باوع عليهة

بابا حاتم: شبيج ؟

هوه من كاللهة شبيج منحس الا ایات تنفجر بلبجي بابا حظنها واني الازمة ايدهة

بابا حاتم: يروح ابوج شبيج احجي شكو

ايات: بابا يهددوني

بابا حاتم: منو؟

ايات: بابا اولاد اخوتك واولاد خواتك كل يوم يموتوني کتل وما احجي ويعيروني بأمي زين امي شدخلها امي شمسويتلهم امي مو ميتة حتى من ماتت ما ارتاحت منهم ليش بابا ليش حتى بلمدرسة كل البنات يحجون بأمهاتهم ويتعمدون هیج يسوون لان يدرون امي ميتة واسكت وما احجي الى ان اليوم تكلي رؤى بنت عمتي امج خطية راحت وضليتي كلتلهة واذا عاد ماکو واحد ما يفقد امه هواي ناس أمهاتهم تموت

كلتلي بس انتي امج بنت ابو السمج منو اصلا يعتبرها فد شخص غالي اشو خلك وحدة عاشت بفكر

ابوية كام من مكانه وطلع فوك الساعة ياله رجع طلع رايح مأدب رؤى ومرزل الكل وحاجي على عماتي ف من رجع جبتله مي وحباية مال وجع راس وكعدت يمه

بابا حاتم: فدوة اروح لبنياتي الحلوات

حياة: بابا قصدك اروح فدوة لبنيتي ایات الحلوة بس اني لا تخليني من ضمن الحلوات اني وين والجمال وین

بابا حاتم: لا لا لا ما توقعتها منج هذي انتي تكولين هيج انتي وايات عندي احلى البنات حتى لو كان عندج عيب خلقي لازم نحمد ربنه ونشكره وانتي ترى مو ضروري تصيرين حلوة بالشكل اهم شي روحج هوایه حلوة وطيوبة وعاقلة وحبابة واهم شي قوية انتي عندج شخصية تجنن لا تهتمين لشكلج او حبي عيوبج لأنهة خير الج وتذكري كلامي بيوم من الأيام لمن تصيرين فد شي الكل راح يصير يريد يكون مثلج لأن الجوهرة البداخلج ماكو احد بالكون يملكها ....

سکت انوب رجع باوعلي

بابا حاتم: حياة بابا خلي هاي الجملة بذهنج وتذكريهة انتبهي لظلج

هزتني هاي الكلمتين اريد اعرف بابا شنو يقصد بأنتبهي الظلج معقولة اكو فد شي معقولة اكو اشياء تصير بحياتي بعد اكو شي ينضاف .... نفضت الافكار واستمعت البابا وهو يكول باجر نروح لبيت اهل ماما حتی نشوفهم من زمان ما شايفيهم