بأسم الله الرحمان الرحيم
___________&
لاتنسو التصويت و التعليق بين الفقرات
___________
اشو صار الصبح وللعشرة ياله كعدو المفروض احد يكعد الزلم النسوان لا اصلا حتى آذان اذن ومحد طلع يصلي أو يتوضی
صارت العشرة وحنه ميتين من الجوع لأن حتی عشه ما تعشينه زین
انفتحت الباب مال الغرفة الي نايمات بيهة خالاتي طلعت ريتاج بت خالتي حنين
ريتاج: يبووووو همین صبحت بل قرد
حياة: كتلها ياااااا خطية يمكن جلدج يحكج من الصبح وحابه تندبيين
ريتاج: شنو شنو شنو ولج اني اكبر منج تحترمين نفسج وتسكتين
حياة:هاااا واذا اكبر مني اكبر مني وما عندج احترام النفسج تريديني اني احترمج وما اسكت شنو تسوين
ريتاج: هاااااا وطالعلج لسان بت رقية ومتخافين هييييين يا حياتو هیییییین
صاحت على اختهة هند وكلتلهة تعاي هاي حياة يحتاجلهة كتلة
حياة: عود تخوفيني بيج وبهند ترى الجاهل میخاف منجن ....
اشو اني بس كلت هيج هجمن عليه وجهي فوك ما هوه مشوه یخرمشن بي واختي تصييح وهنه يسبن امي رقية ويشتمنهة
يفشرون فشااااار فضيحة ولا عبالك بنات عمرهن 16 و 14 حاطات عقلهن ويايه طلعو بيت خالي حسين هوه وزوجته وخالي حسين لزم هند وريتاج وضربهن كل وحدة راشدي من هذا ابو الرنة 😂فد فرحت
بس شفايدة واني محذر الدكتور وجهي ميصير يتعرض لضرب أو لحادث لأن يصعب التعامل مع حالتي لمن اكبر
يم حلكي الجلد من حادثة الحرك نازل من النار ومتشوة وهسه من خرمشتني ريتاج الجلد انشلع
لأن هش ما يتحمل صرت شلون الواحد مكصوص لحم وجهه اني هيج والدم ملئ الفانيلة مال التراك مالتي والوجع بس ما بجيت لأن حسيت بذيج الحضة حتى دموعي خلصن من کد ما كضيت اليالي كلهة ابجي
خالي حسين يمكن بس هو الي استخطاني شالني بسرعة للسيارة مالته وركض بيه للمستشفى والدم ما وكف وخالي مستغرب مني ليش ما ابجي ولا أنطيت أي ردة فعل بس امسح بالدم واباوع للشارع كل شويه يباوع عليه
ويكلي هسه نوصل هسه نوصل وصلنة من وصلنة للطوارئ وتلاحكولي بالخياطات وخالي اتصل على بابا کاله احنا بلمستشفى وكله على كلشي صار
متت من الوجع يخيطون بخدي الي يم حلكي وبدون مخدر أو شي والدكتور الجراح يباوعلي وعيونه مدمعه
حياة: شبيك عمو
الدكتور: کسرتي خاطري ورغم كلشي ماتبجين
حياة: عمو لیش ابجي امي كلتلي اريدج تصيرين قوية ميصير ابجي هاي وصية امي
أنت تقرأ
قصة حياة
General Fictionالأقارب عقارب طفله مشوها تذمر المجتمع خساره طفوله مواجهة مصير نصيحه اب (( انتبهي لضلج)) تشوهت طفوله عانت من تذمر من نبذ الأهل اقارب گانهم شياطين حقد الأهل يسبب الموت قتلو امها انزرع بداخل فتاه الأنتقام والكره والحقد والسواد في قلبها ياترى ما...
