بأسم الله الرحمان الرحيم
___________&
لاتنسو التصويت و التعليق بين الفقرات
___________
طلعنه وركبنه السيارة اني ما باوعت علة السايق منو هوه ف ركبنه وحرك السايق
رفعت راسي لا ارادية باوعت على المراية مال السايق شفته نفسه هذا الرزلته الصبح
هوه يباوع عليه ويخزر بيه اني ما بينتله انو اني مصدومه لان هو السايق كلبت عيوني واحجي وي ایات
ورحمة بت خالي كللللش حبابة عكس الباقيات ابد ميحجن ویایه
وکفت السيارة يم المول كال ابن خالتي
زيد: اني راح أنزل اشتري تكرمون حذاء للجامعة ومن اخلص الكاجن مشتريات وجایات قبلي
كلنه كلناله لا شنو هاي وين نلحك
زيد: بكيفجن لعد خلي نرجع للبيت
ايات: ايات لا زيد الله عليك مو ارواحنه معلكه بلمول
زيد: اي مو هم ياله نلحك افرفرجن غير اماكن خمس دقايق الجن تشترن وتجن ما اضل اجرجر بیجن وادري بيجن انتن النسوان ف بسرعة اشترن التحتاجنه علمود نروح المدينة الالعاب متریدن تجربن سفينة نوح والعامود وسكة الموت
حياة: اییییی نريد يله
رحمه: خلي ننزل نشتري بسرعة
ايات: يله
حياة: يلا بناااات هجوووم
صدك والله نزلنه وصار هجوم عل المحلات وكلمن راحت وي وحده والي وي اختهة واني وايات ورحمة وكفنه عله ابو الاكسسوارات
اني و ایات ورحمة انوب عله ابو الاحذية اني عجبني حذاء ابيض رياضي وبي فيونكه من الصفحة وبي كتابات باللغة الانكليزية
وطلعنا وكلهن لكيناهن هناك خطيه بسرعة مشتريات وزيد لساه ما اجه شويه واجه
زيد: عفيه بالشاطرات
رحمه: انته تتأخر وتحطها براسنه
زيد: يمكن انعديت منجن انتن ساعة ياله تصفلجن علة رأي وساعة تختارن اللون وساعة تفكرن وساعة تنطن الفلوس وتطلعن يلا مشونه
ضلينه نضحك من حجيه ورحنه للسياره وسوالف بنات وهوووووسه
ركبنه السيارة وشقى وضحك وكفنة کدام مدينة الالعاب اسمهة (( نوارة )) هسه اهل كربله يعرفونهة
انفتح باب مدينة الألعاب صار هجوم والناس كلهة تفتر وتاكل وتشرب وتضحك ومتونسه كلت خلي اشتري لفة وعصير ازبري واصعد لديلاب الهواء
وصدك صعدنا واني فرحااااانة وانوب نزلنة وصعدنة العامود يممممممه متت الخوف والصراخ والبجي واللطم اني وايات ورحمة متنه بجي ونصيح عمو نزلنةةةةة
أنت تقرأ
قصة حياة
General Fictionالأقارب عقارب طفله مشوها تذمر المجتمع خساره طفوله مواجهة مصير نصيحه اب (( انتبهي لضلج)) تشوهت طفوله عانت من تذمر من نبذ الأهل اقارب گانهم شياطين حقد الأهل يسبب الموت قتلو امها انزرع بداخل فتاه الأنتقام والكره والحقد والسواد في قلبها ياترى ما...
