قصة حياة

توضيح + تكمله القصه

السلام عليكم

صاحبه القصه اصرت انشر الكم هاذ لبارت تريد تجاوبكم على اسئلتكم واتركم وياها

السلام عليكم متابعين الكاتبة ميادة ان شاء الله بخير وسلامة

اريد احجي وياكم بنفسي واريد ارد على الجميع اسمعوني زين واتعمقوا بالكلام اللي اكوله

أولا // شكرا القلب وجزيل الشكر للناس اللي تفهمت مواضيع القصة او احداثها ( ( الله يرحم موتاكم ويحفظ لكم أعزازكم ) )

ثانيا // اني من اول مرة حبيت أشارك قصتي وذكرت قبل مو حتى تنشهر ... لا نشرتها من باب اريد الناس تعيش ويايه العشته وهمين أفتح باب من أبواب الحياة وهذا الباب قليل يعرفوه الناس ... كلنا نعرف البيوت اسرار وهالأسرار مسدوده عليهم هذه الباب واني حبيت أفتح هذا الباب واكول قصتي

1 / اني بدأت قصتي من عمري 3 سنوات وعيت ع هوايه أشياء يمكن ما ذكرتها اول مرة لان ناسیتهة اساسا ولان صغيرة مو كلش اتذكر التفاصيل والكلام اللي دار بيننا يعني الشغلات اللي اذتني او اثرات بيه اتذكرها تمام

أما اللي يتسأل او السؤال اللي يدور بكل دماغ متابعين القصة وهو ليش بيت جدي اهل بابا هيج يسوون هيج .... ليش يكرهونا ليش هيج شجاهم .... وحسب كلام بابا واللي عرفته

بابا جان يحب ماما رقية وهم ما قابلين ف بابا رايح عاقد عليها وحاطهم امام الامر الواقع بس مو زواج بس مجرد عقد ف جدو ابو بابا من سامع هيج منا سكر ورايح فد نوب نايم بالفراش وحتی يسوي ع نفسه لان مشلول ف من سمع هذا الكلام صابته جلطة وهوه رايح فد نوب ومات ومن مات كل الانظار توجهت الماما رقية وبابا حاتم ووراء سنتين بابا تزوج امي وجابت ولد وهاذ مات

من الولد مات يعني اكبر من اختي ایات ف مات بابا كلش تأثر منا موت ابوه ومات أبوه وما راضي عنه وعن ابنه ف حس بالندم

بس هوه يحب ماما هم يحبون بعض ف عقد عليهة اما اهل ماما جانو ما مصدكو على الله وحدة من خالاتي او امي تروح تزوج يتفتكون لان هواي بنات ف انطوها بس عقد

وبابا کایللهم اتزوجهة منا ما اخلي اهلي امام الامر الواقع في من تزوج ماما رقية الكل صار يكرهها ويموت منها ويموت من عندنة

( هسه بالله عليكم اني لو ما ذابني ابويه عباس جان صارت كل هالغوة هاي بس قدر الله وما شاء فعل وتری عرفت من بابا واني اجيت اكله للكاتبة انصدمت ليش هالحقد والسم تالي بابا يحب ماما وغصب عنهم اخذها بس اني واخواني شیخصنه بل موضوع شكد ناقصين عقول )

واذا تتذكرون مشهد الي ريم دفعتني وهمشت اللفاف من وجهي اذا تتذكرون هي شكالت ... كالت الله لا ينطيج انتي وامج واختج اخذتن خالنا ..... ها تذكرتو لو لا ؟

( يعني يا جماعة الخير لمن تقرون فد رواية او قصة تعمقوا بالمكتوب وافهمو القصد واربطو الاحداث .... بس حقكم )

واكو فد مسألة اللي يعلقون يتسألون عباس ليش هيج سوه .... وازيدكم من الشعر بيت اني بنته اللي خلفني ما اعرف شنو السبب واللي خلاه بهيج نذالة وحقارة صراحة يعني واني اصلا حتی سلام ما اسلم عليه وهو عایش حياته عادي بعد اني ليش اهتم او اضل اقهر بروحي

واكو فد نقطة اللي يكول لسانج متبري منج وهو فعلا هيج ... ومرات اغلط على بنات عماتي او عمامي ويمكن تجاوزت واني اعرف اللي خطأ سويته ومو من اخلاقي بس والله لو انتم بمكاني وكلبكم مورم منهم تكومون تجفصون بالحجي وتغردون وتنزلون على الترابي مو زين اني ما صرت مثلهن هنه حتی فشار يفشرن وغلط وسب وشتم ....اني بس غلط ومن اعصب

واتركم بحفظ الرحمان مع سلامة . من القلب لأحلى متابعين ... دمتم سالمين 🖤