بأسم الله الرحمان الرحيم
___________&
لاتنسو التصويت و التعليق بين الفقرات
___________
مشت الأيام واسابيع واشهر مر علة طلاقي سنه ونص
اجه شهر رمضان المبارك
ایات اختي خطبها واحد وياها بلكلية بنفس القسم اول شي رفضت بعدين من طلع خوش ولد وافقت وسوينه الخطوبة مالتهم تجنن طلعت ایوته
تخبل اللهم صلي على محمدوآل محمد جنهة ملاك ومن لبست البدلة تخبل وهي قصيرة وبيضة وعيون خضر ومدبدبة اللهم صل على محمد وآل محمد حلوة طلعت
اني لبست فستان بيج وبي اسود وطويل وكعدت علة صفحة لا الي شغل بأحد ولا شي خلصت الحفلة لملمت ونظفت وسبحت ونمت علة وجهي
كعدت ثاني يوم كان عيد الاضحى بعد اربع ايام بهذن الايام الاربعة البيت خليته يلمع لمع وسويت كليجة
وبيوم العيد الصبح كعدت ويا الأذان صليت ودعيت ربي يوفقني وطلعت عايدت بابا ورحت ل ایات الكيتهة نايمة ومخليه التلفون علة اذنهة يمكن خطيبهة جان يخابرهة ونامت ههههه
اخذته منهة وسديته وعدلت نومتهة وغطيتهة وطلعت نزلت سويت ريوك وبابا طلع ورجع جایب کیمر عرب وكاهي وعدنه عسل وجاي وجبن وبيض وزيتون وجان عله بالي اثرم خیار همین ثرمت وكلت البابا تعال نطلع بلحديقة
بابا حاتم: الله والله بس انتي تفهميني
حياة: حافظتك مثل اسمي
بابا حاتم: الله يرضى عليج
تريكنه وغسلت مواعين اخذت التلفون عایدت صديقتي حوراء هاي من الابتدائية ويايه وحتى المتوسطة وبالاعدادية همين هيه ابوها استشهد وتارکه سنتين واني تارکه همین لذلك بصف واحد كعدنه نسولف شويه
انوب رحت طبيت للحمام غسلت جلفت نفسي جلف هاذ عيد مو شون ما جان
طلعت ورحت فورا على ايات اكعدهة وهيه تتنعوص متريد تكوم كتلهة ولج مو بشر مقدرج ومتعب نفسه واجه يعيدج من الصبح کومي خطيبج خطيه كاعد يريدج
هيه سمعت هيج لو طفرت طفرة هيه طفرة وهيه طبه للحمام وانوب رجعت تاخذ ملابس والشامبو وفرشة الأسنان
ايات: رايحة احضر نفسي طلعيلي علبة المكياج
متت ضحك عليهة طلعتلهة العلبة وهيه خمس دقايق وطلعت كتلهة امشي ولي اغسلي زين نظفي نفسج ولج هاذ عيد
ايات: ولج يا عيد خطيبي راح يروح واني بعدني ممكملة
حياة: ماکو خطيبج مو هنا جذب ويله ولي اغسلي عدل
ايات:تره صدك هبطتيني تفففففف
وراحت نزلت
بابا حاتم: وین ایات
أنت تقرأ
قصة حياة
General Fictionالأقارب عقارب طفله مشوها تذمر المجتمع خساره طفوله مواجهة مصير نصيحه اب (( انتبهي لضلج)) تشوهت طفوله عانت من تذمر من نبذ الأهل اقارب گانهم شياطين حقد الأهل يسبب الموت قتلو امها انزرع بداخل فتاه الأنتقام والكره والحقد والسواد في قلبها ياترى ما...
