قصة حياة

بارت 16

بأسم الله الرحمان الرحيم

___________&

لاتنسو التصويت و التعليق بين الفقرات
___________

جنت هيج افكر ما جنت اعرف القدر ضاملي شي اكبر من توقعاتي واكبر من أن يستوعبها العقل توكلت علة الله وهو نعم الوكيل

داومت اول اسبوع يعني رجعت للمدرسة وصارلي غايبة اسبوعين وهيج ميصير

ف رجعت وبلمدرسة ما عافني كل شويه وحدة تذب كلام لو تحجي للبنات عليه لو تلوث عقولهن بس ما اهتميت كملت السنة

وبلعطلة كضيتهة محبوسة وصارت بيه حالة نفسية بابا يطالع اختي ويفتر بيهة بس اني ابد ما اطلع يتوسلون بيه بس ابد ما اريد اشوف احد حدي للمدرسة وارجع حته صديقاتي ما احجي وياهن

فعلا صرت شخص مكتئب الشي الوحيد الجنت احبه هوه دراستي وجنت مجتهدة بيهة بحيث من توفه اخويه نزل مستوايه بس من رجعت داومت شديت حيلي وتفوقت وكل يوم خميس يطلعوني ويكرموني

امتحنه اخير السنة ونجحت واجت العطلة يلعطلة ما مر يوم اذا ما اشبگ ملابس حمودي والله جنت متعلقه بي هوايه بحيث ابجي عليه بجي بكد ما بجيت علة ماما

الى ان كلت كافي دموع خليني اکوم اصلي لماما وابدأ بحفظ القرآن ما دام عطلة وفعلا حفظت اول شي الجزء الاول بلعطلة

لأن شويه نفسيتي مدري شلونهة يوم احفظ ويوم لا المهم اجت المدارس ورجعت تفوقت بدراستي وحياتي عادية ونجحت ورجعت للعطلة

حفظت جزئين من القرآن ومهتمة بترتيب وتنظيف البيت اني واختي ورجعت اجت المدارس ورجعت نجحت وهكذا مرت حياتنه وهل كم سنه بسلام

الى ان بسنة 2014 شهر الثاني

جنت مخلصه امتحانات نصف السنة وعطلة نصف السنة ومثل أي يوم كاعدين اني واختي مثل كل يوم على المسلسلات ونكرز حب رجع بابا وشكله كولش ضایج ومهموم وحالته حالة

ركضنة عليه كناله شکو بابا شبيك ؟

بابا حاتم: بيت عمكم منير محتركين وهسه همه كلهم بلمستشفى الطباخ كاب على بتهم ومحترك المطبخ ومن كثر ريحة الغاز والنار كلهم مختنكين ودفعوهم للمستشفى

اني وايات كلناله وهسه شلون شلونهم ؟

بابا حاتم: میته الام والبت والأبن وعمكم منیر فاقد فرد نوب خلي ارتاح شويه من الهبطة وارجع للمستشفى

حياة: براحتك بابا

طلعنة من الغرفة واني واختي وحدة تباوع بوجه الثانية صارت الفاتحة اني واختي بقينة بلبيت ما رحنة

3 ايام وبابا يصلي الصبح ويروح للشغل ويرجع من وکت كبل للفاتحة يشتغل هناك وانوب يرجع ساعة 11 بل ليل من تفض العالم