الله يوفق مثلك الله يخليه
كانك نويت الصد والهجر وياه
غالي ولك بالقلب شي ومخفيه
اكبر من اللي بالضماير تهقواه
في غيبتك قلبي ترى الهم صاليه
واسهرت ليلي بين ونه وويلاه
البارحه طيفك مع الليل احاكيه
يشهد علي الليل والنجم يصغاه
فكرت ويا الليل مبدع قوافيه.
مسحوب طرقي والقوافي تقفاه
والحزن فوق القلب والهم مقفيه
و ليلي غدا ليلين والصبر مقواه
ياللي حرقت القلب منهو يطفيه
النار نار ٍ تتعب القلب واحشاه
يا مانسيت اللي من الناس نغليه
ولاعاد به شي ليا حل طرياه
استر عيوب الناس والطيب ابديه.
وش خانت اللي ماسترعيب رفقاه
امسٍ وقبل البارح القلب اهنيه.
امسي مع الفرحه وصبّح بفرحاه
في شوفتك افرح مع اللحن اغنيه
وطيفك يسلي كل طرقٍ بمغناه
قلبي كثير اللي من الناس ترجيه
وانا الذي قلبك من الناس يرجاه
شهد : انا ابيه
صـــــــــــــــــــــــــــــدمــــــــــــــــــ ـــــــه
كيف تقدر تقول كذا قدام ابوها وقدام اميرهه بعد .. التفوا كلهم عليها بصدمههَ ,
شهد ناظرت فيهم يناظرون فيها : وش فيكم ؟
طراد : انتي متأكدهه من اللي تقولينه ؟
اميره فتحت فمها بصدمه ولا شالت عينها عنها ابداً ,
شهد : اي يبه متأكدهه
اميرهه بحقد : انتي تستهبلين ؟
شهد رفعت حاجب وناظرت فيهاا : اذا انتي ماتبينه ليش عصبتي خلاص انا موافقه عليه
اميره بغضب : مستحيييييييييييييييييييييل ..
طراد نزل راسه للارض وتنهد بضيق
شهد طنشتها وناظرت في ابوها : يبه قوله اني انا موافقه عليه اذا اميرهه سمحتَ ..
ضلت تناظر فيها للحظات .. بغضب .. ولا تدري ليه غضبت وزعلت فجأه معقوله كل هذا حسد لاختها ولا ايش ؟!
شهد كل مقصدها من هالموضوع تخلي اميرهه توافق على مشاري وصحيح هذا الللي حصل ..
اميرهه ضلت ساكته وتناظر بلارض بغضب ودها تقوم تموت شهد وتخنقها لين تموت وتشرب من دمهاا
طراد : لك ي اميرهه من هنا الى بكرههَ , اذا ما وافقتي راح اقوله عن شهد وهذا اخر كلاامي .. ,
قام وابتسم لشهد اللي ردت له نفس الابتسامه .. لان كل اللي صار , اتفاق بينها وبين ابوها عشان يمسكون اميرهه مع يدها اللي توجعهاآ ,
اول ما طلع ابوها .. لفت لشهد .. : وش تتوقعين نفسك ؟
شهد قامت بهدوء : ليش ولعتي ؟
اميره : شوفي وش قلتي كيف ماتبني اولع واحترق بعد
شهد لفت عليها : انتي رفضتيه ؟ صح ولا لا
ضلت تناظر بشهد للحظات : لا
شهد : هه يعني تبينه ! كل ذا حسد يعني
اميرهه : انا اصلاً ابيه من زمان بس ابي اعلقه وادبه
شهد : تأدبينه بانك ترفضينه ؟ انتي وش على بالك بيقعد يتبكبك عند ابوي ويقول طلبتككك زوجني بنتك ترا هذي اخر فرصه وان قاله ابوي انكك رفضتيه بكره تسمعين خبر ملكته ي مني ي من غيري من البنات .. وترا مشاري مانقول انه نفس عزام اللي كلن ميت عليه ولكن نفس الشخصيه تقريباً ..
اميره لفت عليها : لا تحطين مشاري وعزام بنفس الكف . عزام البنات يخطبونه هو مايخطب .. بعدين لو ترفضه وحده مستحيل يرجع لها مره ثانيه لو حبها مقطعه وحتى لو وافقت مايرجع لها من قو عزة نفسه
شهد : انتم طايرين بهذا اللي اسمه عزام على ايش ي ربي .. هاه بانت سواياه خارووووووووووووف
اميرهه : اسكتي وولو يحصل لك هالخروف كان انتي الحين رافعه خشمك فوق جعله للقص
أنت تقرأ
يا شوق تكفى لا تخليه يرتاح يا شوق تكفى عذبه بغيابي
Romanceللكاتبة / Meejo_1(مميزه ) منقولة
