زواج مزيف

البارت الاول

كل فتاه تحلم من صغرها بفستان الزفاف والطرحه البيضاء وتتخيل نفسها وهي ترتديه فتظل تحلم بهذا اليوم والذي ستقرر فيه الارتباط بمن أحبت وملك قلبها والذي ستكرث حياتها لأجله ولأجل أن تحقق معه كل أحلامها وتضع آمالا كبيره وتخيلات لحياتها المستقبليه،فتنظر لمرآه وتري نفسها بشكل مختلف قلبها يتطاير من السعاده منتظره مرور الوقت سريعا حته تبقي معه لابد ولكن ماذا يحدث اذا لم يتحقق ماتخيله الشخص ومااراده وحدث شئ آخر لم يكن يتوقعه ليحول هذا اليوم السعيد الي يوم أصبح يقال عنه اليوم الاسود
                          ✨✨✨
حسين:هو الجد الاكبر لعائله يبلغ من العمر85وهو شخصيه طيبه يحب أحفاده أكثر من أولاده ويحلم أن يحققوا أحلامه التي انتظر أن يحققها أولاده ولم يفعلوا ويحب سيلا اكثر شئ لانه كان يتمني أن الله يرزقه ببنت ولكن لم يرزق
                         ✨✨✨
سيلا:فتاه عفويه كثيرا فأحيانا لاتعي ماتقول تبلغ من العمر24سنه ذات عيون خضراء وشعر بني ومتوسطه الطول خريجه كليه اعلام
                        ✨✨✨
مالك:ابن عم سيلا وهو شخصيه تمتزج بين الجديه والمرح والعفويه قليلا فهو يفصل بين عمله وحياته ذات العيون العسليه والشعر البني والبشره القمحيه الفاتحه يبلغ من العمر28وهو مهندس
                        ✨✨✨
مروان:اخو مالك يبلغ من العمر26وهو شخصيه مرحه أكثر من أنها جديه فهو يحب المزاح وذات عيون بنيه وشعر بني فاتح وبشره قمحيه فاتحه وهو مصمم
                        ✨✨✨
جاسر:ابن خاله سيلا يبلغ من العمر27خريج كليه اعلام ويعمل في نفس مكان سيلا وهنعرف السبب بعدين هو شخصيه غامضه نوعا ما وخبيثه
                        ✨✨✨
لارا:صديقه سيلا المقربه ويعتبروا مثل الإخوات هي تكبر سيلا بشهرين وشخصيتها مقاربه لسيلا ذات العيون البنيه والشعر البني المائل لاحمرار قليلا وبشره بيضاء وهي محاميه
                        ✨✨✨
لينا:صديقتهم الثالثه فهو ثلاث اصدقاء مثل الإخوات يشاركون بعض اغلب وقتهم وهي بنفس عمر سيلا باختلاف ايام قليله بينهم شخصيه محبوبه ومرحه ذات العيون الرماديه والشعر البني الغامق وقامت متوسطه وترتدي نظاره وهي دكتوره امراض نفسيه
                       ✨✨✨
مراد:هو ابن خال مالك ومروان ويعتبر اخوهم بالرضاعه فاهله توفوا وهو رضيع فتولت تربيته خالته هدي مع مالك لانه بنفس سنه ولكنه اصغر بايام وهو شخصيه عفويه ذات العيون الزرقاء والشعر البني والبشره البيضاء وهو دكتور امراض نفسيه
                       ✨✨✨
نيرمان:ام سيلا ولكن تعتبر بعيده عن هذا بكثير فهي تهتم بحالها أكثر وزاد الموضوع سوءا بعد موت زوجها
                       ✨✨✨
هدي:زوجه محمود السابقه فهي انفصلت عنه بعد إنجابها لمروان بخمس سنين بس ظلت بالبيت لأجل اولادها وأنها لاتبتعد عنهم وده كان قرار حسين علي عكس رغبه ابنه هي امرأة طيبه ولكنها عصبيه قليلا تبلغ من العمر54عاما
                      ✨✨✨
محمود:الابن الأكبر لعائله الشافعي هو شخصيه عصبيه لحد كبير لايهتم سوا بنفسه لايهتم باولاده الا لوكان هناك شئ به مصلحه له يبلغ من العمر60عاما
                     ✨✨✨
مروه:زوجه محمود الثانيه الذي احبها وتزوجها ولها بنت من زواج سابق تدعي جاسي وهي فتاه مغروره مثل امها تحب نفسها والأموال كثيرا وامها تسعي لتزوجها لمالك
                  ✨✨✨✨✨✨
سيلا بعفوية:واخيرا استفردت بالمطبخ وخدت شويه بطاطس اللي كنت حمرتهم وقعدت علي الرخامه وفي حضني كيس شبسي
نيرمان بصدمه:سيلا انتي بتعملي ايه انتي عارفه ده فيه كم كرويلز قد ايه وفرحك بعد يومين مش قولت ممنوع الحاجات ديه والمفروض تكوني في اوضتك بتهتمي بنفسك
سيلا:باااس اهدي لسه يومين فرحي مش بكره ده غير أن لاتقلقي الاكل ده مش بيتخني هاتي بقي الشكولاته اللي في التلاجه
نيرمان بعصبيه:اطلعي بررررره ياسيلا وكمان عايزه شكولاته
سيلا بتذمر طفولي:دبدبت برجلي علي الارض بتذمر اوف معرفتش اخدها واتجهت لصالون بالاكل اللي كان معايا🥺
مالك:طيب اعزمي طيب هاتي شويه
سيلا:لا دول يكفوني بالعافيه اصلا اعاااا ماما طردتني من المطبخ🥺، وبعدين انت بتعمل ايه هنا مش عندك شغل ياابن عمي
مالك بضحكه خافته:معلش هي أول مره يعني وبعدين كل ده ويكفوكي بالعافيه مفجوعه مع ذلك مبيظهرش عليكي😂عمتا جدك مرضيش اروح الشركه عشان فرحك اللي فاضل عليه يومين اللي هو انتي اللي هتتجوزي مش أنا بس نقول ايه بقي،اهو كلها يومين ونخلص من دوشتك
سيلا بضحك:لاياجدع من ورا قلبك عارفه هتفتقد وجودي عشان كده هاجي اقرفكم كل شويه مش معقول مزهقكش انت.ولامراد ولامروان مثلا وجدي وبعدين بيتي مش بعيد عن هنا😌
مالك بسخريه:وجاسر حبيب قلبك هيسيبك عادي كده
سيلا بابتسامه:جسوره حبيبي عارف أن عائلتي فوق كل شئ المفروض اروح شغلي لأن لازم
مالك:سيلا جدك مرضيش اروح انا شغلي هيرضي يخليكي انتي
سيلا:اعتبره اخر طلب ليا وبعد كده هتخلص مني وهو انك تداري عليا لحد ماارجع بليز يامالك أو أقوله أن نزلت مع لارا ولينا نجيب حاجات خاصه بالفرح
مالك:قدامك ساعه بس لواتاخرتي مليش فيه تمام وده هيبقي عشان اخر طلب
سيلا بفرحه:شكرا يامالك حضنته سريعا وبعدت بجد مش هتاخر ساعه بس وخرجت سريعا
مالك بضحك علي تصرفاتها:طيب اهدي يامجنونه بعد مامشيت اتجهت لمطبخ لعمل قهوه فلقتها واقفه لسه هتكلم
هدي:امال مروان هيرجع أمتي
مالك بنبره جامده تخفي الكثير:هيجي بعد يومين علي فرح سيلا لوحابه اساعدك وروحي ارتاحي ياماما
هدي بجمود:لاشكرا روح شوف وراك ايه يامالك بصحيح جدك كان عايزك
مالك:تمام عن اذنك
                      ✨✨✨✨✨
سيلا بحماس:جسوره حبيبي اهو شوفت قولتلك أن هعرف اجي
جاسر بابتسامه:اممم وطلعتي بحجه ايه
سيلا بعفوية:شغل واقنعت مالك أن يقول لجدو أن نزلت مع صحبتي اجيب شويه حاجات وهو وافق
جاسر:مش كنتي مش علي وفاق مع مالك ايه اللي اتغير
سيلا بابتسامه:عادي هو ابن عمي في النهايه وعايشين مع بعض اه مبنتفقش في معظم الأحوال بس هو مش وحش
جاسر:بس انا مش بحب مالك ياسيلا
سيلا:مش هنخلص من الحوار اللي بينكم بقي ياجاسر
جاسر:يعني انتي شايفه اللي عمله صح انو ضربني وانتي موقفتيش معايا
سيلا بجديه:ليه مصمم تفتح موضوع فات عليه شهر
وانت عارف هو عمل كده ليه ياجاسر
جاسر بجمود:يعني انتي لسه مأيداه في اللي عمله رغم انك كنتي المفروض تقطعي علاقتك بيه حته لوكان ابن عمك فأنا ابن خالتك برضو وخطيبك اللي فاضل يومين ونتجوز وتبقي مراتي
سيلا بعفوية:جاسر انت عارف انو مالك كان صح وقتها انت في يومها مكنتش في وعيك وتقربك مني وحاولت امنعك ومعرفتش ممكن تفهمني كان هيحصل ايه لومكنش مالك موجود وقتها
جاسر:بس هو مكنش ليه أن يدخل يحصل اللي كان يحصل في الاخر هتكوني مراتي ولاايه
سيلا:طيب ننهي الموضوع علي كده عشان مش حبه نتخانق ياجاسر تصرفك اللي كان غلط فمش تبرره بالمنظر ده انت عارف اني بحبك بس انا مستحيل كنت اوافق علي حاجه زي كده حته لوجوازنا بعد شهر واتمني الموضوع ميتفتحش تاني عن اذنك وسبته واتجهت لسياره متجه لبيت
جاسر بابتسامه خبيثه:ماشي ياسيلا هانت وان ماوريتك تمن اللي حصل غالي اوي
                        ✨✨✨✨
مالك:اتجهت لغرفته ازيك ياجدي اخبار صحتك ايه
حسين:الحمدلله مش ناوي كمان تشوفلك عروسه وابقي ارتحت منك ومن سيلا
مالك بضحك:لامتقلقش هترتاح من سيلا وهفضلك أنا أقوم بواجبنا احنا الاتنين انا ومروان ومراد شويه 😂
حسين بابتسامه:بس انا عايز اطمن عليك يامالك متعقدش حياتك مش عشان حياه اهلك وعلاقتهم ببعض مش كويسه يبقي تحكم علي نفسك بكده
مالك بتنهد:بص ياجدي انت عارف اللي فيها بجد صعب بالنسبالي أن أفكر في الجواز أنا اتعقدت شايف أن مش مؤهل أن ارتبط بواحده واكون اسره
حسين:وياترا شايف كده ليه يامالك انت بنات كتير تتمناك يابني انت مش وحش زي مانت شايف نفسك
مالك:بس ديه شكليات ياجدي أنا مش كويس من جوا مش عايز يجي يوم وبسبب مشاكلي النفسيه واللي مريت بيه اعذب أو اجي علي اللي هرتبط بيها ولااذي اولادي من غير مااحس ياريت تفهمني لمااحس أن مؤهل نفسيا بده هاخد خطوه
حسين بابتسامه:نصيحه يامالك انسي الماضي وبص لقدام انت مش عارف أمتي قلبك هيتعلق بشخص وقتها صعب تقدر تاذيه معني انك بتفكر في كده فمستحيل تكون اناني في يوم يابني العمر بيجري عمتا فين سيلا مجنونه البيت
مالك:حاضر ياجدي هفكر،راحت تشتري حاجه مع صحبتها تخص الفرح وكده
حسين بابتسامه:اممم ربنا يسعدها هفتقدها جدا هي وجنانها عامله حس لبيت وخناقتكم اليوميه تفتكر أنها خدت قرارها الصح يعني جاسر فعلا كويس
مالك بتنهد:هو قريبها وبتحبه بقالها فتره طويله وهو اه أنا مش بحبه ومش علي وفاق معاه بس هي نظرتها مختلفه ريح نفسك هو اصلا كلها يومين اتاخر الوقت علي الكلام ده
حسين:قلبي مش مرتاح وربنا يستر يابني
                     ✨✨✨✨
سيلا:عملت قهوه واتجهت لسطح المنزل مكان مابيكون ممكن نتكلم شويه يامالك وجبتلك قهوه كمان معايا
مالك بضحك ممزوج باستغراب:تتكلمي معايا وكمان جيبالي قهوه انتي سخنه يابنتي😂
سيلا بتنهد:اديته المج بتاعه بتكلم جد مش بهزر يامالك اتكلم مع جاسر وحلوا الخلاف اللي بينكم
مالك:انتي عارفه أن مبناش خلاف بسيط كلامي معاه مش هيفيد بس واضح انك قابلتيه مش كنتي رايحه شغلك وكدبتي رغم أن فاضل يومين علي فرحك ياسيلا
سيلا:ايوه قابلته بس انا عايزه الخلاف اللي بينكم يتحل والموضوع ينتهي
مالك بجديه:اسف ياسيلا بس انتي عارفه أن مبطقش جاسر وبعدين مغلطتش في تصرفي وقتها عشان اتكلم معاه الا لوانتي شايفه أن مكنش ينفع ادخل وقتها
سيلا بعفوية:مقولتش كده انا مغلطتكش بس
مالك بابتسامه:خلاص يبقي تقفلي علي الحوار ياسيلا وركزي في فرحك وبس،وهقول حاجه ياتتقبليها او لا خلي بالك من جاسر،هوانا مش هتسمم من القهوه
سيلا بغيظ:مش مسامحه وانا اللي قولت اعملك قهوه لمره الاخيره😒😒
مالك بضحك:خلاص اهدي هشربها خدت بوق وبصقته ايه ده ياسيلا حد يعمل قهوه بملح الله يخربيت المسلسلات التركي اللي لسعت دماغك🙄
سيلا بعدم فهم:ملح ايه وخدت بق فلقيت كلامه صح وبصقته وخبطت علي جبهتي بكفي اوف لغبطت بين برطمان السكر ببرطمان الملح بتحصل يعني😅
مالك بسخريه:معاكي مستبعدش فخور بيكي ياسيلا الحقيقي مش عارفه الفرق بين الملح والسكر😏
سيلا:لااكيد عارفه بس سرحت شويه فمخدتش بالي يامالك بسيطه يعني هي أول مصيبه اعملها😅
مالك بضحك:لاوجهه نظر انتي فعلا مصيبه ياسيلا الملح مش هيبقي اسوء من انك دلقتيها عليا قبل كده وحرقتيني😒😂
سيلا بضحك:قلبك اسود اوي كانت حادثه بريئه مره في حياتك افتكرني بحاجه عدله😅
مالك بضحكه خافته:بماني هخلص منك فهحاول افتكرك بحاجه كويسه ياسيلا وامري لله ربنا يعديها علي خير ومنلقكيش مشرفه معانا تاني😂
سيلا بابتسامه:لاتقلق مستحيل جاسر حبيبي يتخلي عني مهما عملت🥰
                     ✨✨✨✨
بعد يومين وهو يوم فرح سيلا والذي كان بقاعه مفتوحه علي البحر بس هما لسه بالبيت وحل الليل،نيرمان بابتسامه:قمر ياحبيبتي ربنا يحميكي
سيلا بفرحه:ميرسي
نيرمان:هروح اشوف باقي التجهيزات متتحركيش من هنا خليكي عاقله انهارده
سيلا بابتسامه:تمام بعد مامشيت وقفت قدام المرايه فااخيرا اتي اليوم التي حلمت بيه من طفولتي كم تخيلت شكلي بفستان الزفاف والطرحه البيضاء، فجاسر حب طفولتي وانهارده مش هيبقي ابن خالتي وحبيبي وبس هيبقي جوزي وهبقي علي اسمه يااه تبقي ساعه علي المعاد المحدد وهو علي وشك الوصول قطع شرودي دخوله
مالك بضحك:اهدي علي نفسك مش كده يامجنونه ورحت قعدت علي طرف السرير بس نخلينا نعترف انك طالعه حلوه انهارده بزياده
سيلا بتعجب:واو مالك الشافعي بيمدحني جديده ديه بس معني كلامك أن مكنتش حلوه قبل كده
مالك بابتسامه:مين قال انتي طول عمرك حلوه وحاليا الفستان طالعه فيه قمر بجد زي الملائكه جاسر محظوظ انك في حياته وانك بتحبيه باستثناء جنانك طبعا😂
سيلا بتذمر:نفسي مره تكمل حاجه عدله لآخر يامالك
مالك بضحك:مقدرش ياسيلا تبقي حاجه غلط في الحياه كلها ساعات وترجع السكينه لبيت
سيلا بضيق:مسكت مخده وحدفته بيها بقي كده طيب امشي من هنا احسن اوف اتجهت صديقتاي ليا بعد ماخرج كنتوا فين يالارا ويالينا فلمحت مروان وراهم كمان
مروان بإعجاب وتصفير:ايه المزه ديه ياختاااي انا لومن جاسر اخطفك من الحفله😉
لارا بضحك:اجدع حاجه قولتها في حياتك يامروان
لينا بضحكه خافته:حصل الفستان قمر عليكي اوي واخيرا هنفرح بواحده فينا ورحت حضنتها
سيلا بضحكه خجله:حبيبي عقبالك وضمتها وبعدت اتلموا انتوا الاتنين بقي وانت ليك وحشه ياعم مروان كنت فكراك مش هتيجي🥺
مروان بابتسامه:أنا أقدر برضو مجيش وأحضر فرحك ياسيلا وابقي معاكي وجنبك
سيلا:ربنا يخليك ليا يسطا منتحرمش منك فين الزفت التاني
لارا بضحك:بااااس دراما لوعيطت الميكب هيبوظ وانت هتكون السبب وهقتلك🙄
مروان:لاخلاص اهدي عشان صحبتك ممكن تقتلني وانا لسه صغير علي كده😅وبمناسبه الزفت التاني اللي نفسي في مره تحترمينا وأننا اكبر منك بس اشطا ملكيش غير مالك واللهي معلمك الادب عمتا هو في المستشفي وقالي هيطلع علي القاعه علطول معرفش يطلع بدري
سيلا بضحك:بسيطه اهو لوقتلتك هنكون خلصنا من واحد اتفضل اتنين عشان تبقي تقول كده عني تاني وكمان مراد حسابه معايا ملقاش غير يوم فرحي عشان يتأخر في المستشفي منه لله😒وهو مش المفروض اتاخرنا وجاسر يكون جيه
لارا بابتسامه:ممكن الطريق تأخير نص ساعه مش ازمه بصي اهي عربيته وصلت قلقتي علي الفاضي تعالي واتجهنا لخارج
حسين:ايه اللي اخرك يابني ومامتك راحت علي القاعه ولاايه
نيرمان:فين سمر ياجاسر وكمان انت مش جاهز ليه احنا اتاخرنا علي الفرح
جاسر بجمود:هجهز ليه ياخالتي فيه سبب
نيرمان:انت ناسي أن فرحك انت وسيلا انهارده والمفروض اتاخرنا
جاسر بخبث:ومين قالك ياخالتي أن هتجوز سيلا ولافرحي انهارده
سيلا بضحكه قلقه اثر تغير ملامحه:قربت منه ومسكته من طرف الشميز جاسر انت بتهزر صح كالعاده بس قديمه ياجاسر😅
جاسر بجمود:بس انا مش بهزر سيلا ورحت شديت ايديها ابعدي عني وزقتها 
مالك بعصبيه:كانت هتقع اثر مازقها فلحقتها سيلا انتي كويسه هزت راسها سبتها واتجهت عنده انت مجنون فيه حد يتصرف كده مع اللي مفروض هتبقي مراته وبيحبها
جاسر:بس سيلا مستحيل تبقي مراتي ولاانا كمان بحبها والجوازه ديه مش هتم .......
يكمل

اتمني الروايه تكون حلوه وتعجبكم بمان انا في اجازه وموريش حاجه فهنزل بارت يوم اه ويوم لا ولوخلصته قبل كده هنزل برضو😂❤️