جاسر بعدم فهم:متوقفه عليا أنا ازاي يعني مش فاهم
مروه بابتسامه:هقولك.....
جاسر بابتسامه:امممم حلوه الخطه وتبقي مضمونه اكتر احيكي علي ذكائك يامدام مروه بس هنفذها امتي
مروه بخبث:بعد يومين هتكون المفاجئه الكبري ليهم
✨✨✨✨
تاني يوم الصبح،لارا:قومي بقي ياسيلاااا يخربيتك فتحت الموبايل علي اغنيه عاليه جنب أذنها
سيلا بفزع:اعااااا في ايه لحد مااستوعبت اللي عملته منك لله يالارا طلعتيلي منين حد يفزع حد كده
لارا:عايزاكي في موضوع مهم
سيلا:جيالي تفزعيني عشان موضوع مهم منك لله سبيني افوق طيب أو انام شويه وبعدين افوق لصياحك علي الشغل😴
لارا:لاهو الموضوع ملهوش علاقه بالشغل المرادي ليه علاقه بمروان
سيلا بعدم فهم:مال مروان مش فاهمه مالواد طيب اه هو مجنون سيكا أو سيكات بس ايه اتخانقتوا😕
لارا:لاهحكيلك اللي حصل بحاول استوعب بس مش قادره من امبارح
سيلا:لاكده قلقتيني قولي
لارا:حكتلها علي الحوار بتاع امبارح
سيلا بضحك:الواد اتقدملك ايه المشكله مش فاهم ده انتي كنتي مستنيه اليوم ده😂
لارا:لا ياسيلا كنت مستنيه اليوم ده بس اللي يحبني فيه ومن كتر حبيباته وانو دائما شايفني صديقته تناسيت الموضوع لكن ارتباط لمجرد اني اقرب حد ليه أو أنه عايز يستقر فلا مش هقدر اتجرح تاني فهماني
سيلا:امم فهماكي بس هو ممكن يكون ابتدي يحس بحاجه ناحيتك خارج نطاق الصداقه يعني مروان اتغير بس لوحط الموضوع في دماغه في هيفضل وراكي ليه متفكريش
لارا:لا ياسيلا مش هفكر ويعمل اللي بعمله مش هغير قراري أنا معدتش بحبه ولايفرق معايا
سيلا بسخرية:اه مهو واضح ده انتي بيبقي وشك هيقلب قلب لما بتكلموا مع بعض أما الصداقه ديه غريبه ياجدع😏
لارا:انتي غلطانه علفكره أنا بطلت احب مروان معدش يفرق معايا يرجع للي كان فيه او لا لكن مش هكون مجرد انو عشان شايف نفسه حابب يستقر وان الوحيده اللي اقدر استحمله وافهمه ده مش سبب لارتباط اصلا
سيلا:هحاول اصدق اللي بتقوليه اه ياني عايزه انام
لارا بقلق:لمحت ايديها مالها عملتي ايه عشان كده لفاها كلها بالشاش
سيلا بضحك:لا ده جرح بسيط مش واخده بالك ان فيه حاجات مفقوده في الاوضه😂
لارا:اه بس افتكرتكم يعني غيرتوا في حاجات وشيلتوها بس ايه بهدل المرايه كده
سيلا:بعيد عنك أنا مرمطت بكرامه الاوضه الأرض وجرحت ايدي وكانت كلها زجاج مكسور امبارح
لارا بدهشه:انتي ياسيلا من أمتي يابنتي العصبيه ديه كلها انتي عمرك ماكنتي كده
سيلا بتنهد:مش بايدي يالارا محستش بنفسي اتخانقت مع مدام ناريمان جامد هحكيلك وقولتلها علي كل حاجه بس فااتعصبت وعملت كده
لارا:امممم واضح أن قعدتك مع مالك أثرت عليكي في ردود أفعالك أو بسبب الظروف اللي مريتي بيها
مش عارفه احدد لو كانت معانا لينا حاليا كانت حللت تصرفاتك😂
سيلا بضحك:اه فكرتيني بيها وحشتني بس مش عارفه اوصلها اتمني تكون كويسه افوق بس واشوفها مختفيه فين
✨✨✨✨
بعد مرور يومين علي ماحدث،لينا:صحيت اثر ضوضاء عاليه اوف حرام مينفعش انام زي البنأدمين حته يوم إجازتي الوحيد صحيت بدري بصيت في الساعه لقيتها١١اوف اعتدلت في قعدتي وبركز فقدرت اميز الصوت ينهار ازرق ده صوت مازن غيرت هدومي ولميت شعري وطلعت
مازن بسخريه:اخيرا الهانم صحيت
لينا بعصبية:بتهبب ايه في بيتي يامازن
مازن:جاي افضحك انتي وحبيبك الدكتور مش معني أن سكت بعد ماشوفتكم من يومين أن خوفت من تهديده ليا بس قولت لازم اجيب دليل معايا اتكلمي
الجاره:ايوه فعلا يامدام مني أنا شوفت بنتك كذه مره مع شاب ده وكان بيوصلها
لينا بعصبية:بس كفايه انت واحد واطي يامازن ماما متصدقيش اللي بيقولوه ده انا هفهمك
مازن بسخريه:متصدقش ايه بالظبط يالينا الكل بقي عارف وسمعتك بقت علي كل لسان ادي آخره اللي تتربي من غير راجل رفضتيني عشان تمشي مع واحد اغني مني الحمدلله انك موافقتيش ميشرفنيش تبقي مراتي حته يالينا انتي أقل من أن حد زيه يعبرك تلقيه بيتسلي بيكي ولما هيزهق هيرميكي رميه الكلاب
لينا بعصبية مفرطه:سحبت السكينه من ورايا كانت في طبق الفاكهه اخرس خالص بدل ماصدقني هقتلك هنا ومحدش هيعرف ينقذك من تحت ايدي فاهم وكنت حاطه السكينه في وجهه أنا اشرف منك اصلا واللي انت بتغلط في تربيتها ليا ربيتني احسن تربيه احسن من ناس معدتش علي ريحه التربيه بتتبلي علي غيرها عشان عقده نقص أو أنها اترفضت فاكر نفسك كده بقيت راجل باللي عملته ده انت ولاحاجه يامازن
مازن بعصبيه:أن ماربيتك واديتك علقه عشان لسانك الطويل ده
لينا بسخريه:اعملها يامازن جيه يقرب روحت ضرباه وجبته الأرض حد ناوي يقرب ويجرب تاني فالكل أتراجع بخوف
مني:باااااس يالينا وانت يامازن واللي جيبهم معاك انت عمرك ماتستاهل بنتي اصلا هي جوهره وانت متسحقهاش أنا غلطانه أن فكرتك شخص كويس
مازن بسخريه:مدام مني قبل مالغرور ياكلك بنتك هتفضل جنبك اصلا محدش هيبص في وشها لأنها ولاحاجه هي الخسرانه مش أنا وقتها هتترجاني اني اقبلها وانا وقتها مش هعبرها لأنها متستحقش
مني بجمود:خلصت كل ده في احلامك يامازن وعمره ماهيحصل عارف ليه لان لينا متقدملها عريس وانا وافقت عليه شخص عارف قيمتها وبيحبها مش عشان رفضته باحترام الرجوله خدته وفضحها بحاجه محصلتش ده إذا فيه رجوله اصلا واتفضل اطلع بره بيتي ومتجيش تاني واه ميشرفنيش أن اي حد من اللي وقفوا ضد بنتي وصدقوا كلامك واتكلموا في حقها أن يحضروا خطوبتها اطلعوا بره بدل صدقوني هطلبلكم الشرطه
لينا:بعد ماخرجوا ماما اهدي عشان متتعبيش أنا هروح اجبلك عصير لقيتها مسكت ايدي فيه حاجه تعبانه اكلم الدكتور
مني:أنا كويسه بس عايزاكي تجهزي الشاب جاي بليل يتكلم معاكي ونحدد معاد الخطوبه
لينا بدهشه:ماما انتي بتهزري هما مشيوا علي فكره مفيش غيري بتقولي كده ليه
مني:بس انا مبهزرش وكنت بتكلم جد مش بكدب فيه شاب متقدملك وانا وافقت عليه هو معجب بيكي واتكلم معايا وشيفاه مناسب
لينا بضيق:بس انا مش موافقه أن ارتبط خدتي رأي قبل ماتوافقي طيب ليه عملتي كده
مني بحزم:لينا أنا خدت قراري أنا عملت الأصلح ليكي تهربك من الموضوع مش هيخلص ده غير لوحاولتي تطفشيه أو تعملي حاجه انسي ان امك عايشه يا لينا
✨✨✨✨
سيلا:كنت مشغوله بعمل حاجه علي الاب مفوقتش من شرودي غير انو طبع قبله علي خدي فابتسمت وبصتله ينفع تقطع تركيزي كده👀
مالك:اووووه براحتي علفكره أنا مديرك واقاطعك في أي وقت وباي طريقه😉وقعدت جنبها حلو اوي التصميم فيه ناس بقت شاطره واتعلمت بسرعه ولاايه
سيلا بضحك:اه مااحنا في زمن السرعه بقي وبعدين أنا لسه ببدع انتظرني هفاجئك ومش من حقك تقاطعني يامستر مالك ولاباي شكل😌لقيته شال الاب من علي رجلي وحط رأسه
مالك بعفوية:داعبت وجنتيها لابراحتي علفكره مهو مش انتي تيجي تزهقيني وتطلعيني عن شعوري وانا لا
سيلا بتذمر:عيب عليك أنا ملاك مبعملش حاجه😇لقيته رفعلي حاجبه احم مش اوي يعني بس الله متنكرش اني بسليك عشان بحسك زهقان ياعيني ومحتاج حد يطلع عينك لقيته ضحك فشردت في ضحكته فكانت جميله فهي تجعله اجمل مما هو عليه
مالك بضحك:لاالصراحه مقدرش أنكر عاميلك ياسيلا وجنانك😂
سيلا بعفوية:مش غريبه راجع البيت بدري مش عادتك
مالك:اممم خلصت بدري فقولت ارجع هقعد ليه يعني بس ليه سؤالك
سيلا:سؤال بلاهدف و...قبل مااكمل لقيت صوت حاجه وقعت فااتخضيت ايه الصوت ده
مالك:غالبا مصيبه جديده او لا مش عارف هروح اشوف في أيه واتجهت لخارج أنا وسيلا هو في ايه
سيلا بصدمه:جااااسر
✨✨✨✨
في الشركه،مروان:رأيتها قعده مع يوسف فهو يعمل هنا وبيهزروا مع بعض وبيضحكوا فااتضايقت فهي لم تكلمني منذ يومين وها هي تضحك مع غيري دخلت المكتب متهيالي أن المكان هنا لشغل مش لهزار ولاايه يااستاذ يوسف
يوسف:احم مستر مروان أنا آسف عن اذنك
لارا بضيق:ليه احرجته كده
مروان بغيره حاول اخفائها:هنا مكان شغل مش هزار وضحك وصوتكم جايب اخر الدنيا يالارا وبعدين خلصتي
لارا بعدم اكتراث:صوتنا مكنش جايب اخر الدنيا علفكره وبعدين لالسالي شويه روح انت
مروان بضيق:لارا انتي بقالك يومين مبتكلمنيش وبتعامليني كده ليه
لارا:عشان انت عارف السبب يامروان ده غير أن مليش مزاج اكلم حد وجيت الشغل عشان ورايا حاجات كتير مش اكتر
مروان بغيظ:مهو واضح فعلا انك ملكيش مزاج تكلمي حد من ضحكك وهزارك وبعدين انا مغلطتش في اللي قولته
لارا:وقفت قدامه لاغلطت يامروان أنا مش وسيله عشان تنسي حبيباتك اللي ملهمش حصر ولاانا عشان اقرب حد ليك يبقي نرتبط انت مبتشوفنيش غير صديقه ليك وده بحكم أن اعرفك من سنين وشبه متربين مع بعض وانا مش هستني لما تكتشف انك غلطان وان صعب تعتبرني حاجه تانيه غير صديقتك
انت حاليا لقيت نفسك زهقان فمقدمكش غيري لكن يوم ماهتلقي واحده تانيه وهتحبها هتسيبني وتكتشف قد ايه كنت غلطان
مروان بنفاذ صبر:بجد انتي شيفاني كده يالارا انا مش شخص وحش لدرجاتي منكرش أن فيه فتره كنت كل شويه مع بنت بس انا كنت بضيع وقت مش معناها أن حبيتهم كلهم انتي بالنسبالي غيرهم يالارا وبقالي فتره بحس بمشاعر ناحيتك بس انتي ولاالهوا ملاحظتيش تغير تصرفاتي انتي اللي دايما معتبراني صديق مش اكتر حاولت أشد انتباهك بكذه طريقه الفتره الاخيره بس انتي ولااي تأثير لمافتحتي الموضوع من يومين علي سبيل الهزار جاوبتك بس بطريقه مختلفه بس تفرحي زي الناس الطبيعيه لا طبعا حللتي الموضوع وفهمتيه علي مزاجك منا هقول ايه منا حبيت محاميه مجنونه بتتعامل معايا ومع تصرفاتي علي أساس أنها قضيه بتحللها
✨✨✨✨
مني:لينا جهزتي ولبستي اللي قولتي عليه
لينا بضيق:اه ياماما لبست الفستان البيبي بلو بس انا مش حباه عشان خاطري ارجعي في قرارك أنا مش عايزه أقابله
مني:اتاكدت من قماشه الفستان انو هو فعلا لينا أنا خدت قراري ياريت تحترميه ومتحرجنيش قدام حد أنا مش حمل ده وانتي عارفه كويس وافرضي شعرك بدل الكحكه اللي مبتغيرهاش واقلعي النضاره خليكي انسانه طبيعيه ليوم
لينا:انتي عرفتي منين طيب اوف رحت فردت شعري ولبست لينسيز بدل النضاره فكانت تظهر لون عيناي اوف ياربي منك لله يامازن وعريس الندامه اللي جاي سمعت صوت الباب وبعد شويه ماما جاتلي
مني:هسيبك تقعدي معاه لوحدكم خدي العصير وروحي صدقيني يالينا لوعملتي مشاكل
لينا بتنهد:خلاص ياماما اهدي مش هعمل حاجه ورحت جبت العصير واتجهت لهناك فلم انظر لوجهه
مراد بإعجاب:فلاول مره اراها بهذا الشكل فهي تبدو كالاميرات بهذا الفستان الرقيق وشعرها الطويل الناعم
لينا:رجلي اتلوت بسبب الكعب مش متعوده عليه فاادلقت عليه يانهار ازرق أنا اسفه وبعدين شوفت وجهه مراد؟!!!بتعمل ايه هنا
مراد:يخربيت كده يالينا مره في حياتك كملي حاجه لاخرها لقيتها حطت ايديها علي فمي
لينا بتوتر:وطي صوتك ماما لوسمعتك هتفتكر أن عملت كده عن قصد وانا رجلي اتلوت مش اكتر عشان مش متعوده علي الكعب لاحظت قربي منه فبعدت بس ممكن افهم انت بتعمل ايه هنا يامراد😒
مراد:خدت منديل نضفت بيه شويه القميص مش واضح بعمل ايه هنا ولاايه تمام عشان اخلص توترك وحيرتك ديه أنا اتقدمتلك يالينا عشان كده انا هنا
لينا:وده حصل أمتي وازاي متقوليش
مراد بضحك:قولت اخليها مفاجئه اعرفي بقيه التفاصيل من مامتك😂
لينا بضيق:مراد انت عارف أن مش عايزه ارتبط فااتراجع🙄
مراد بابتسامه:أنا كلمتي واحده ومبرجعش فيها يالينا وعارف انك مبتحبيش الارتباط بس انا مش هشكلك عائق يعني حياتك هتفضل زي ماهي بس فيه شويه تغيرات
لينا بعفويه:انت بتعمل كده ليه يامراد انت متعرفش عني حاجه اصلا لو علي المشكله قدره أن احلها أنا مش ضعيفه
مراد:فتره الخطوبه معملوله لتعارف برضو مش ازمه وحوار المشكله أنا عارف انك مش ضعيفه وقدره تحليها بس هي مش السبب الأساسي فاني اتقدمتلك
لينا بنفاذ صبر:امال ايه السبب الأساسي مهو اكيد موقعتش في حبي يعني وبعدين أنا مش مستعده لارتباط انت بتظلم نفسك يامراد ففكر تاني عشان متندمش بعدين
مراد بابتسامه:واللهي مش هقدر اقول وقعت في حبك عشان الوقت قصير بس انتي مش قليله عشان تلفتي الإنتباه وحد يعجب بيكي حته لوعامله في نفسك ايه عشان محدش يلاحظ ده
لينا باستنكار:يعني انت عايز تجوزني عشان شكلي تفكيركم كله واحد مظاهر وبس
مراد بعفوية:خلصتي هو لازم الاعجاب يبقي اعجاب لشكلك بس من وجهه نظرك أنا عارف الشكل مش دائم مسيره وقت ويتغير أنا مش انسان سطحي عشان افكر في كده منكرش أن فيه ناس كتير بتفكر كده بس مش معناه أن كلهم كده بالنسبالي حب المظاهر مش كافي لارتباط فيه حاجات تانيه ممكن تشد الشخص غير المظاهر يالينا
لينا:اومال ايه اللي خلاك تاخد الخطوه ديه رغم انك عارف اني رفضاها يامراد
مراد:.......
يكمل
أنت تقرأ
زواج مزيف
Fiction généraleكل فتاه تحلم من صغرها بفستان الزفاف والطرحه البيضاء وتتخيل نفسها وهي ترتديه فتظل تحلم بهذا اليوم والذي ستقرر فيه الارتباط بمن أحبت وملك قلبها والذي ستكرث حياتها لأجله ولأجل أن تحقق معه كل أحلامها وتضع آمالا كبيره وتخيلات لحياتها المستقبليه،فتنظر لمر...
