زواج مزيف

البارت الثامن

جاسر:بحب الصفقات بس قوليلي ايه هي
مروه:هقولك مش انت نفسك تنتقم من مالك عشان ضربه واهانته ليك
جاسر:اه بس انتي في دماغك ايه مالك مش شخصيه سهله يامدام مروه وهتستفيدي ايه من ده
مروه بابتسامه:هستفيد أن هكسر غروره وكبريائه وهندمه علي كلامه ليا وزي ماقدرت أخرجه من الشركه واقلب أبوه ضده اقدر اعمل اسوء من كده
جاسر:عايزه توصلي لايه بالظبط كنت فكرك أن نفسك تفرقيهم عشان تخلصي من سيلا ويتبقالك مالك تجوزيه لبنتك
مروه:مهو أنا هعمل ده كمان بس بعد مااضعف مالك شويه وعندي خطه حلوه هقولك عليه...
✨✨✨✨
حسين:سيلا صعب تكدبي عليا لاني عارفك كويس اكيد فيه حاجه خليتك تاخدي الخطوه ديه اي السبب
سيلا بتنهد:بسبب حلمي بيه
حسين:قصدك مين
سيلا بعفويه:بابا ياجدو حلمت بيه بعد وقت طويل
وحكتله اللي حصل ده سبب أن خدت قرار ووافقت
حسين بعفوية:بس يمكن مكنش قصده الشغل ياسيلا
سيلا:مش فاهمه
حسين:ابوكي الله يرحمه قبل الحادثه بيومين كان تقريبا قلبه حاسس باللي هيحصل وصاني عليكي ياسيلا وان اخلي بالي منك لحد مااجوزك لشخص اللي يقدر يحافظ عليكي وماياذكيش ساعت جوازك من جاسر كنت خايف لحسن يكون مش هو الشخص الصح واكون خونت امانه ابني بس وقتها كنت موافق لأن شوفتك سعيده وبتحبيه قولت يمكن انا الغلط بس طلعت صح جاسر عمره مااستاهلك ياسيلا مالك وقتها كان في أيده يرفض لانه مبيؤمنش بالارتباط اصلا بس
سيلا:أنا عارفه كل ده ياجدو بس وافق عشان كلامك ايه دخل ده في كلامي
حسين:اسمعيني لآخر موافقش عشان كلامي وبس وافق كمان عشان مكنش حابب تحصل فضيحه ليكي والامكنش قال قدام الكل انو بيحبك عشان يحل الموضوع يبقي مش عشان كلامي وبس، عارفه الاموات برضو بيحسوا بينا سعات بتجلنا اشاره بس مبنفهماش عشان مش حابينها،طريقك الصح هو حياتك ياسيلا مش شغلك وبس لان ده جزء من حياتك مهما انكرتي فهو قدرك واللي اموت وانا مرتاح وانتي معاه جربي علي أقل تكوني صديقه ليه
سيلا:بعد الشر عنك ياجدو وحضنته انت مش هتسيبني كمان مش كده🥺
حسين بضحكه خافته:أنا أقدر اسيب برضو حبيبتي المجنونه اللي يارب تعقل شويه في تصرفاتها مسحت علي خصلات شعرها حاولي تصالحي مالك ياسيلا
سيلا بابتسامه:حاضر ياجدو يلااسيبك ترتاح تصبح علي خير وسبته واتجهت لغرفه التانيه فالشقه بها غرفتين وصاله لقيته واقف في الشرفه فاتجهت ناحيته ممكن نتكلم
مالك:لا شنطه الهدوم اهي لوحابه تغيري هدومك وتنامي
سيلا بعفوية:مسكت أيده قبل مايمشي هتفضل تعاملني كده كتير عارفه أن غلطت اسفه بس انا بجد مضغوطه بقيت صعب أفسر الصح من الغلط كفايه اللي خسرته يامالك مش حابه اخسرك انت كمان سماح المرادي خلي قلبك كبير شويه مهو مش معقول اكبر مني بلاهدف كده
مالك:لسانك اطول منك ياسيلا😒مبتعرفيش تكملي حاجه عدله
سيلا بعفوية:هييي هعتبرها مسامحه💃ورحت اتشعلقت في رقبته وحضنته
مالك بابتسامه ارتسمت علي شفتيه اثر تصرفاتها:ضمتها ليا اكتر
سيلا باضطراب:جيت ابعد معرفتش احم مالك لقيته بعد عني عمتا خدت قراري أننا نخف خناقات شويه يعني يكفيك ويكفيني المشاكل اللي موجوده مش هنزودها علي بعض كمان فخلينا نعمل هدنه وخلينا اصدقاء
مالك باستغراب:ومن امتي كنتي مهتمه أن يكون بينا حوار او لا أو نكون اصدقاء حته ياسيلا مش غريبه قرارك ده لو ده نوع من احساسك بالذنب وعشان تصلحي اللي حصل اخر مره فمفيش داعي ياسيلا
سيلا بعفوية:مش يمكن كنت غبيه سيكا أن معملتش ده من زمان وقررت اغير ده دالوقتي اديني فرصه يعني أنا فعلا عايزه ده عشان انا قررت ابتدي حياه جديده بتغيير بعض من عيوبي القديمه وهي أن بحكم علي الناس وخلاص وفي خلال الشهر ده بصراحه اثبتلي أن كنت غلطانه اوعدك مخلكش تندم علي ده لقيته قرب مني وحاوط خصري وقربني منه
مالك بابتسامه:اممم معنديش مشكله مع طلبك ياسيلا بس بشرط
سيلا بتوتر اثر قربه منها:وايه هو..الشرط
مالك بابتسامه:ولاحاجه حاليا هتعرفي شرطي بعدين وميلت بالقرب من وجها وطبعت قبله علي خدها تصبحي علي خير سيلا
سيلا بصدمه اثر فعلته:حطيت ايدي علي خدي لقيت ابتسامه ارتسمت علي شفتاي فوقت من شرودي سيلا انتي اتجننتي علي الاخر فوقي بس ياترا هو ايه شرطه اللي قالي عليه بعدين🤔
✨✨✨✨
تاني يوم الصبح،لينا:كنت متجه مسرعه لداخل وبيدي سندوتش فلم الحق أن أفطر فجبته بالطريق لم انتبه لوجوده فاصتدمت به أنا والسندوتش وقع وانا كدت اقع اعااا بس لحقني وكان محاوط خصري وقريب مني منكرش ان شردت في جمال لون عينيه يخربيتك قمر بس فوقت علي صوته فعدلت نفسي وبعدت
مراد بغيظ:بتجري زي المجانين كده ليا يالينا حته وانتي لابسه النضاره مبتشوفيش قدامك بهدلتي القميص والبالطو😒
لينا:ماهما كويسين اهو ديه بقعه صغيره وبعدين مانت السبب كل حاجه عايزها علي الوقت بالظبط وسكت اثر انتباهي أننا بالمستشفي وعلي كلامي ايضا
مراد بضيق:مسمعش صوتك حصليني علي المكتب يالينا
لينا:بعد مامشي اه ياني مني لله هيشعلقني أو يتخلص مني مش عارفه اهئ اهئ اه يا صغيره علي البهدله يالوزه🥺واتجهت لمكتب بحذر ودخلت احم أنا اسفه هو يعني انفعلت سيكا لقيته بيقرب مني ففضلت ارجع لورا لحد مااصتدمت بالباب
مراد:اعمل فيكي ايه يالينا هااا انتي اكتر مصيبه قابلتها الحقيقه اعاقبك ازاي هاا كان يوم اسود لما قابلتك😕
لينا:مهو أنا مش قصدي اسفه يادكتور مراد هاخد بالي بعد كده
مراد بنفاذ صبر:لينا أنا جبت اخري من مصايبك ومبتعمليش حاجه من غير كارثه انا وانتي مختلفين صعب نكمل كده هكلم الدكتور ويبدل بينك وبين اي متدربه تانيه وترتاحي انتي وارتاح أنا
لينا بدموع:مقدرتش امسك نفسي وأبتديت اتخنق بالعياط اسفه يادكتور مراد صدقني اخر مره وهخلي بالي من تصرفاتي بعد كده انا انا مقصدتش اعمل اي حاجه من اللي حصلت
مراد:كنت اديتها ضهري بس لاحظت تغير نبره صوتها فلفيت لقيتها بتعيط وانفها ووجها احمر فقربت منها بهدوء اهدي يالينا
لينا بدموع:انا عارفه أن بعمل مصائب كتير وانك مش بطقني بس انا بجد مش بقصد أن اضايقك ولااعمل حاجه أنا تعبت كتير عقبال ماوصلت لهنا و..وانا بفشل فكل حاجه بعملها محدش بيطقني و...مقدرتش اتكلم من كتر دموعي فأنا شبه انهرت بالكامل
مراد بندم لما فعله:شديتها لحضني ششش اهدي يالينا أنا آسف معرفش فضلنا كده قد ايه بس فوقت اثر انها بعدت عني
لينا بتوتر:أنا..اسفه ولقيته مد ليا كوبايه مايه فشربت شويه وخلاني اقعد
مراد بابتسامه:جبت مناديل وادتهالها يرضي مين البهدله اللي عملتيها فيا ديه بقيت غرقان كاتشب وجبنه ودموع 😂
لينا بابتسامه اثر كلامه:اسفه علي البهدله ديه كلها وعلي اللي حصل من شويه🤧
مراد بعفوية:بالنسبه لبهدله خلاص فداكي بالنسبه للي حصل من شويه فااحيانا بنحتاج ده عشان نهدي شويه فورا يهمك وقربت منها وقلعتها النضاره ومسحت بقايا دموعها باصبعي بصي يالينا أنا بجد مكنتش متخيل أن كلامي يضايقك كده فاسف كنت المفروض مكلمكيش كده لمجرد حصل موقف او اتنين تمام باستثناء عفويتك ومصايبك يالينا فإنتي متفوقه وانا مش هنكر ده تمام مش هكلم الدكتور وعادي هتفضلي تحت مسئوليتي فتره تدريبك بس ممكن نسهل علي نفسنا الحوار اكتر
لينا:ازاي يعني🥺
مراد بابتسامه:يعني مثلا اعرف سبب تاخيرك ايه ونوصل لحل وسط وكمان مش هينفع نشتغل وانتي بالمنظر ده فناخد اجازه انهارده واعوضك عن السندوتش بتاعك اللي راح ضحيه ده وعياطك ده كله ومش باخد رايك هروح بس ابدل القميص ده وارجعلك
لينا بابتسامه:تمام بعد ماخرج اتنهدت فأنا لم انهار بهذا الشكل امام أي احد فلماذا حدث لي هذا وكيف هدأت بهذه السرعه في أحضانه فأنا عندما انفجر في البكاء صعب ان اتوقف سريعا فوقت من شرودي وعدلت شعري ولبست النضاره واتجهت لخارج
✨✨✨✨
سيلا:ابتديت افتح جفوني بهدوء فأنا نسيت أن اقفل الستاير فصحيت اثر اشعه الشمس ببص جنبي لقتني نائمه في حضن مالك اعاااا😰
مالك بفزع:في ايه يا مجنونه😶
سيلا:ايه اللي خلاك تيجي جنبي كده يامالك اقتلك دالوقتي
مالك بعفويه:خلصتي ديه الناحيه بتاعتي اصلا وانتي اللي بتتحركي كتير والسرير صغير اصلا وبعدين عادي مش ازمه يعني منك لله ياسيلا عشان قومتيني بسبب كده😒
سيلا:وانا هاجي جنبك اوي كده ليه يعني أنا مبتقلبش كتير تلقيك انت اللي نقلتني
مالك:خلصتي بمان حضرتك بتبقي نائمه هتوعي منين انك بتتحركي كتير او لا بمانك بتنامي جنبي بقالك حوالي شهر فأنا عارف اكتر منك😕
سيلا:قصدك ايه بعارف اكتر مني😏
مالك:شديتها من ايديها وقربتها مني ايوه بالظبط كده انا عارف اكتر منك وانك تقومي الصبح تكوني في حضني مش اول مره تحصل بس انا كنت بصحي قبليكي واقوم ياسيلا عادي مش محتاجه كل ده اهدي
سيلا بتوتر اثر قربه منها:احم اسفه اني بضايقك في نومي يامالك ومقصدش يعني
مالك بابتسامه:مش محتاجه اعتذار وكل ده يعني أنا مرتاح كده مش مضايق مهو محدش يضايق من أن قمر زيك ينام في حضنه يبقي غبي الصراحه ولاايه لقيت وشها اتحول للون احمر فضحكت سيلا بجد ديه معجزه أن اشوفك مكسوفه ووشك احمر بعد سنين كتيره😂
سيلا بغيظ:أبعدته عني طيب اوعي بقي تصدق انت تستاهل أن قومتك مفزوع كده😒عشان تتريق عليا كويس وحدفت عليه المخده وقومت خدت هدوم واتجهت لخارج خدت شاور غيرت هدومي لفستان بس السحاب كان عالق اوف مش شايفه حاجه أنا الحل اظبطه في الاوضه قدام المرايه زمانه مشي فتحت الباب بهدوء وبصيت برا ملقتش حد فطلعت واتجهت لغرفتي وملقتهوش الحمدلله واتجهت لمرايه وحاولت اعمله فاتفزعت لما سمعت صوته فالتفت بسرعه هو انت مروحتش الشركه
مالك بعفوية:لاكنت عند جدو أنا لسه مجهزتش اصلا بس مالك عامله كده ليه وقربت منها انتي كويسه
سيلا بتوتر:اه كويسه من راي تروح تجهز عشان متتاخرش
مالك:اممم هتاخر انهارده شويه بالمناسبه واقفه لازقه في الحيطه كده ليه وقربت منها اكتر فلاحظت أن فستانها مش مظبوط ففهمت علفكره ممكن اساعدك مهو مفيش غيري برضو
سيلا بتوتر:لا مش محتاجه سيب الاوضه وخد الباب في ايدك وانا هتصرف
مالك بتنهد:لفي ياسيلا مش محتاجه الازمه ديه كلها ثقي فيا ولو شويه علي الاقل
سيلا بتردد:لفيت واديته ضهري فلقيته زاح شعري لجنب وأحسست بملامسه أيده لظهري فغمضت عيني بتنهد فهو لايعرف كم قلبي يثق به ولكن شئ اخر يجعلني أتردد وهو عقلي فبعد ماممرت به اصبح صعب علي التعامل مع الاخرين كما كنت فأصبحت اعاني أكثر بكثير بين مايصدقه قلبي ويرفضه عقلي
✨✨✨✨
لارا بعفوية:ايه يابني هو أنا كل مااجي البيت القيك موركش شغل ولاايه وبعدين الحيوانه جوه
مروان بضحك:لاالحيوانه مش جوه راحت هي ومالك
لارا بحماس:متقولش راحوا رحله😀
مروان بضحك:الكتب أثرت علي دماغك سيلا هتروح مع مالك رحله ليه الدنيا حصل فيها ايه😂راحوا قعدوا يومين عند جدو بعد الحاح منه وبعدين يعني أنا مش صديقك برضو ولاهو متعبرنيش غير لوجايه لسيلا
لارا بتنهد:مانت عارف شغلي هباب بس بفكر اسيبه قريب بس مش لاقيه بديل الحقيقه وبعدين أنا اخر مره جيت لسيلا اتخانقت معاها شويه ومن ساعتها متكلمناش فكنت جايه اطمن عليها
مروان بابتسامه:متقلقيش عليها هي كويسه وكمان قعدتها يومين هناك في هدوء هيبقي احسن ليها وكمان ابتدت شغل معانا بس من غير ماحد يعرف هنا
لارا بفرحه:بجد مش مصدقه ديه كانت رافضه نهائيا لا ده انا لازم اشوفها عشان اشوف ايه السبب العظيم اللي غير رأيها معقول يكون اخوك😉
مروان بضحك:لا الموضوع ملهوش علاقه بمالك خالص😂 مانتي عارفه علاقتهم عامله ازاي بصراحه كلنا اتصدمنا من تغير رأيها بس منعرفش سببه ايه حته مالك
لارا:اممم غريبه بس اكيد فيه سبب هبقي اعرفه ياروحلها عند جدو يااستناها تيجي هنا حسب شغلي بقي
مروان:ربنا معاكي بالمناسبه انتي قولتي لولقيتي بديل عايزه تسيبي شغلك صح
لارا:اه فعلا بس مش لاقيه بديل الحقيقه الفتره ديه فهستني شويه واجي علي نفسي واستحمل المحامي الرخم الغتت اللي شغاله معاه بس بتسال ليه
مروان بابتسامه:بسألك عشان عندي شغل بديل ليكي
لارا بفرحه:بجد يامروان ايه هو
مروان:.....
يكمل