زواج مزيف

البارت السابع وعشرون

محمود:وبصتلها بصحيح ده ليكي وطلعت ورق وحطيته قدامها عايز امضتك عليه يامروه
مروه بصدمه:بصيت فيه فلقيته ورق طلاق محمود انت اتجننت عايز تطلقني
محمود بجمود:اعتقد ان ده احسن حل بالنسبه لفضيحه اللي عملتهالي يامروه انتي وبنتك لاول مره يحصل معايا كل ده بسببك
مروه:فتروح مطلقني مش انت اللي طلبت مني اعمل كده معاها وأن اطفشها من البيت
محمود بعصبية:قولتلك اعملي ده بس انتي كنتي غبيه يامروه مخدتيش بالك من الكاميرات اللي حططها مالك لاوكمان ياريتك عملتي حاجه ده فضلت في البيت ومفيش حاجه اتغيرت لسه زي ماهي سليمه
مروه بانفعال:وانا مالي هااا حد قالك متعرفش بيتك في ايه يامحمود ولاحته تفهم دماغ ابنك هو اللي دمرك مش أنا ومتنساش أن أعرف حاجات كتير عنك يامحمود
محمود بعصبية:انتي بتهدديني يامروه انتي ناسيه أنا مين
مروه بسخريه:لامش ناسيه ياحبيبي بس خلي بالك انك عشان توصل للي انت فيه حاليا ساعدتك في حاجات كتير فأنا بحذرك مش اكتر متخلنيش أنا اكون سبب دمارك يامحمود مصلحتنا واحده لكن يوم ماتفكر تخلع وتدبسني أو تتخلي عني يامحمود هدمرك وأظهر كل حاجه حته لوهضر من ده ومسكت الورق قدامه وقطعته هنسي اللي حصل بس قدامك طريقين يامحمود يانتحالف سوا ونقدر نرجع احسن من الاول يانكون سبب دمار بعض وانت عارف كويس نهايه الطريق ده ايه هسيبك تفكر وترد عليا بس اي حركه غدر متلومش غير نفسك ياحبيبي وتركته واتجهت لغرفتي
                        ✨✨✨✨

حسين:انا قررت يبقي كتب كتابك انتي ومروان بكره وتيجي تعيشي هنا وبعد شهر فرحكم ايه رايك
لارا بصدمه:اييييييييه!!!بكره ايه ياجدو ده مقلب تاني ولاايه😶
حسين:لارا أنا بتكلم جد انتي كده كده عارفين بعض كويس فاايه المشكله
لارا بعفوية:ايوه بس الفتره ديه الدنيا بايظه وبعد اللي حصل امبارح معتقدش أن ده قرار صح حاليا
حسين بتنهد:تمام هكلمك بصراحه يالارا بعد اللي حصل امبارح ومحمود عمله وانا عارف أن جت في سيلا هتقولي عرف ازاي هقولك حته لوخبيتوا عليا هعرف برضو عمتا بعد اللي حصل امبارح ده اتاكدت أن خسرت ابني من وقت طويل وانو مستحيل ده يكون محمود اللي ربيته اتغاضيت عن بعض أخطاء ليه مكنش المفروض اتغاضي عنها وادي النتيجه وصلت انو عايز يقتل ابنه الكبير ومش هيتردد أن يكررها أو يعمل كده مع مروان
لارا بنبره مطمئنه:متقلقش ياجدو كل حاجه هتبقي كويسه مش هيحصلهم حاجه
حسين بتنهد:المشكله مش فيهم بس يالارا
لارا بعدم فهم:امال المشكله في ايه كمان
حسين:المشكله فيكي انتي وسيلا كمان انتي عليكي خطر زي ماعليهم يالارا رجاله محمود بتراقبك وبتراقب البيت من ساعت ماعرف بحوار جوازك انتي ومروان هو مش عايز يحصل ده مروان عشان يحل موضوع خرب الدنيا من ناحيه تانيه انتي قعده لوحدك يالارا وانا مش هقدر افضل قلقان عليكي كده هتقوليلي متقلقش وكل حاجه كويسه أنا عارف أن مفيش حاجه من ده عايزك تيجي تقعدي هنا وده مش هينفع غير بجوازك من مروان وطبعا الرأي الاخير ليكي
لارا:طيب ليه متكلمتش مع مروان واتكلمت معايا أنا
حسين بابتسامه:عشان انا عارف أن مروان لويطول يقول كتب الكتاب دالوقتي ومش هيرفض وفي نفس الوقت هو نفسيا تعبان الفتره ديه فمش حابب اقلقه اكتر اللي قولتهولك هيفضل بينا بس لازم اعرف رأيك لو وافقتي أنا هتصرف ولو رفضتي هوفرلك حمايه عند بيتك برضو كله متوقف علي قرارك وسعتها هجمع الكل بليل ونتكلم
لارا:....
                       ✨✨✨✨
مر اليوم ليحل الليل،سيلا:كنت قعده في غرفتي بس قررت اروح اجيب الشكولاته من التلاجه وجبتها واتجهت لمكتب لادخل مكتبه كالعاده من غير تخبيط بس لقيت معاه مكالمه فقعدت علي سطح المكتب بالقرب من كرسيه لاتناولها حته ينتهي
مالك بعفوية:خلصت المكالمه وقفلت نفسي مره تخبطي علي الباب أو حته تعزمي عليا بحته
سيلا:لامفيش امل المفروض تكون اتعودت بقي وقطمت حته اخري منها بقالك من الصبح هنا فقولت لما اشوفك بتعمل ايه🙃
مالك بضحك:هكون بعمل ايه في مكتب ولوحدي بحضر تعويذه سؤالك غريب😂
سيلا بغيظ:واللهي تصدق أنا غلطانه أن جيت ازهقك واطلع عينك أنا قولت مش مستحملني من زمان اه ياني وقومت من مكاني أنا هروح أنا والشكولاته بتاعتي وخليك لوحدك انت والمكتب كنت همشي بس لقيته مسك ايدي السليمه وشدني فوقعت في حضنه جيت اتحرك لقيته حاوط خصري بزراعه لأنظر لاري أن ايدي بوظت قميصه الابيض بالشكولاته ياختااااي علي القميص الابيض اللي باظ وهتشعلق بسببه وشكولاتي اللي اتمرمطت معاه يعني ولاانقذت القميص ولاالشكولاته🥺
مالك بعفوية:ميلت باتجاه شفتيها عادي فداكي القميص وانا فدايا الشكولاته يعني
سيلا بتذمر طفولي:لامش فداك خالص كله الا الشكولاته
مالك باستنكار:بعدت عنها شويه بس مازالت بحضني يعني الشكولاته اهم مني بالنسبالك ياسيلا😕
سيلا بعفوية:ايوه طبعا الشكولاته اهم منك مش محتاجه سؤال😅
مالك بغيظ:طيب قومي ياسيلا عشان مولعش فيكي همك علي بطنك اللي يشوف حجمك ميشفكيش وانتي غرقانه شكولاته وبتفضليها علي جوزك😕
سيلا بضحك:قومت من علي رجله ولقيته رجع يركز في الاب تاني فسندت علي المكتب وميلت براسي قدام الشاشه ماالك
مالك:ياصبر عايزه ايه خليني اكمل شغلي
سيلا بتذمر طفولي:انا غلطان كنت بشوفك زعلت ولالا أنا بحب ازهقك واطلع عينك وده فدايا طبعا واتحركت من مكاني ووقفت ورا كرسيه وميلت براسي ناحيه وجهه بمانك ضيعت عليا أن اكمل الشكولاته وكده ورحت بأيدي مسحت علي خده فبقي بالشكولاته وجريت باتجاه الباب تعيش وتاخد غيرها واه جدو مجمعنا بعد ساعه باااي وقفلت الباب قبل مايقوم
مالك بضحكه خافته وفي نفسه:يخربيت جنانك البت دماغها ضربت بس منكرش أن بحبها هي وجنانها😂أخرجت منديل لامسح خدي ماكان مافعلت ولكن لاشرد قليلا لاتنهدت بحزن كلما تذكرت ماحدث وأنني كدت أن اخسرها فمجرد الفكره تالم قلبي وبشده فهي أصبحت نقطه ضعفي حقا لاريح راسي لخلف فهي أن كانت مصدر ضعفي فهي مصدر قوتي من فتره وساسعي لحمايتها مهما كلفني ده
                          ✨✨✨✨
مراد:اتجهت لغرفتي فلقيتها واقفه في الشرفه
لينا بتماسك:اه ياماما أنا كويسه ومراد بيسلم عليكي بس هو مش هنا
مني:لينا انتي بجد كويسه والدنيا عندك كويسه اخبارك مع مراد ايه
لينا بعفوية:الدنيا معايا كويسه متقلقيش عليا مراد شخص كويس وبيحبني كان عندك حق في كلامك لاغمض عيناي بألم لتتساقط دمعه من عيناي
مني بابتسامه:طيب كويس كلامك ريحني يالينا كنت قلقانه عليكي عمتا ابقي سلميلي علي مراد لما يرجع وربنا يسعدك يابنتي يلا هسيبك تشوفي اللي وراكي باي
لينا بضيق:باي مسحت دموعي لالتفت لأراه بتجسس عليا كمان متقلقش مقولتش حاجه وده عشانها مش عشانك
مراد:أنا مكنتش بتجسس انتي اللي محستيش بوجودي مش اكتر سواء تقوللها او لا ديه حاجه تخصك
لينا بضيق:أنا معرفش بتحبك وبتثق فيك علي ايه انت متستاهلش ده يامراد بتوري لكل حقيقه غير اللي انت عليها
مراد بعفوية:عمتا شكرا يالينا ورقك اهو
لينا بصدمه ممزوجه بانفعال:انت عملتها يامراد سحبت ملفي وورقي انت ليه بارد كده وخبطه علي صدره ليه عايز تجبرني علي حاجه مش عايزاها ده مكنش اتفاقنا انت وافقت بيا وانت عارف حالتي دالوقتي مش عاجبك وشايف أن مستاهلش بعد تعبي ده بكل بساطه انت سحبت الورق وكأن معملتش حاجه لييييه فضلت اخبطه عده خبطات ولكن لم يتحرك اثر ذلك لانهار في دموعي حرام عليك دمرت حياتي دمرت حلم ماما اللي بتقول انك بتعزها قبلي حته وابتسمت بحزن والدموع تنهمر من عيناااي
كان حلمها أن تشوفني دكتوره ممكن تفهمني اقولها ايه انك شوفت أن مش مناسبه لده وقررت تستبعدني ولاانك قررت تتحكم في حياتي ومستقبلي عشان انت جوزي وان الشخص اللي وثقت فيه خذلها مسكته من ياقه قميصه طلقني وانا هبعد عن هنا وهسافر وهبتدي حياه جديده في حته تانيه
مراد بعصبيه:مسكت ايديها لابعدها عني في أحلامك يالينا ده مش هيحصل تمام وكفايه عماله تحسسيني أن بقتلك وبظلمك وان خذلت مامتك تفتكري مامتك هتكون فخوره بيكي لما تبقي دكتوره وفاشله بدل ماتعالجي اللي حواليكي تأذيهم أو تنسحبي زي ماعايزه دالوقتي انتي عندك حق انتي مش مناسبه لانك تكوني دكتوره انتي حته مش عايزه تحاولي انتي ضعيفه ومريضه مستسلمه لمرضها وبس مش أنا اللي بظلمك انتي اللي بتظلمي نفسك يالينا زي ماوعدت مامتك أن اخلي بالي منك واكون مصدر سعادتك اقسمت قبلها أن أقوم بواجبي كدكتور وان مأثرش فيه لأي سبب أنا مش بارد زي مانتي متخيله بس شغلي خلاني اتصرف كده عارفه ليه عشان مفقدش اعصابي لأي سبب وانا بتعامل مع أي مريض وان ادخل في نوبه غضب وان كل حاجه بالهدوء بس انتي فاهمه هدوئي غلط مش معناه تعملي اللي انتي عايزاه وافضل ساكت ده هيكون اخر كلام في الحوار ده مش هيتغير لما تقرري تتعالجي سواء عندي او عند حد تاني وأشوفك أن بقيتي طبيعيه سعتها ورقك هيرجع وهيرجع التدريب وهتكملي وتبقي حققتي حلمك فضلتي ورا خوفك وعنادك هتخسري مستقبلك ومع الوقت هتخسري اللي حواليكي وهتبقي لوحدك فكري في كلامي كويس يومين واعرف قرارك ويلا عشان جدو عايزنا واتجهت لخارج
                     ✨✨✨✨
سيلا بعفويه:خير ياجدو ادينا اتجمعنا كلنا اهو في الهواء الطلق وقربنا نطير😅
حسين بعفوية:سيلا حبيبتي افضلي ساكته عشر دقائق وبعد كده اعملي اللي انتي عايزاه
مالك:قول ياجدو خير فيه حاجه حصلت
حسين بعفوية:بمان كان المفروض ده يحصل من فتره بس قدر بقي ونصيب انا قررت أن كتب كتاب لارا ومروان بكره بليل
مروان بصدمه:ايه بس ياجدو احنا مش هنلحق وبصتلها
حسين:اسمعني لآخر يامروان انا اتكلمت مع لارا وموافقه كده كده هو كتب كتاب وبس علي الضيق نظرا لظروف وعشان أنا قلقان بسبب وجود لارا لوحدها وطبعا صعب تفضل هنا وانتوا مش مرتبطين عمتا كتب الكتاب هيحصل هنا عادي عايزين تعزموا المقربين ليكوا وبس حد عنده اعتراض
الكل:لا
حسين:تمام وانت يامروان عندك اي اعتراض او استفسار
مروان بعفوية:معتقدش أن الوقت مناسب وبالذات بعد اللي حصل ل وقبل مااكمل لقيت سيلا خبطتني ولاحاجه شوف الأصلح ياجدي لقيت موبايلي رن عن اذنكم واتجهت لداخل
حسين بعفويه:لارا روحي اتكلمي معاه أنا هستاذن ياشباب هدخل انام تصبحوا علي خير مالك ومراد ظبطوا الدنيا واوعوا محمود يعرف
مراد:متقلقش ياجدي هنكلم ادهم ونظبط الدنيا بعد ماتركنا سيلا هكلم بعض الناس اعرفهم هيظبطوا البيت وانتي بس هتعملي الديكور علي ذوقك تمام واه يامالك عايزك وقومت أنا وهو واتجهنا لمكتب
سيلا باستنكار:قربت منها لينا انتي معيطه عينيكي مورمه كده ليه ومش علي بعضك وساكته خالص مبتكلميش انتي كويسه
لينا بصوت مبحوح اثر عياطها:اه متقلقيش تعبانه شويه مش اكتر
سيلا:لينا انتي بتكدبي صوتك رايح من كتر العياط انتوا متخانقين تحبي اكلم مراد طيب لقيت الدموع اتجمعت في عينيها مسحت علي خصلات شعرها لينا مالك متقلقنيش عليكي
لينا بدموع:أنا عايزه امشي من هنا ياسيلا أنا مكنتش عايزه كل ده انا مش كويسه ولاهبقي هو أنا وحشه لدرجاتي حته الحاجه الوحيده اللي كانت فضلالي وبحارب عشانها ضاعت أنا عايشه ليه ممكن تقوليلي ياسيلا
سيلا:لينا أنا مش هقدر اساعدك طول مانتي بتكلمي كده هو ايه اللي ضاع فهميني
لينا بانهيار:حكتلها علي اللي حصل وكلامه انتي شايفه أن مستاهلش مكاني ياسيلا أنا تعبت كتير عقبال ماوصلت واتحرمت من حلمي في دقيقه ليه كل حاجه بحبها وببقي عايزاها بتروح مني ليه محدش عايز يفهمني انتي شيفاني أن ممكن ائذي حد ياسيلا ردي عليا هل أنا وحشه لدرجاتي ومصلحش فعلا ان ابقي دكتوره
سيلا بتماسك عكس ماتشعر به من الم علي ماوصلت له صديقتها المقربة والتي تعتبرها اختها:عايزاني اقول الحقيقه وهتتقبليها اي كانت هي ايه وتعرفي أن بقولك كده لانك اختي وبنصحك ولااكدب عليكي يالينا بالحاجه اللي عايزها قرري
لينا:....
                         ✨✨✨✨
لارا: اتجهت لغرفته فكان يقف في الشرفه فانتظرت حته انتهي واتجهت ناحيته عايزه اتكلم معاك قبل ماامشي فاضي
مروان:حته لومش فاضي افضالك اقعدي خير
لارا بتنهد:ساعت ماعرضت عليا نتجوز يامروان كنت متحمس جدا لوكان عليك كنا نكتب الكتاب وقتها مش كده هز رأسه بااه تمام حاليا ليه رد فعلك كده رغم انك عرفت أن كتب كتابنا بكره انت عايز تاجله أنا مش فارقه معايا وانت عارف ده كويس
مروان:مسكت ايديها لارا قبل ماتفهيني غلط زي كل مره انا بجد حابب ده وفعلا كان امنيتي اللي يتمناها كل يوم هي وجودك جنبي بس انا خايف عليكي ومن اللي هيحصل مش معني كده أن مش هعرف احميكي يالارا بس هفضل خايف اكون بعرضك لخطر بسبب وجودك معايا وانك تندمي بعدين وتقولي انك اتسرعتي في قرارك وان مش ديه الحياه اللي اتخيلتي تعشيها وحاجات كتير في دماغي مش حابب اعيش ماساه تانيه  زي اللي عشتها مع اهلي
لارا بابتسامه:ياااه كل ده عمتا بص يامروان خوفك ده كله معظمه ملهوش داعي أنا مش ناويه اندم بالعكس كل مره نشوفك فيها معايا هفتكر وهقول كان قراري صح معتقدش انك هتخليني اندم علي قراري يامروان ده غير أن كل المشاكل والوقت اللي مش حلو ده هيعدي واحنا سوا ،بكره يوم جديد ببدايه جديده وهاجي كمان اتنقل هنا واسيب بيتي بس عندي شرطين يامروان لازم تعرفهم
مروان باستغراب:اللي هما ايه
لارا:...
يكمل