صدفه مطر

صدفه مطر البارت الرابع عشر بقلم ناديه ستارز

روايه صدفه مطر 
البارت الرابع عشر
بقلم ناديه ستارز 

عند قزح  
تفتح الباب وتدخل عند امها تلاقيها نايمه (متخافوش مش حنكد) 
تذهب إليها وتقبل ايديها وتقول : خوفتيني عليكي اوي يا ماما ربنا ميحرمني منك أبدا يا حبيبتي  وبعدها تذهب إلي قوس والدكتور شافها وهي خارجه فقالتو دكتور هو ينفع تخلو ماما وقوس في اوضه واحده 
الدكتور: طب هي في أنهي اوضه
الاوضه إلي جمب دي علي طول 
الدكتور: تمام شوفي الاستقبال 
قزح: نينيي شوفي الاستقبال صحتي لقياها علي باب المعبد اليهودي انا وربنا منا شايفه حد خلوني كدا كل شويه ادخل من الاوضه دي اخرج من دي لحد ما حعيط منكوااااااا  وتفضل متنقله بين غرفه قوس ومامتها لحد ما فطست ونامت في اوضه قوس.  

عند نادين 
بعد ان جابت الاكل ذهبت إلي الغرفه وفتحت الباب وجدت 
نادر وهو يضحك مع الممرضه لتذهب إليه ببرود وقالت اتفضل الاكل اهو انا ماشيه 
رايحه فين بس يا حبيبتي 
استاذ مازن  ياريت تحترم الالقاب انا مجرد سكرتيرتك واستقالتي حتكون علي مكتب حضرتك من بكره 
ليأخذ نفس هو حتى لا يتعصب عليها ويقول بهدوء: ممكن اعرف في ايه احنا كنا من اقل من نص ساعه مبسوطين  ولا روميو وجوليت 
نادين: ولا حاجه شوف عملت ايه في غيابي 
يابنت الناس ما هو مش سر ما تقولي 
ما اكيد انا بنت ناس اومال بنت فضائيين
اسف معلش مكنش قصدي انت ولا بنت ولا فضائيين أنت بنت قلبي 
يا رومانسي لا مش كل مره حتثبت خليك مع الممرضه إلي قعدت تضحك معاها روحلها يالا ولا اندهالك وطبعا في هذا الوقت كانت الممرضه ذهبت إلي الخارج 
مازن: انت شوفتي شكلها طب تعرفي هي عندها كام سنه 
نادين: لاااا 
مازن: طب ما تناديها كدا
نادين: كمان بجح يعني بدل ما تصالحني بتقولي ناديها  اشبع بيها دا احنا حتى متخطبناش وبتخوني علني اومال لو اتجوزتني حتعمل ايه حتشم بانجو 
مازن: الست ام مارينا عندها ٤٠ سنه 
نادين احم احم ولو ولو قلبي حزين 
مازن: حسالك سؤال وياريت تجاوبي بصراحه 
نادين في سرها ايدا هو ماله جدي ليه كدا فرفش ياسطا مش قصدي  لتقول بصوت عالي : اتفضل قول 
بتثقي فيا
لتقول هي بدون تفكير : اكتر من نفسي 
طب ايه إلي عملتيه دا أنت كدا مبتثقيش فيا 
والله ابدا بثق فيك اكيد بس غيرت يا مازن وانا عارفه أن عيونك القمر دول ميقدروش يبصو لغيري لأني وربنا كنت دخلت ايدي في عينك وخرجتهم في أيدي 
ليقول هو بغمزه: لا طلعتي بتغيري 
هه انا لا طبعا انا بجبر بخاطرك بس  
ماشي شكرا يا مصر 
العفو يا ابن مصر 
ليلاقو بنت تدفع الباب بقوه وتجري عليه تحضنه  وتقول : حبيبااااااي  

عند فارس وملاك 
بعد ان اعتدل فارس قال : ملاك كنت عايز اسألك سؤال 
لتنظر إليه ملاك وتقول: قول يا فارس 
فارس: هو أنت ليه كدبتي وقولتي انك فاقده الذاكره 
ملاك : خوفت لتعرف حاجه عني أو هما يقتلوك لو عرفو انك عارف حاجه عنهم 
فارس: خلاص انسي كل حاجه بدل ما اديكي ضربتين في رأسك انسيكي كل حاجه واريحك 
ملاك: حد يبقي ادامو القمر برضو ويفكر في حاجه  غيرو 
فارس: بغمزه أنت بتعاكسيني بقى 
ملاك: ايه جابك أنت للقمر انا بقول  علي القمر دا وتشير إلي الشباك الذي كان وراء فارس ويظهر منو القمر ليله اكتماله 
فارس: بس انا مش شايف قمر غيرك يا قمر انت 
ملاك: روح ياعم ربنا يسترك ويكرمك ويرزقك
فارس: ليه بتعملي معايا كدا ليه مافيش الكلام الرومانسي إلي بيتقال دا 
ملاك: لا مافيش كان عرض وخلص 
فارس: ألا صحيح فين سماح وحمزه 
ملاك: معرفش كانو برا 
فارس: تمام  
ملاك: مش احنا قولنا حنبتدي حياتنا وكل واحد قايل للتاني كل حاجه عنو 
فارس: اه قولي إلي عايزه تسأليه 
ملاك: هو إيه العداوه إلي بينك وبين رامي اصل انا مشوفتهوش جاب سيرتك ولا مره 
فارس: الحكايه طويله اوي بس تمام ححكيها 
بصي يا ست البنات الحكايه بدأت من ٥ سنين كان وقتها عندي ٢٢ سنه شوفت بنت حلوه اوي اوي وطيبه جدا تشوفيها تلاقي برائه الكون كلو فيها حتى تصرفاتها تلاقيها طفله 
ملاك وهي حتولع من الغيره وتقول من تحت اسنانها: كمل كمممل يا حبيبتي كمممممممل
فارس بمشاكسه: حوشي شويه لسه إلي جاي يخليكي تطلعي نار من ودانك 
ليكمل هو ويقول كانت معايا في كليه الطب بس الفرق إني انا كنت اكبر منها بسنه اتعرفت عليها لما كان في شباب بيضايقوها وبما إني كنت معجب بيها  قولت لازم أبان الولد الجامد إلي بينقذ البنت من الولاد الوحشين واعمل فيها الهيرو بقى وشبح الكون بعد ما خلصتها منهم وصلتها لحد بيتها وشكرتني بقت مره واقفه لوحدها اقف معاها قاعده لوحدها اقعد معاها كدا يعني بعدها بفتره اخدنا أرقام بعض وعلاقتنا تطورت اوي  لحد ما اعترفنا بحبنا لبعض وقولتلها إني اول ما اتخرج حروح اطلب ايديها علي طول يعني كان فاضل سنتين  عدت اول سنه بينا وكانت احلي سنه وسط غيرتناا الجامده علي بعض وكنت في الوقت دا بدرب في مستشفي كبيره تبع الزفت رامي وبالصدفه وانا كنت شغال بليل لاقيت حركه مريبه في المستشفى كبرت دماغي وقولت دا من قله النوم بس إلي لفت ان الجثث إلي مش بيبقي ليها صاحب بتختفي فضلت ادور في الموضوع لحد ما فيوم لقيت دكتورين دول دايما بيسهرو ورديه بليل مع بعض لقيتهم في التلاجه بياخدو جثه وودوها البادروم نزلت بحرس شديد لقيت ناس كتير ملثمين ومن دونيهم رامي وجثث كتير اوي  وادوات تشريح وكل حاجه تخص الاعضاء  وقتها هي رنت عليا تطمن عليا سمعو الصوت وانا جريت بسرعه قبل ما يشوفوني بس للاسف شافوني مسكوني كتفوني  وهددوني يقتلوني وطبعا كانو اخدو موبايلي وشافو كل حاجه عليه وهددوني يقتلو حبيبتي واختي عرضت عليهم اشتغل معاهم وطبعا كان في نيتي ان انا اعرف عنهم كل حاجه وحقدمها للبوليس وافقو بس حطوني في اختبارات زي مثلا اجيبلهم الجثه دي اساعدهم في التشريح وانا كنت في الوقت دا متفق مع ناس ظباط انا اعرفهم من زمان وواثق فيهم لحد ما فيوم كشفوني وبعتو عربيه تخبطني وتبان إنها موته عاديه كان معايا وقتها سيلا دا اسم حبيبتي كنا خارجين مع بعض شافت العربيه وهي بتحاول تخبطني فادتني هي وهي إلي ماتت ضحت بنفسها علشاني وماتت انقي وأطيب قلب في الحياه بعدها عرفت ان سيلا تبقي بنت رامي وهو إلي حملني مسؤليه موتها وحاول يقتلني كذا مره ويأذيني اختفيت طول الخمس سنين دول لحد ما بقيت الدكتور ورجل الأعمال فارس هو السبب في موتها هو إلي قتلها كانت دايما تقولي أن نفسها في أب يكون معاها ويحسسها انها بنت مش واحد بتشوفه مره في السنه لتحتضنو ملاك وتقول: خلاص اهدي الشر راح وانا معاك دلوقتي ليقول وهو ينام اوعديني انك مش حتسبيني  ا ب د ا 
وعد يا فارس وعد محدش يقدر يبعد عن روحو وينامو الاثنان 

نروح عند حمزه وسماح 
سماح وهي بتشرب العصير وتبكي تقول : اقولك علي حاجه 
حمزه: قولي يا سماح 
سماح: فارس اصلا مش اخويا 
حمزه: ايدا ازاي 
سماح: فارس يبقي كل حاجه ليا في الدنيا اخويا وابويا وجاري  وصحبي وحبيبي هو إلي رباني بعد موت أهلنا لو حصلو حاجه هموت بعدو 
حمزه: طب اجمدي بقى يرضيكي يشوفك في الحاله دي 
لتمسح دموعها بأيدينا مثل الأطفال وتقول لا 
يبقي خلاص روحي اشطفي وشك ويالا تعالي ندخل نطمن عليه
ماشي وذهبت حتى تشطف وشها وتظبط هيئتها وخرجت وجدت حمزه كما تركتو لتقوله يالا ندخلهم 
ويدخلو عليهم ويلاقوهم نايمين فيقفلو الباب براحه ويذهبو إلي الخارج 
حمزه وهو يحاول ان يضحكها: بقى دا الي سبتيني علشانو اهو بيخونك مع واحده تانيه فتضحك سماح ولكن تلاشت ضحكتها عندما وجدت من ينادي عليها 
شخص بصدمه سماح 
لتتصدم هي الاخره وتقول ااا نننت 

ياتري مين إلي حضنت مازن وسماح شافت مين وفارس وملاك وقوس وقزح حيفضلو في سعاده ولا حتيجي حاجه تبعدهم حنعرف البارتات الجايه 

كفايه كدا عليكو😂 
تفاعلو واخواتي المتابعين في صمت ما تتفاعلو ان شاء الله يخليكم 😂 

روايه #صدفه_مطر 
بقلم #ناديه_ستارز 
#Nadiastars