ليس كما يبدو .. ( مكتملة )

البارت الاول

في وسط اجتماع من الاهالي في فرحه و سعاده و صوت الموسيقي يعلو و يعلو ظهرت فيروز في فستانها الذهبي ذو الذيل الطويل و كعبها العالي و و شعرها البني المنسدل علي ظهرها و عمر الذي يرتدى بدله سوداء و بيبيون و حذاء يلمع من شده الاناقه و هما ينزلان من اعلي سلالم فيلاا شريف الشرقاوى و سارعوا اصدقاءهم عليهم بالتهنئه و التهليل
شريف : احب ارحب بكل ضيوفي اللي جم يشاركوني فرحتي ببنتى الوحيده اللي طلعت بيها من الدنيا علي شريكي و اكتر من ابني عمر الصاوى
صفق الجميع بحراره وبعد الانتهاء من تبادل ارتداء الدبل و حان وقت رقصه السلو
عمر : يا بنتي علي الاقل ابتسمي شويه الناس هتفتكرني خاطبك غصب عنك
فيروز : هتفتكرك !
عمر : اه هتفكرني، انا واخدك غصب عنك ولا ايه !
فيروز : لا العفو
عمر : فيروز يا حبيبتي اي حاجه تمت كانت برضاكي انا مضربتكيش علي ايدك
فيروز *بصوت عالي * : و انا يعني كان عندى خيار تاني
عمر : وطي صوتك الناس بتبص علينا و بذات كريم *بتريقه *
فيروز * تنظر الى كريم بحزن * : علي عينى والله
عمر *بغضب* : بصي بقا يا فيروز هانم انتي لازم تعرفي حاجه مهمه اوى انتى من اول اللحظه دى دلوقتي بقيتي لابسه دبلتي في ايدك يعني بقيتي رسمى خطيبه عمر الصاوى صاحب اكبر شركه بورصه في مصر كلها و لازم تاخدى بالك من اي تصرف بتعمليه عشان لو عملتي اي حاجه تقلل منى او من مكانتي بين الناس و رحمه ابويا ما هرحمك يا فيروز
فيروز بتنزل يديها من علي كتفه و تتركه وسط الناس الملتفون حولهم ليشاهدوا رقصتهم و تذهب لتجلس بعيدا
ثم ذهب كريم الي عمر
كريم : مبروك يا عريس
عمر : الله يبارك فيك يا ابن عمي عقبال ما افرح بيك كدا
كريم : ليه تعمل فيا كدا يا عمر هو الحقد بينا يوصل لكدا ! ضربتك كانت اقوى بكتير المره دى يا ابن عمي
عمر : انا عملت حاجه حرام لسمح الله ، يا كريم يا اخويا دى سنه الحياه بكمل نص ديني يعني
كريم : و ملقتش حد تكمل بيه نص دينك غير حبيبتي !!
عمر *بغضب* و يمسك بيده قميص كريم : لاخر مره اسمعك بتقول حبيبتي اسمها خطيبه ابن عمي انت سامعني !
تأتي فيروز مسرعه و تدفع عمر بعيد عن كريم
فيروز : انتو هتضربو بعض ولا ايه ، كريم انت كويس ؟؟
عمر : كويس كويس يا خطيبتي العزيزه متقلقيش اوى كدا
كريم : الموضوع لسه مخلص يا عمر خلى بالك
عمر : يا حبيبي وريني اخرك
ثم ينده احدهم علي عمر فيتركهم و يذهب
كريم : قدرتي تعملي كدا يا فيروز
فيروز *بحزن* : غصب عني يا كريم انت عارف ان مكنش عندى حل تاني
كريم *بدموع في عينيه و صوت متقطع * : مفيش حاجه اسمها كدا يا فيروز كنتي تخلقي حل و متسبنيش ، انتي متخيله احساسي و انا شايفك بتلبسي دبله حد غيري ! متخيله احساسي و الناس بيهنو واحد تاني بيكي و المفروض انا اللي كنت مكانه !
فيروز *ببكاء * : انت ليه محسسني ان الموضوع سهل عليا انا ! كريم انا اتخطبت لحد مبحبوش و الاهم من ده انه ابن عم حبيبي انا محبتش ولا هحب غيرك يا كريم
كريم *بتحدى*: مش هسيبك ، عمرى ما هسيبك ليه و افضل واقف اتفرج كدا ، لو اضطريت اني اقتله عشان ارجعلك هقتله يا فيروز
يعود عمر اليهم
عمر *بتريقه* : يا حنينين انتو بتعيطو ! لا لا ده انا اتأثرت ، ايه يا خطيبتي واقفه مع ابن عمي تعيطي ليه ! اكيد من الفرحه صح
نظروا اليه باستحقار و فيروز مسحت دموعها و ذهبت لتسلم علي احد اقاربها و كريم يترك عمر و يذهب
عمر *ببرود * : ايه ده هما زعلو ولا ايه ! اما اروح اشوف البوفيه جهز ولا لسه