ليس كما يبدو .. ( مكتملة )

البارت الثالث

وصل عمر الي فيلت فيروز و جلس يتناول الغداء علي السفره مع شريف و فيروز
شريف : منور يا عمر يا ابني
عمر : ده نورك يا عمى
شريف : الشغل عامل ايه
عمر : كله تمام يا عمي اطمن
شريف : انا مطمن جداا انا عندى ثقه كبيره فيك يا عمر ، و عارف انك رجل اعمال ناجح و قد المسؤليه
عمر : اتمني اكون عند حسن ظن معاليك
ثم نظر عمر الي فيروز  فوجدها شارده و لا تأكل فأراد ان يبدء حديث معاها
عمر : الاكل حلو اوى يا فيروز ، انتي اللي عملاه ؟
فيروز *عادت من شرودها *: لا ده الطباخ
عمر : ليه انتي مبتعرفيش تطبخي ؟
فيروز : لا
عمر : لالا مينفعش الكلام ده انا محبش اكل غير من ايد مراتي
فيروز *بسخافه * : متاكلش
فتغيرت ملامح وجه عمر ونظر شريف الي فيروز حتي تصلح ما قالته
فيروز *بهزار مصطنع*: قصدي يعني متاكلش لحد ما اتعلم
فلم يرد عمر و اكمل طعامه و بعد ما انتهو جلس عمر مع شريف يشربو القهوه و يتحدثو في بعض الامور المتعلقه بالعمل ثم استأذن عمر ليرحل
و طلب شريف من فيروز ان توصل عمر اللي الباب
ثم رحل عمر و ذهب الي فيلته و دخل
فوجد والدته جالسه في الصالون تنتظره
عمر : مساء الخير يا ست الحبايب يا حبيبه
اشرقت : مساء الخير يا حبيبي ، كنت فين من اول اليوم  كلمتك مردتش
عمر : معلش يا حبيبتي كان عندى اجتماع مهم الصبح و خلصت و روحت عند خطيبه ابنك اتغدى و جيت اهو
اشرقت : عمر هو انت مش ملاحظ ان موضوع خطوبتك ده جه بسرعه اوى
عمر *بهزار* : ما الخطوبه معرف انها بتيجي فجأه يا ست الكل
اشرقت *بجديه*: عمر انا مبهزرش
عمر : امال ايه طيب ، يا حبيبتي انتي مش كل شويه تقوليلي نفسي اشوفك عريس نفسي افرح بيك و اشيل عيالك ، طب ما انا بعملك اللي انتي عايزاه اهو في ايه بقا
اشرقت : في ان الموضوع فيه حاجه مش مظبوطه ، تقدر تقولى راحت فين البنت اللي كنت بتقولى معجب بيها و عايز تتقدم لها
عمر : موجوده بس غيرت رأي عادى
اشرقت *تقف و تبدء تعلي صوتها * : فجأه انا معجب بواحده و هتقدم لها و بعدها لالا شايفها مش مناسباني و انا غيرت رأي و مش هتجوز دلوقت و فجأه الاقي جي تقولى انا خطوبتي بكرا ، هو في ايه بالظبط في حاجه انا مش فهماها
عمر *يقف و يتكلم بهدوء *: شوشو انا مقدر اللي انتي بتقوليه ده بس صدقيني انا مكنش قصدي اني ازعلك كدا هو كل الموضوع ان فعلا جت فتره عليا كنت متلغبط شويه بس ، و حقك عليا يا ستي انا يمكن كان عندى شغل كتير ورا بعضه خلاني معرفش اعد معاكي و احكيلك زي ما انا متعود انا اسف
اشرقت *دموعها تتساقط* : يا حبيبي انا بقلق عليك من اقل حاجه انت عارف انا مليش غيرك
عمر *يمسح دموعها و يحضنها *: عارف يا حبيبتي ، حقك عليا
و بعد الانتهاء من الحديث صعد عمر الى غرفته و نام
و استيقظ في اليوم التالى علي مكالمه شريف
عمر : الو
شريف : عمر تعالي بسرعه في مصيبه