ليس كما يبدو .. ( مكتملة )

البارت السابع

ركب عمر سيارته و  معه كريم و قاد بطريقه جنونيه متجها الى المول فكاد ان يصطدم بالاف من الناس من شده سرعته
و عندنا وصلو وجدوا الشرطه محيطه بمكان الحادث و الطريق متوقف و صوت سياره اسعاف قادم من بعيد
و عندما نزل عمر و كريم وجدوا فيروز ملقاه علي الارض غارقه في دمائها و مغمي عليها
عمر *بلهفه * : فيروز ، فيروز ردى عليا
كريم : فيروووز ، فيرووز فتحي عنيكي
الظابط : لو سمحتو يا اساتذه ابعدوا عشان الاسعاف وصلت و لازم تشوف شغلها
ثم اخذتها الاسعاف و انطلقت نحو المستشفي و خلفها عمر و كريم و ساره و دخلت غرفه العمليات و ظلو ينتظرون في الخارج في قلق و توتر
و بعد ذلك جاء شريف مسرعاا
شريف : عمر ايه اللي انت قولتهولى في التليفون ده ، ايه اللي حصل لبنتي !! بنتي فين يا عمر
عمر : اهدى يا عمي ، فيروز في العمليات
شريف : ايه اللي حصل بقولك !!
عمر : انا معرفش حاجه معرفش انا مكنتش معاها
ثم نظر الي ساره و سألها
عمر : ايه اللي حصل يا ساره ؟؟
ساره *ببكاء* : احنا كنا طالعين رايحين نركب العربيه وانت كلمتها فقدمت وانا كنت وراها ، فجأه لقيت عربيه جايه جري و بعدين خبطتها *يعلو بكاءها * و بعدها لقيت فيروز واقعه علي الارض و الدم حواليها في كل حته
عمر : اهدى يا ساره ، فيروز هتبقي كويسه انا متأكد *يصمت قليلا ثم يكمل بصوت متقطع * فيروز مش هتسبني
نظر له كريم نظره حقد و ادار وجهه
<<< بعد مرور ساعتين>>>>
خرج الدكتور من العمليات و ذهبو اليه جميعا بلهفه
شريف : طمني يا دكتور بنتي كويسه صح !!
الدكتور : احنا عملنا اللي علينا بس للاسف هي دخلت في غيبوبه
عمر : غيبوبه !! ليه !! هي عندها ايه اصلا
الدكتور : في كسر في الجمجمه و نزيف داخلى احنا قدرنا نسيطر عليه بس هي فقدت دم كتير و محتاجه لنقل دم ضروري
عمر و كريم *في نفس واحد * : انا اتبرعلها
ثم نظروا لبعضهم البعض
الدكتور :مفيش مشكله هبعتلكو الممرضه دلوقت تعملكو تيست فصيله الدم و اللى هيطلع فيكو فصيلتها يتبرعلها
شريف *بإنفعال *: لا انا اللي هتبرع لبنتي ، اتبرع ازاي قولى اروح فين !!!
الدكتور : حضرتك سنك كبير و مش مستحب ان اخد منك عشان ده هيبقي غلط عليك انت
كريم يقاطعهما : يا دكتور مفيش وقت للكلام اعمل التيست منين
دكتور : طيب اتفضلو معايا
و بعد ما عملو الاختبار كانت النتيجه ان فصيله عمر
هي الفصيله المطابقه لفصيله فيروز
فدخل عمر الغرفه الى فيروز ليتبرع بالدم لها
الممرضه : كدا كل حاجه تمام لما الكيس ده يتملى ناديلي انا برا
عمر : ماشي شكرا
خرجت الممرضه و اخذ عمر ينظر الي فيروز التي كانت نائمه وعلي وجهها الذي به الكثير من الكدمات جهاز الاكسجين
عمر *يتحدث بحزن و صوت منخفض و متقطع * : متسبنيش يا فيروز ، اوعي تمشي و تسبيني يا فيروز ، انا مش وحش صدقيني  ، انا محبتش حد قد ما حبيتك ، في حاجات كتير لسه متعرفيهاش اوعي تمشي يا فيروز اوعي ، ده انا اموت لو جرالك حاجه ، علي عيني اني اشوفك بالمنظر ده يا حبيبتي ، يارتني كنت مكانك 💔