ليس كما يبدو .. ( مكتملة )

البارت التاسع

استيقظ عمر علي صوت هاتفه و وجد انه شريف
عمر : مش بتفائل بمكالمتك علي الصبح دى ديما بيبقي وراها اخبار زفت
ثم رد عليه
عمر : الو
شريف : عمر في حاجه غريبه حصلت
عمر : انا قولت والله كنت عارف
شريف : ايه ؟؟
عمر : لالا ي عمي مفيش ، خير ان شاء الله ؟
شريف : ............
عمر : انت بتقول ايه يا شريف بيه !! ازاي ده حصل !!!
ثم اغلق عمر الهاتف و قام مسرعا و ذهب الي الشركه و صعد اللي مكتبه و فتح الباب بطريقه عنيفه و ظل يسأل علي كريم و ذهب اليه شريف
شريف : اهدى يا عمر مش كداا
عمر : اهدى ازاي يا شريف بيه !! انا اتسرقت ده سرق افكارى ، سرق مجهودى
و لم يكاد شريف يرد الا و وجد كريم و فهيم المحامى يقفون علي الباب 
كريم *بمكر*: اهلا يا عمر بيه مال صوتك عالي كدا ليه خير ؟
عمر *يمسك قميص كريم بعنف *: عرفتها ازاي يا حرامي
كريم *و هو يبعد يد عمر عنه * : خد بالك من كلامك يا عمر
عمر : مين قالهالك هاا مين !!!
فهيم : ممكن تهدى يا عمر بيه احنا لازم نتكلم
كريم : قوله يا متر
فهيم : بعد اذن حضرتك يا عمر بيه احنا لازم نعد عشان في حاجات مهمه لازم تعرفها
فصمت عمر و ذهب و جلس و ذهبو خلفه جميعا
فهيم : دلوقتي كلنا عرفنا بصفقه الصراف اللي كريم بيه عملها
عمر *يقاطعه* : قصدك اللي سرقها
فيهم *يكمل كلامه دون ان يرد* : الصفقه دى رجعت للشركه كل اللى خسرته من حوالي شهر و بزياده كبيره كمان
شريف : الكلام ده كله احنا عارفينه يا متر فين الجديد !!!
فهيم : الجديد ان ده بند مهم من بنود الوصيه و كدا الوصيه بقا فيها خلاف
عمر * بجديه * : اه و بعدين يعني 
فهيم : انا اسف يا عمر بيه بس انا مضطر انقل كل ملكيه الاسهم لكريم بيه
عمر : انت اكيد بتهزر !!
كريم *بسعاده*: الله عليك يا متر هو ده الكلام 
شريف : ايه اللي انت بتقوله ده يا فهيم !! و وصيه ايه انا مش فاهم حاجه ، ما تقول حاجه يا عمر
عمر يقف مصدوم ولا ينطق
كريم* ببرود* : انا هقولك يا شريف باشا ، الوصيه دى كانت بتاعت جدى الله يرحمه ، الفاتحه علي روحه يا جماعه
شريف *بصوت عاالي و عنيف * : ااااااخلص
كريم *بخضه * : حااا..ضر حاضر يا شريف بيه ما انا هقول اهو
ابو عمر مات و جدى كان لسه عايش  و هو مدير الشركه و كان ابويا الله يرحمه لسه عايش بردو و كان ماسك الشركه مع جدى
شريف : يا ابني اختصر انا مالى بكل ده !!
كريم : يا شريف بيه ما انا جايلك في الكلام اهو
شريف : اللهم طولك يا روح
كريم : جدى لما مات ابويا مسك الشركه مكانه بما انه ابنه الوحيده ، فلما ابويا مات من حوالى ست شهور كدا المفروض الشركه كانت تتقسم بينا انا و عمر ، صح يا شريف بيه مش ده العدل بذمتك
ينظر له شريف و هو يتمالك اعصابه
كريم : ابويا بقا الله يرحمه معملش كدا عمل وصيه ان الاحسن فينا و الاكثر كفاءه هو اللى يمسك الشركه ،و حسب الصفقات اللي تمت كان عمر احسن و هو اللى مسك الشركه ،بس دلوقتي انا اللى عملت صفقه بكل الصفقات اللي هو عملها فبقت من حقي انا صح ولا ايه ؟
شريف : و اما عمر هو اللي المفروض كان ماسك الشركه لوحده ، انت كنت شريك ازاي كل الفتره اللي فاتت دى !! ده انت كنت سبب خسارتنا اصلا
يقاطعهما فهيم : كلامك صح طبعا يا شريف بيه بس دى كانت رغبه عمر بيه هو اللى اتنازل بنص اسهمه لكريم بيه
                       ..( فلاش باك)..
عمر : يلا بقا يا متر ، ظبط الورق و اعمل اللى اتفقنا عليه ؟
فهيم *باستغراب* : كله جاهز اهو بس انت متأكد من الطلب ده يا عمر بيه
عمر : متأكد يا باشا ، امضي فين
فهيم : حضرتك هتمضي هنا و كريم بيه هنا
                  ..(نرجع من الفلاش بااك)..
شريف *ينظر لعمر بإستغراب * : ليه يا عمر !! ليه تعمل كدا !!!
عمر ينظر له بحزن و يتركهم و يذهب و ذهب خلفه شريف و اوقفه و هو يركب سيارته
شريف : ليه يا عمر ، رد عليا ليه عملت كدا ليه !!
عمر *بحزن و صوت متقطع* : صدقني مش هعرف اقولك يا شريف بيه ، عن اذنك انا عايز ابقي لوحدى
و تركه و ركب سيارته و ذهب