"မင်္ဂလာပါ ဆရာမ"
"မင်္ဂလာပါကွယ် အရင်ဆုံး ဆရာမ နာမည်စာရင်း ခေါ်မယ်နော်
အတန်းခေါင်းဆောင် မရွေးရသေးတော့ ပျက်ကွက်စာရင်းကို ဆရာမပဲ လုပ်လိုက်တော့မယ် နောက်နေ့မှ အတန်းခေါင်းဆောင်တွေ အသင်းခေါင်းဆောင်တွေ ရွေးမယ်နော် ဘယ်သူလုပ်သင့်လဲ ကြိုစဉ်းစားထားကြဦး အော် မေ့တော့မလို့ ဆရာမက ဒီအခန်းရဲ့ အတန်းပိုင် ဒေါ်မူယာကြော့ ပါကွယ်"
"ဟုတ်ကဲ့ပါ"
ဆရာမရဲ့ ရှည်လျားတဲ့ စကားအဆုံး ကျောင်းသားတွေက ထုံးစံအတိုင်း ဟုတ်ကဲ့ပါ ဆိုသော စကားနဲ့ ထောက်ခံကြတယ်။
"ကဲ ကဲ ဆရာမ နာမည်ခေါ်မယ်နော်"
....
....
....
....
ကျောင်းသား ၆၀ကျော် ရှိတဲ့ စာသင်ခန်းထဲ ယောက်ျားလေး ၂၉ယောက်၊မိန်းကလေး ၃၅ယောက် ရှိတာမို့ စာသင်ခန်းထောင့် သုံးတန်းမြောက်က အိပ်ငိုက်နေသော ကောင်မလေးတစ်ယောက် ခိုးအိပ်ရန် ဆုံးဖြတ်လိုက်သည်။ ထိုစဉ် နာမည်စာရင်းခေါ်နေသော ဆရာမဆီမှ
"ဂုဏ်ထည်ဝါ"
"ရှိ"
ခိုးအိပ်ရန် ကြံစည်နေသော ကောင်မလေးမှာတော့ ထိုနာမည်ကြားသည်နှင့် အိပ်ချင်စိတ်တို့ဟာ ကြက်ပျောက်ငှက်ပျောက်ပင်။
*ဂုဏ်ထည်ဝါ.....ဂုဏ်ထည်ဝါ.....
ငါ အဲ့နာမည်ကို ရင်းရင်းနှီးနှီးကြီးကို သိပါတယ်
အော် ဟိုကောင်.... အမယ် ၄တန်းထဲက နောက်နှစ်နင်ရှိတဲ့ ကျောင်းကို ငါပြောင်းခဲ့မယ်ဆိုပြီး ၉တန်းမှပဲ ရောက်လာတော့တယ်.... သို့ပေသိ မဆိုးပါဘူး ကတိတော့ တည်သား*
အရင်ကအကြောင်းတွေ ပြန်တွေးတော့မဲ့ ဆဲဆဲမှာပဲ
"ခြူးရတီထက်" ဆိုသောကြောင့် ယောင်ယမ်းကာ
"ရှင် ဆရာမ အဲလေ ရှိ ရှိပါတယ် ဆရာမ ဟီးဟီး"
"ဒီကလေးမ ထုံးစံအတိုင်း အိပ်ငိုက်နေပြန်တာလား ယောင်ယောင်ယမ်းယမ်းနဲ့"
ဆရာမက ကျောင်းစတက်တဲ့ နေ့မှာပင် ဒေါက်ဖြုတ်လိုက်တာကြောင့် ခြူးထက်တစ်ယောက် အနည်းငယ် ရှက်သွားရသော်လည်း ထုံးစံအတိုင်း ဆရာမကို ပြန်စကာ ရှောင်လွှဲချက် ကောင်းကောင်းသာ ပေးတော့သည်။
