لكنها طفلتي❤️

09

الحلقة 9 🌈
_ رمات روحها على لفراش و حطت يديها فراصها تخمم محست غير كي رفد لبيسي شافت فيه
مرام : ايي اعطيني نشوف معاك ..
جسور : نعطيك ####
مرام : متحشمش ،بصح علاااه ياك نشوف برك
جسور حط ابهابو على شفتو وشاف بيها بنظرة تخوف .. سكتت ديراكت
جسور : ديتي جواب مال بلعي منسمعش حسك ..

_ ناضت رفدت روحها داخلة لدوش دوش ... بقات تحت مرش شحاال شوية و خرجت محستش بالوقت .. لفت سربيتة و دورتها لى جسمها شوية و خرجت .. حوست فالخزانة ملقاتش حوايج من غير شيميزيات تاع ذرارو سراول لبست وميزي و خرجت بلاعقل تقلب فالغرف و تفتح فيهم .. وصلت لوحدة كي فتحتها بالباس مقدرش لقات فيها مفتاح دوراتو و فتحتها مع فتحتها ضربت فيها ريحة تاع بنات .. شافت فيها بقات شوف فالغرفة تبان كان كاين وحدة هنا !! فتحت لخزانة تبسمت حتى ضرسة لعقل بانت ... جبدت واحد لاغوب و لبستها .. نشفت شعرها تكريبالها شوية طلقاتو رفدت ريحة لي تم دارت منها و بقات شوف فروحها منظرها يهوبل ... مع خرجت قابلها جسور عينيه كي نار مفهمت والو...

_ مرام : ج جسور و..
مكملتش هدرتها محست غير كف فوجها جابها طايحة فالرض ... تشوكات هبط ليها رفدها من شعرها
جسورر : ياااااااا ### شكووون قاااالك ادخلي لهناااااا ؟ شكون سمحلك تلبسي من حوايجهاااو لا تحطي من ريحتهاااا شكوون ...

_ سياات تجبد روحها اما زادت لقات كف فوجها للمرة ثنية دموعها كانت شادتهم هبطو ... شوف فيه و خايفة عينيه يقطرو بسم نظرة الكره و الحقد باينين فيهم و كأنهم نار ... عروقو بارزين و مزير عليها بيديه ... محست غير كيفاه جرها من يديها موراه و هي تبكي تحاول تفك روحها من جنونو فهذيك اللحظة دخل ميران لقاهم فهذيك الحالة جرا ليه حكمو
ميران : جسور خلاص اطلقها ### راح تقتلها معلابالهاش
جسور : يا ### لبست من حويجها و دارت ريحتها و افضل دخلت لغرفتهاااا يا #####
ميران : معلابالهاش اهدى جسور خلااص اهدى
دار جسور يشوف فحالتها .. بدى يهدى . لكن نار لي شعلت فقلبو مزالت .. شوية و جبدو ميران منها غير طلقها بعدت تجري و تلاحت عنقت ميران ... بقى يمسح على شعرها .. جسور خبط الحيط و رفد لفيسا تاعو خرج ..

ميران : مرووش خلاص اهداي راهو راح .. اهداي ..
محس غير كيفاه كانت حطيح لقفها .. رفدها و طلع بيها للغرفة اغمى عليها من خوف بقى يشوف فيها كيفاه خدوخدها حمورة و عينيها و شفافها منفوخين من لبكى .. حالتها تغيض غطاها و خرج ...

___
✨