لكنها طفلتي❤️

18

____
الحلقة 18 💛
_بدات تفطن تحس فحاجة لاسقة فيها .. دنات شوية شوف فيه .. يعني كان معنقها !
مرام : ميحشمش
_ شوية و تفكرت بلي لبارح كلات حاجة اومبعد فشلت اومبعد مرضات ... تبطت فراصها كي قاتلو متروحش رجعت حمرة ...
مرام : ياه انالي وليت منحشمش !!
غطاتو و ناضت راحت فتحت العين و قعدت تحتها .. تخمم

_ مراحش نستسلم لقلبي ... مراحش نخليه يضعفني و مراحش نغفر... باباه قتل ماما ... و ماما ماماتتش بسكتة كذابين مراحش نغفر .. رغم ان قلبي .. لكن راح يفوز العقل ... بصح شكون سوزان ؟ ... بصح حتى ختو نفس اسم ؟؟ بقات تخمم .. مستحيل لالا ... بصح يا ربي شكون لازم نعرف حاسة انو مور اسمها حكاية ..

غلقت المرش و نشفت روحها لبست حوايجها و خرجت تنشف فشعرها ... شوف روحها فالمراية ..
شوية و ناض من فراشو دخل ديراكت لدوش من غير اي كلمة .. دوش و خرج كانت مزالها قاعدة تخمم .. لابس غير شوغت و شعرو مشمخ طايح على وجهو ماشي لابس تريكو .. عدلت غوج تاعها مع دارت طاحت عينيها عليه بقات شوف ليه يقرب جيهتها وقفت .. تشوف فعضلاتو . وجهو لي ميعبر على اي شعور متقدرش تخمم فواش يخمم ... محست غير كي حاصرها
مرام :_ ج ج ج جسور .. واش بيك بعد ...
جسور : وحدة برك
شافتو وين راهو يشوف .. قبل ما تحكي تلح عليها جبدها ليه باسها بوسة طويلة ... يمكن كانت اول بوسة ليهم مع بعض عبرو على جميع احاسيس من خلالها مرام سيات تبعدو مقدرتششوية و طلقها تبسم بخبث ..
جسور: فراز
مرام : متحشمش
جسور : منزيدش نلقى الزبل هذاك دايراتو في فمك و خارجة
شافت فثواني تعابير وجهو تبدلت تفكرت لبارح واش صرى
مرام : جسور ..
جسور : ممم
مرام : هذاكشمينڤوم تاع لبارح واش فيه ؛!!
جسور : ماشي شمينڤوم يا الفاهمة ... هذيك نعطوها لكاش واحد حابين نحبسولو لحركة باش نحكموه تمتم مور ما نحكموه نعطوهالو باش ميهربش و تأثيرها يتفاعل تمتم و زيد نتي جسمك كان تاعب كنتي قادرة تموتي !! اقرا واش تاكلي مرة جاية قبل !!
سكتت

مرام : بصح بنين !! حكنمت شعرها للفوق و خرجت معاه لتحت قعدو يفطرو
سوزان : مرام نروحو نشوفو لاغوب بلونش ! انا ونتي خويا مشغول اعذريه
مرام : اي
قاطعها
جسور : راح تروح معايا ليوم و نشوفو فطريقنا لاغوب
سوزان: بقاو يومين للعرس تحمست
جدة : وي لازم يكون كلش واجد
جسور ترشف القهوة
جسور : ساهل اوبعد نشوف امشي هيا
ناضت و شدها من يدها وخرجو
مرام : وين رايحين !
جسور : ضوك تعرفي
ركبو مع بعض مسافة طريق و كانوعند اليخت شدها من يدها رفدها و طلع حطها
مرام : بوبية انا ؟
تبعاتو راح باليخت حبسو فنص البحر
جسور : شدي
شداتو من يدو شافتو
مرام : مايو واش ندير بيه ؟
جسور : البسيه و ارواحي نعومو
مرام : اوك بصح تشدني
جسور : ايه روحي ارواحي اجري

____