لكنها طفلتي❤️

22

لكنها_طفلتي ✨♥
_
الحلقة 22 🔮🌈
_ خرجو راحو .. طلعت فطونوبيل ...طلبت يديهم لشوفور ..
سوزان : حكيلي شوفي كيفاه عرفتي خويا ؟
مرام : كون غير معرفتوش
سوزان تصدمت من هدرة مرام .. مرام فاقت على واش هدرت شافت فيها و ضحت
مرام : ههه نتمسخر .. عرف..
مخلاتهاش تكمل تحكي شدتها من يدها
سوزان : مرام مراكيش مضطرة تكذبي عليا انا ..
مرام تعكرو عينيها بدموع سوزان شوكاتها جبدتها عنقتها .. شوية و مرام جبدت روحها منها
مرام : نحس روحي ضعيفة منحبش كي يعنقوني بزاف
سوزان : احكيلي
مرام من غير فكير حكاتلها من خمس سنين كيفاه تعارفو .. كيفاه حتى شكات بيه كيفاه خطفها و بيراطات كلش ..
مرام : و نهاية كي حكالي حقيقة الشابة تاع والدينا لي يشرفو الله يبارك يطلعو راص
سوزان : وي بزاف لكن يبقاو اهلنا
مرام : علابالي
سوزان : لكن يبان يحبك جسور والله
مرام تبسمت
مرام : راكي قلتيها يبان برك !
سوزان : لالا صح يحبك يبان من نظراتو ليخ نتي برك حمارة
مرام : ممم نوضي نوضي نروحو نشرو قبل ما يغلقو
سوزان : نسييت كامل ..

دخلو للحوانت يشرو .. شراو كامل واش حابة تشري .. خيرت حوايج بعناية وفرحانة .. يعني قررت تعيش قصة زواجها كيما تخيلاتو .. لانو مكاش نهار مهم فحياتها من غيرو رتتفكر كلش فيه .. يبقى ذكرى .. صح ماشي كيما حابات بضبط لكن احسن ... شراو خرجو قضاو لحظات شابين مع بعض .. من شحال مضحكتش هاك .. رغم انو نهار واحد لكن رجعهم قراب لبعضاهم اكثر و اكثر ... رجعو لدار لعشية قبل غروب شمس .. دخلو لدار و صوت ضحكهم عمر ملأ كامل الدار شافتهم الجدة
الجدة : يدوم الضحكة هذي بناتي
مرام : نشااله
سوزان : نشاله ماني
شوية و هبط عندهم جسور .. شاف فمرام .. طلعت راصها ليه ..
جسور : ارواحي
مرام : اعذروني انا نروح
الجدة : روحي بنتي
___