لكنها طفلتي❤️

28

ولكنها طفلتي ♥
___
الحلقة 28 🌈✨
_ جسور حط يدو على راصها سخون يغلي .. جبد يدو ثانية من وراء كتفها محس غير بيدو كامل دم .. قلابها .. كتفها كامل دم عينيه وساعو و هو يشوف دم مغطي كامل كتفها ... عرالها على كتافها يشوف فزجاجة داخلة فكتفها .. كيفاه هذي من دقايق كانت مليحة !!
جسور : مرام ابقاي فاتحة عينيك ### بالاكي تغلقيهم كون كشما يصرالك نقتلك .. نقتلك ### .. يا ميررررااااااان
يعيط لميران محس غير بالباب تفتحت
ريان : مكاشو ميران
جسور : ريان اسمعي جيبيلي قماش و ما و بوات فرماسي و موس و بريكي ..
شافت في مرام ... كيفاه كامل دم اومبعد شافت فيه .. يعني ماشي شريرة لهاذ درجة .. جرات جابتلو و جات
ريان : بعد ..
جسور : ريان ### بالاكي
ريان : بفف منيش شريرة لهاذ درجة يعني نعرف فهاذ مجال كيفاه نخرج زجاج و لا رصاص ...
بعدلها قعدت قدامها عراتلها على كتافها بدات تمسح فالدم باش يبان مكانو وين ...
شافت في جسور فهم سخن اموس..
ريان : لازمك تكوني قوية و تتحملي ..
محست غير كي تحط على جسدها عيطت بأعلى صوت ... زرت على يد ثانية لريان
ريان : مبقاش بزاف اتحمليي ..
محست غير كيفاه جات تبعد .. رافدة روحها اصلن بسيف ...
ريان : جسور ا ..
قبل ما تكمل لقاتو سبقها جبدها ليه عنقها خباله راصها فصدرو مزير عليها شافت فيهم ... سكتت اومبعد كملت خدمتها مرام تبكي و تحاول تبعد و هو كابس عليها باش متتحركش .. شوية و كملت مسحتلها عليه دارتلها بومادة .. و باسما .. بقات شادة فجسور و تشهق .. شويةبدات تترخف .. طاحت يدها منو دناها حطها فوق لفراش ...
ريان ناضت خارجة تبعها جسور
ريان : جسور انا و لا هي !
جسور : ريان نتي علابالك واش كاين بلى ما تتمهبلي عليا ...
تمحات ملامح البرائة من وجها ... تبسمت معاه بخبث .. نفس ابتسامة لي فوجهو ..
ريان : مممم ضهرت ذكي اكثر مما توقعت قدرت تكتشف الامر ...
جسور : مممم ماشي نتي برك لي تمثلي كامل موهوبون ...
ريان : ممم وقتاش عرفت !
جسور : تقدري قولي من نهار دخلتي حياتي ..
ريان : يعني مكاله نكملو فهاذ تبهليل .. جسور عينيا راح يبقاو عليك
تبسم على جنب حط ابهامو على شفتو و رجع حكى ..
جسور : هه مراحش تلقاي دليل ابردي
ريان : ايام بناتنا
جسور : نشوفو نشاله
ريان : اعتني بمرام حالتها متبشرش بزاف باالخير
جسور : مم

___

___
تابع حلقة 28 🌈
_ حست براصها ثقيل كتفها يوجع ... تقعدت بسيف شوف فيه تفكرت بلي كي داخت فدروج اومبعد ماشي متفكرة والو ممنين جا لجرح هذا ؟ .. جات تنوض لعبت عليها دوخة قعدت .. شوية و دخل جسور رافد صينية تاع ماكلة حطها ..
جسور : ارتاحي .. رجعت عدلت تقعدت و تكات راصها للور .. شافت فصينية
مرام : بفف جسور ني جيعانة بصح نكره لاسوب !
جسور : لازم تاكليها راكي مريضة
مرام : مآه
جسور : ناس تزوجت بمرا و نا تزوجت بطفلة ! اطلن منيش نسقسي فيك
رفد مغرفة غلقت فمها
جسور : طيط طيط افتحي فمك او او حتوصل للفم طونوبيل
مرام : اييي جسور منيش طفلة
جسور :لكنك طفلتي انا برك ..
مرام : مآه متحشيليش بالهدرة منكولش ..
جسور زبط وجهو .. يعني تمتم رجعت شخصية الغامضة لي فيه تمتم تبدلت ملمحو من حنان لقساوة .. من ملامح فهومة لغامضة
جسور : نتي متحبيش ### لملاحة ب
بقات غالقة فمها .. غلقلها نيفها مع جات تتنفس غلق على نيفها ... فتحت فمها تتنفس دخللها مغرف ديراكت في فمها.. دموعها هطو تاكلىو تبكي .. بسيف كملاتو ..
جسور : شتي بلي متحبيش لملاحة هاكي كملتيه .. شطورة مروشتي ..
مسحلها دموعها .. و باسها من جبينها شربلها دوها .. و عدللها قعدتها .. تراما قدمها ... مرام خبطت فراصها كي تفكرت ريان ..
مرام : واش حكيت مع هذيك
جسور : مم خلاص راحت
مرام : كيفاه ستغنات عليك هكا سبحان الله ماشي تعرفها من بكري و كي جات ليوم قالت جسور تاعي و خرا .. تاع نانها ...
جسور جبدها يلعب بشعرها
جسور : انساي حبيبي كيتراي و نحكيلك
مرام : ممم اوك
_____