لكنها طفلتي❤️

30

فراح
___
الحلقة 30 💙
_ مرام :قسمتلي ضهري مسكين ..
ناضت من الارض وقفت شدت فيدو .. بداو يمشو
مرام : محكيتليش على ريان ..
جسور : ماشي وقتها ..
مرام : نو احكيلي ..
جسور : اوك .. مهم ريان عميلة سرية فشرطة .. يعني دخلت لحياتي باش تحكم دليل قاطع بلي رئيس مافيا .. و نا في يمات اولى لي عرفتها فيهم .. درت بحث طويل عريض و فقت .. لعبنا بين زوج لعبة الحب الخادع .. و هي ملقاتش دليل مالڤري علابالها بطبيعة خدمتي .. و هربت يوم زواجنا و نا كان علابالي بلي راح تهرب لأنها انسانة متزوجة .. يعني متقدرش تتزوج بيا .. هربت و بقات تراقبني و كان علابالي و نهار دخلتي للغرفة تاعها .. غيرتي كانت مجرد تمثيل لأنها كانت تشوف ...
مرام بقات فاتحة فمها من هدرتو.. يعني فارغين شغل قاعدين يلعبو لعبة هذي .. القط و الفأر و يتبهللو ...
مرام : عامين و نتوم تتمسخرو يعني
جسور :ممم ضوك امشي شو قبل ما نموتو
مرام : ممم
جسور : مرام
طلعت راصها شوف فيه ...
مرام : وي
جسور : نموت فيك ..
بقات شوف فعينيه .. قلبها خبط وقت قال كلمة هذيك .. شوف فيه و كانو اول مرة تسمعها ..
مرام : نموت عليك ..
زير على يدها محست غير كيفاه جبدها من معصمها بقوة خبطت فصدرو تخبى مور شجرة يدو على شفافها .. قلبها يخبط .. جازو رجال ماشفوهمش .. غمضت عينيها .. شوية و خرجو
جسور : ميران وراك يا ###
محست غير بسلاح تحط فراصها
مرام : ج جسوور
تلفت يشوف فيها .. عض شفافو جا يجبدها شدو واحد من لور حكموه
جسور : اطلقها ### اطللقهااا
_ نو نو نو ماشي بهاذ سهولة .. نهار حللتك باش متخرجنيش من عصابة .. نتا واش درت ! قتلت وليدي .. و خرجتني ! راح نقتلها و راح ندمك ندددمك .....

جسور : جرب تقرب جيهتها و تشوف ###
ركب رصاص و جا راح يضغط ..
_ أخر كلام ليك !
مرام : جسور نحبك .. كان راح يجينا طفل لكن مكتبش .. نحبك مووت ..
غمضت عينيها و دموعها هبطو .. تبسمت شبه تبسيمة ..
جسور : مراااام ...
مع جا يضغط حسو بإطلاق نار ..
___
🥺