لكنها طفلتي❤️

03

الكاتبة : فراح 🌸
____
الحلقة 03 🌈
_ بعدما دا لعنوان تاعها و اسم هجم على قصر لي كانت عايشة فيه دخل من تاقة .. قلبو بيت ببيت ..ملقى والو ..دخل لغرفتها لقى ورقة محطوطة ..
" قدرت نعرف بلي هذاك شرطي تابعك للأسف مهم سبقتك بخطوة مراح تلقى والو فالقصر متعبش روحك يا حلوو "

_ تبسم على جنب حك لحيتو بيدو يعني لعبة غومايضة جديدة .. لعبة القط و الفأر بدات و علابالهاش معامن راهي تلعب و لا علابالها و حابة تحاول ...
جسور : مرام طحتي مع شخص الخطأ ،
_ رفد فيسا تاعو و عاود خرج كيما دخل ...
🌸🌈
بعد يوم
لابسة سورفات و دايرة كوشوفال كيتمان و خارجة تجري شوية ... من شحال مادارتش سبور ... مع خرجت من هذ البيت صغير في قرية تلفتو لي كانو لتم يشوفو فيها و فلبستها .. دورت عينيها نساااات بلي هوما عندهم لي تلبس هاك تسمى عاهرة .. كامل يمتمو مع بعضاهم عليها .. باهتين فيها يعني زين و لبسة و كلش 💛 شافت فيهم نفخت و راجعة تدخل هاربة من نضراتهم ليها محست غير بيد قوية دارت على خصرها ... حطت يدها على يدو محست غير بحاجة تحطت على نيفها قبل ما طيح لقفها دار لقاهم كامل يشوفو فيهم و يتمتمو .. كيفاه رافدها بين يديه و راصها فصدو و شعرها طايح و لهوى يدي و يجيب فيه

جسور : واش كاين ؟
_ اطلق طفلة علاه تخطف فيها قربو ليه ليكانو تم
جسور طلع عينيه و عاود هبطهم خصو غير هذو يكملو عليه ..
جسور : منيش خاطفها
_ و وعلاه رافدها و ديتها هاك واش يعتبر ؟ حطها خليها
جسور زير عليها فحضنو و حكى ببرود : هذي تاعي يعني نديها كي نحب و نخليها كي نحب و واحد ما يدخل روحو
_كذاااااب ياااااااا نااااس راااح يخطفهااااااا
جسور شاد اعصابو بسيف عليها ...
محست غير كي حط فيدها دفتر عائلي فتحت فمها ...
جسور : كي نقولك تاعي يعني تاعي 🔥 ضوك بعدي من طريقي راكي ديتيلي وقتي بزاف عليك

نحالها دفتر عائلي من يدها و راح يمشي بكل قوة .. ابتسامة نصر على وجهو .. شر يطاير من عينيه

جسور : مرام صحراوي طحتي فقفص جسور صالحي

تبسم و كمل ركب و حطها من لور و ديمارى بقوة كبيرة خلى الغبار و اهل لقرية لي تم باهتين فيه 🔥🔥
_